Celin Bizet Ildhusøy
Celin Bizet Ildhusøy (fødd 24.
oktober">24. oktober 2001) er ein norsk fotballspelar frå Frogner i Viken, som spelar for Tottenham Hotspur og det norske landslaget.
| Personleg informasjon | |||
|---|---|---|---|
| Fødd | 24. oktober 2001 | ||
| Fødestad | Frogner i Lillestrøm, Sørum kommune | ||
| Posisjon | Angrep | ||
| Klubbinformasjon | |||
Noverande lag | Tottenham Hotspur | ||
| Nummer | 14 | ||
| Ungdomsklubbar | |||
| Frogner Skedsmo | |||
| Seniorkarriere* | |||
| År | Lag | Kampar | (Mål) |
| 2016 | Skedsmo | 9 | (7) |
| 2017–2021 | Vålerenga | 69 | (8) |
| 2019 | → Grei (lån) | 3 | (2) |
| 2021–2022 | Paris Saint-Germain | 6 | (0) |
| 2021–2022 | Tottenham Hotspur | 5 | (0) |
| Landslag | |||
| 2017 | Noreg J16 | 9 | (6) |
| 2018 | Noreg J17 | 7 | (1) |
| 2018–2020 | Noreg J19 | 24 | (14) |
| 2021– | Noreg U23 | 2 | (2) |
| 2021– | Noreg | 11 | (5) |
| * Seniorklubbkampar og mål berre telt for nasjonal liga og oppdatert 8. november 2022 ‡ Landslagsmål oppdatert 8. november 2022 | |||
Klubbkarriere
Tidleg karriere
Ildhusøy byrja å spele fotball for Frogner Idrettslag, før ho som 14-åring melde overgang til Skedsmo. Ho spela aldersbestemte kampar i klubben, i tillegg til ni kampar for A-laget i 2. divisjon under 2016-sesongen.
Vålerenga (2017–2021)
Før 2017-sesongen signerte Ildhusøy for Vålerenga Kvinner. Berre 15 år gammal debuterte ho for Vålerenga i Toppserien. Ho vart raskt ein favoritt blant supportarane med sin leikande spelestil og teknikk. Ho var berre 16 år gammal da ho var på banen i sin fyrste cupfinale for Vålerenga mot Avaldsnes i 2017.
Sommaren 2019 var Ildhusøy på eit kort låneopphald i Grei i 1. divisjon, før ho returnerte til Vålerenga.
I 2020 var Ildhusøy med å vinne det fyrste serie- og cupgullet til Vålerenga. Ho vart nominert til årets gjennombrot i Toppserien same sesong. Blant supportarane til Vålerenga fekk ho kallenamnet «Cubafoten». Etter fire og eit halvt år i Vålerenga var ho sommaren 2021 klår for å ta det neste steget i karrieren.
Paris Saint-Germain (2021–2022)
I juli 2021 signerte Ildhusøy for den regjerande franske seriemeisteren Paris Saint-Germain. Ho fekk lite speletid i sin fyrste sesong med berre seks seriekampar for Paris Saint-Germain.
Tottenham Hotspur (2022–)
I august 2022 vart det kjent at Ildhusøy hadde signert for Tottenham Hotspur i engelske Women's Super League.
Landslagskarriere
Ildhusøy har kampar for J16, J17, J19, U23 og det norske A-landslaget.
Ildhusøy spela i U19 EM i Skottland 2019.
Ildhusøy debuterte for det norske A-landslaget i november 2021 mot Armenia, i same kamp scora ho sitt fyrste A-landslagsmål. Ho hadde eit imponerqnde målsnitt på landslaget med fire scoringar, i løpet av 322 minutter fordelt på sine fem fyrste landskampar. Ho vart teken ut i den norske landslagstroppen til EM i England 2022.
Merittar
Med Vålerenga
- Toppserien: 2020
- Noregsmeisterskapen: 2020
Privatliv
Ildhusøy har cubansk mor og faren hennar er tidlegare Molde-spelar Kjell Gunnar Ildhusøy.
Ildhusøy er saman med fotballspelaren Aron Dønnum, og under ein fotballkamp fridde Dønnum til Ildhusøy. Ho sa ja, og paret er no trulova.
Kjelder
This article uses material from the Wikipedia Nynorsk article Celin Bizet Ildhusøy, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Teksten er tilgjengeleg under CC BY-SA 4.0 om ikkje anna er oppgjeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nynorsk (DUHOCTRUNGQUOC.VN) is an independent company and has no affiliation with Wiki Foundation.