Dale er kommunesenter i Fjaler kommune i Sunnfjord i Vestland fylke.
Bygda ligg ved Dalsfjorden, og har 1 231 innbyggjarar per 1. januar 2023. Bygda er kommunesenteret i Fjaler og har dermed kommunehuset med kontor til administrasjonen. I desember 2013 opna Dalsfjordbrua som knyter saman Askvoll kommune og Fjaler kommune.
Dale | |||
stad | |||
Dale i Sunnfjord (Panorama) | |||
Land | Noreg | ||
---|---|---|---|
Fylke | Vestland | ||
Kommune | Fjaler | ||
Areal | 1,19 km² | ||
Folketal | 1 231 (2023) | ||
Folketettleik | 1 034 / km² | ||
Postnummer | 6963 DALE I SUNNFJORD | ||
Preposisjon | i Dale | ||
Dale i Sunnfjord 61°21′47″N 5°23′53″E / 61.363055555556°N 5.3980555555556°E | |||
Wiki Commons: Dale (Fjaler) | |||
I Dale finn ein Klokkargarden, fødestad åt diktaren Jakob Sande, Nordisk Kunstnarsenter på Dalsåsen og designstudioet Ralston & Bau og idéfabrikken Transplant. I tillegg så driv Dale Ungdomsslag Fjaler Kino på frivillig basis. Kinoen held til i ungdomshuset Trudvang som ligg langs fv. 57 mellom Dale sentrum og Dingemoen skule.
Dale har vore utdanningssentrum for området i mange år, og i dag finn ein Dingemoen barneskule, Fjaler ungdomsskule og Dale vidaregåande skule i bygda.
Frå rutebilstasjonen i Dale sentrum går det fleire bussar mellom anna til Førde og Bergen via Riksveg 57 eller snøggbåt. Bygda ligg 25 min frå Førde lufthamn, Bringeland.
I desember 2013 opna Dalsfjordbrua for trafikk. Den knyter saman Fjaler kommune med Askvoll kommune. Dalsfjordsambandet består av ny fylkesveg nummer 609 frå Eikenes til Nishammaren i Dale og ny fylkesveg nummer 57 frå Fjaler Sjukeheim til Sætenes. Dalsfjordsambandet inneheld tre nye tunnelar, der to av tunnelane ligg i Askvoll kommune og den siste ligg i Fjaler kommune, og sist men ikkje minst Dalsfjordbrua over Dalsfjorden. Desse tre tunnelane heiter Dalsfjordtunnelen, Ottersteintunnelen og Nishammartunnelen. Nishammartunnelen ligg i Fjaler kommune og er ein av få tunnelar i Noreg med rundkøyring inne i fjellet.
Folketalsutvikling i Dale | ||||
---|---|---|---|---|
År | Innbyggjarar | |||
1920 | 206 | |||
1930 | 463 | |||
1946 | 666 | |||
1950 | 728 | |||
1960 | 813 | |||
1970 | 967 | |||
1980 | 924 | |||
1990 | 935 | |||
2000 | 905 | |||
2009 | 980 | |||
2012 | 1 063 | |||
Kjelder: SSB: Norske folketeljingar |
This article uses material from the Wikipedia Nynorsk article Dale i Sunnfjord, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.