Aminata Sow Fall

Ho er rekna som ein av pionerane innan franskspråkleg afrikansk litteratur.

Aminata Sow Fall
Statsborgarskap	Senegal
Fødd	27. april 1941 (82 år) Saint-Louis
Yrke	skribent
Aminata Sow Fall på Commons

Aminata Sow Fall blei fødd i Saint-Louis, der ho fekk den grunnleggjande utdanninga si. Ho avslutta den vidaregåande skulegangen sin i Dakar.

Ho tok eksamen i fransk litteratur ved Sorbonne i Paris i 1967. Sidan underviste ho i fransk i skular i Dakar og Rufisque. I 1979 blei ho tilsett ved kulturdepartementet.

Sow Fall debuterte med romanen Le revenant i 1976. Boka skilde seg ut ved å vera den første franskspråklege romanen av ei svart kvinne som ikkje var klart sjølvbiografisk. For den andre romanen sin La grève des bàttu fekk ho Grand Prix Littéraire d'Afrique Noire i 1980. Romanen er ein satire over muslimsk dogmatisme, hykleri og kvinnefiendlegheit.

Aminata Sow Fall møtte den framtidige mannen sin, Samba Sow, i Paris. Ho gifta seg med han i 1963. Ho har sju barn. Ein av dei er rapparen Abass Abass.

• Le Revenant, roman, 1976
• La Grève des bàttu, 1979, vannn Grand prix littéraire d'Afrique noire i 1980; filmatisert av Cheick Oumar Sissoko i 2000.
• L’Appel des arènes, roman, 1997: Prix international pour les lettres africaines; filmatisert av Cheikh N'Diaye i 2006
• Ex-Père de la Nation, roman, 1987
• Le Jujubier du patriarche, roman, 1993
• Douceurs du bercail, roman, 1998
• Un grain de vie et d’espérance, réflexion sur l'art de manger et la nourriture au Sénégal suivie de recettes proposées par Margo Harley, 2002
• Sur le flanc gauche du Belem, in L'Odyssée atlantique (collectif), novelle, 2002
• Festins de la détresse, roman, 2005
• L'empire du mensonge, roman, 2017

Aminata Sow Fall har også skrive fleire dikt og teaterstykke.

• 1980 - Grand prix littéraire d'Afrique noire for La Grève des bàttu.
• 1982 - Prix International Alioune Diop for L'Appel des arènes.
• 1997 - æresdoktorat frå Mount Holyoke College i South Hadley i Massachusetts.

• Norström Ridæus, Barbro: 100 vägar till Afrika: en introduktion till modern afrikansk skönlitteratur, Nordiska Afrikainstitutet, Uppsala 1995. ISBN 91-7106-368-4. Libris 10163003.