The Pressure Will Blow
Hollywood (Down on Your Luck) Singel av Thin Lizzy frå albumet Renegade | ||
B-side | ||
---|---|---|
Utgjeve | Februar 1982 | |
Innspelt | 1981 | |
Sjanger | Hardrock | |
Lengd | 4:09 | |
Selskap | Vertigo | |
Låtskrivar(ar) | Scott Gorham, Phil Lynott | |
Produsent | Thin Lizzy og Chris Tsangarides |
«Hollywood (Down on Your Luck)» er ein song av det irske rockebandet Thin Lizzy, skriven av gitaristen Scott Gorham og bassisten og vokalisten Phil Lynott, og gjeven ut på singel i 1982. Det var den einaste singelen som kmo ut frå albumet Renegade i Europa.
Opningssporet på side 2 av Renegade, «Hollywood (Down on Your Luck)» vart gitt ut som singel i februar 1982 over tre månader etter albumet kom ut i november året før. Vertigo Records nekta å finansiera ein musikkvideo for songen, noko som bidrog til ei relativt dårleg hitlisteplassering samanlikna med tidlegare singlar. I Storbritannia nådde «Hollywood» 53. plassen, noko som bortsett frå den førre singelen, «Trouble Boys», som òg nådde 53. plassen, var den lågaste hitlisteplasseringa for ein Thin Lizzy-singel i Storbritannia sidan «Wild One» ikkje nådde hitlistene i 1975. I Irland nådde ikkje singelen listene i det heile, igjen den dårlegaste prestasjonen sidan midten av 1970-talet. Han nådde likevel 24. plassen på den amerikanske Mainstream Rock-lista.
«Hollywood» vart gitt ut i ulike territorium, alle med same biletomslag eller med eit vanleg omslag utan bilete. I Storbritannia vart det òg gitt ut ein 7" biletplate i eit vanleg plastomslag. Dei første 30 000 singelane var biletplater og resten var svart vinyl.
I Nederland vart den vanlege b-sida «The Pressure Will Blow» erstatta med eit anna spor frå Renegade, «Mexican Blood».
I Canada var B-sida på singelen «Girls», skriven av Lynott, den tidlegare Thin Lizzy-gitaristen Brian Robertson og tidlegare Rainbow-bassist Jimmy Bain. «Girls» var ikkje ein Thin Lizzy-innspeling, då ho tidlegare var med på Lynotts soloalbum Solo in Soho.
Den dårlege plasseringa til singelen på hitlistene var trass i eksponering på TV i beste sendetid i Storbritannia, då bandet framførte singelen som gjestar på BBC One sitt laurdagskveldsprogram Jim'll Fix It, den 9. januar 1982. Showet arrangerte normalt for at barn skulle få ønska sine oppfylt, men ved dette høvet hadde May Booker, ei bestemor i 70-åra, spurt om ho kunne opptre med Thin Lizzy. Songen vart litt omarrangert for TV-framferda, Lynott song ein litt annan tekst, og Booker spelte ein klaversolo som ho hadde skrive sjølv. Den faste klaverspelaren i bandet, Darren Wharton, spelte saman med henne. Ho bidrog òg med korvokal saman med Wharton, Gorham og andre gitaristen til bandet Snowy White. Etterpå overrekte Lynott og programleiaren av showet Jimmy Savile Booker den vanlege Jim'll Fix It-medaljen, noko Thin Lizzy-memorabilia og ein innramma kopi av notane til soloen hennar.
Warrant spelte inn songen på coveralbumet sitt frå 2001, Under The Influence.
«Hollywood» vart spelt av Adler's Appetite på deira EP med same namn i 2005.
This article uses material from the Wikipedia Nynorsk article Hollywood (Down on Your Luck), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.