12 Stones

Dei opphavlege bandmedlemmene var vokalisten Paul McCoy, Eric Weaver (gitar), Kevin Dorr (bass) og Aaron Gainer (slagverk). Etter å ha spelt saman i 15 månader fekk gruppa platekontrakt med Wind-up Records, og allereie i 2002 kom det sjølvtitla debutalbumet. I 2004 gav dei ut oppfylgjaren Potter's Field, og i 2007 kom Anthem for the Underdog. Gruppa har gjort fleire utskiftingar av medlemmer fram til i dag.

Fleire av songane til gruppa har vorte brukt innan filmmusikk. Singelen My Life vart brukt i filmen Scorpion King, singelen Shadows (2002) vart brukt til traileren til Pirates of the Caribbean: Dead Man's Chest og Photograph (2002) var med i lydsporet til Filmen Elektra. Songen Let Go vart skriven eksklusivt for soundtracket til Daredevil.

Bandet har no forlate Wind-up Records til fordel for Universal Music. Dei har allereie spelt inn sitt fjerde studioalbum, Only Human som står på trappene og skal etter planen gjevast ut tidleg i 2012.

Namnet 12 Stones er ein referanse til dei kristne verdiane som gruppa står for. Gruppa oppgjev tre moglege tolkingar; de tolv steinane i den tradisjonelle hoshen som vart boren av øvsteprestane i levittordenen i Det gamle testamentet, dei tolv steinane israelittane sette opp etter at dei hadde kryssa elva Jordan og dei tolv læresveinane som fylgde Jesus Kristus.

Studioalbum

• 12 Stones (2002)
• Potter's Field (2004)
• Anthem for the Underdog (2007)
• The Only Easy Day Was Yesterday (EP, 2010)
• Only Human (2012)

Singlar

• The Way I Feel (2002)
• Broken (2002)
• Crash (2002)
• Far Away (2004)
• Photograph (2004)
• Lie To Me (2007)
• Anthem for the Underdog (2008)
• Adrenaline (2008)
• Broken Road (2009)
• We Are One (2010)
• Disappear (2010)
• Bulletproof (2011)