If I Needed Someone
«I've Got a Way of My Own»
| If I Needed Someone Singel av The Hollies | ||
| B-side | ||
|---|---|---|
| Språk | engelsk | |
| Utgjeve | Desember 1965 | |
| Sjanger | Pop, Beat-musikk | |
| Selskap | Parlophone R5392 | |
| Komponist | George Harrison | |
| Tekstforfattar | George Harrison | |
| The Hollies-kronologi | ||
| «Look Through Any Window» (1965) | If I Needed Someone | «I Can't Let Go» (1966)
|
«If I Needed Someone» er ein song av The Beatles som vart gjeven ut første gong på albumet Rubber Soul i 1965. Songen var skriven av George Harrison og spelt inn mellom 16. oktober og 18. oktober 1965.
Inspirasjon
Songen var tungt influert av musikken til den amerikanske gruppa The Byrds. Etter sigande sendte Harrison songen til Jim McGuinn med beskjeden «Dette er for Jim» sidan gitarriffet i «If I Needed Someone» var basert på McGuinn sitt riff i songen The Bells of Rhymney. Introduksjonen og capoet i songen var òg særs like Byrds. Pussig nok var The Byrds eigen bruk av elektrisk 12-strengars gitar influert av George Harrison sin bruk av eit tilsvarande instrument i filmen A Hard Day's Night.
Harrison har sjølve skrive om songen at «'If I Needed Someone' er som ein million andre songar skrive rundt D-akkorden. Om du flyttar fingeren din rundt får du fleire små melodiar og nokre gongar får du fleire små sjukdommar. Den gitarlinja, eller variasjonane av han, finst i mange songar og det overraskar meg at folk framleis finn nye kombinasjonar av dei same tonane.»
Versa har tunge harmoniar med John Lennon si stemme høgast, noko høgare enn Harrison si i miksen.
Musikarar
| If I needed someone if I had some more time to spend George Harrison |
- John Lennon — harmonistemme, rytmegitar
- Paul McCartney — harmonistemme, bassgitar
- George Harrison — dobbelspora hovudstemme, sologitar
- Ringo Starr — trommer, tamburin
- George Martin — harmonium (orgel)
Andre versjonar
Harrison inkluderte songen på sitt Live In Japan-album frå 1992 der han og Eric Clapton hadde langt lengre gitarspel mellom versa. Harrison si stemme er òg mykje meir prominent enn på Beatles-originalen.
Clapton spelte òg ein kort versjon av songen på hyllestkonserten «Concert For George» i 2003.
«If I Needed Someone» var den første songen frå George Harrison som vart ein hitsong for ei annan gruppe. Det var The Hollies si utgåve som nådde 20. plass på den britiske hitlista i januar 1966. Harrison sine nedlatande kommentarar til pressen førte til sinte ordvekslingar mellom dei to britiske gruppene.
Kjelder
Kjelder
Bakgrunnsstoff
This article uses material from the Wikipedia Nynorsk article If I Needed Someone, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.