Alexander Pope

mai">21. mai 1688–30. mai 1744) var ein engelsk diktar og kritikar. Han vert rekna som den største diktaren i samtidas England.

Alexander Pope
Statsborgarskap	Kongeriket England, Kongeriket Storbritannia
Fødd	21. mai 1688 City of London
Død	30. mai 1744 (56 år) Twickenham
Yrke	lyrikar, litteraturhistorikar, omsetjar, skribent, filosof
Politisk parti	Torypartiet
Sjanger	dikt
Religion	Den romersk-katolske kyrkja
Mor	Edith Pope
Alexander Pope på Commons

Pope si familie var katolsk, og strenge antikatolske lover gjorde at han ikkje fekk gå i skule. Opplæring i heimen og seinare grundige sjølvstudiar la grunnen for ein omfattande kunnskap om språk og litteratur.

Påverka av franskmannen Nicolas Boileau skreiv Pope eit poetisk læredikt, Essay on Criticism, som kom ut 1711. Dette og seinare verk gjorde ham til den leiande diktaren og den fremste representanten for nyklassisismen i England. Posisjonen hans kom elles mykje til å kvile på omsetjinga av Iliaden (1715–20) og Odysseen (1725–26).

Pope sitt ry som forfattar kom i fremst rekke av moraliserande, ironiske og satiriske dikt. Mellom hans mest populære verk er det komiske heltediktet The Rape of the Lock frå 1712. År 1728 kom han med Dunciad, den fyrste av tre versjonar av eit verk i same heroisk-komiske sjangeren. Han skreiv òg naturskildrande dikt som Windsor Forest (1713) og kjenslevare dikt som Elegy to the Memory of an Unfortunate Lady (1717).

Åra 1731-35 priste Pope måtehald gjennom epistlar i Moral Essays. Lærediktet An Essay on Man (1733–34) syner ein deistisk og rasjonalistisk tankegang som braut med katolisismen. I Satires and Epistles of Horace Imitated (1733–38) kritiserte han mellom anna den politiske korrupsjonen.

Pope forma mange fyndord som framleis lever, han skal såleis vere den mest siterte engelske diktaren etter William Shakespeare.

• Store norske leksikon