युरोपेली शास्त्रीय संगीत
युरोपेली शास्त्रीय संगीत छगू शास्त्रीय संगीत कला ख। थ्व पश्चिमी संस्कृतिया धार्मिक व धर्मनिरपेक्ष संगीतं उत्त्पत्ति जूगु वा उकिइ आधारित करिब ११गु शताब्दी निसें थौंतक्कया संगीतकला व संस्कृति ख। थ्व संगीतया केन्द्रिय मापदण्ड करिब १५५० निसें १९००इ संहितावद्ध जुवन। थ्व कालयात कमन प्राक्टिस पिरियड धाइ।
च्वेया पंक्ति – एन्तोनियो भिभाल्दि, योहान सेबेस्चियन बाख, जर्ज फ्रिदेरिक हान्देल, वुल्फग्याङ्ग आमाद्युस मोजार्ट, लद्विग भान बिथोवेन;
निगुगु पंक्ति – जिओआसिनो रोसिनि, फेलिक्स मेन्देलशन, फ्रेदेरिक चपलिन, रिचार्ड वाग्नर, गियुसेप्पे भर्दि;
स्वंगुगु पंक्ति – योहान स्ट्रस २, योहानेस ब्राह्मस्, जर्जेस बिजेट, Pyotr Ilyich Tchaikovsky, Antonín Dvořák;
क्वेया पंक्ति – एड्वार्ड ग्रेग, एड्वार्ड एल्गार, सेर्गेइ राख्मानिनोफ, जर्ज गर्शविन, Aram Khachaturian
युरोपेली संगीतया मेमेगु संगीत स्वया पृथक पक्ष थ्व संगीतया १६गु शताब्दी निसें न्ह्यथंगु सांगीतिक संकेतन (musical notation) व्यवस्था ख। पाश्चात्य स्टाफ नोटेसनयात संगीतज्ञतयेसं संगीत प्रदर्शकयात पायेछि स्वरमान (Pitch), सःगति (tempo) व मापक (meter), बीतः, थी-थी लय व संगीतया छगू भागयात पायेछि निष्पादन यायेत छ्येलातःगु खनेदु। थुकिलिं इम्प्रोभाइजेसन व एद लिबितम ad libitum थें न्यागु सांगीतिक आलंकरणया संस्कृतियात म्हो जक्क थाय् ब्यु। थन्यागु संस्कृति गैह्र-युरोपेली शास्त्रीय संगीत, दसु भारतीय शास्त्रीय संगीत , जापानी शास्त्रीय संगीतय् व आधुनिक संगीतय् खनेदु।
युरोपय् युरोपेली "शास्त्रीय संगीत" खँग्वःया छ्येला १९गु शताब्दीतक्क मजूगु खनेदु। थ्व ईले बाख निसें बिथोवेनतक्कया संगीतयात सुवर्ण युगया रुपय् नालेत थ्व खँग्वः छ्यलाहःगु ख।
इतिहास
| युरोपेली शास्त्रीय संगीत | |
| मध्यकालीन संगीत | (476 – 1400) |
| रिनेइसां संगीत | (1400 – 1600) |
| बारोक संगीत | (1600 – 1760) |
| युरोपेली शास्त्रीय संगीत इ | (1730 – 1820) |
| रोमान्टिक संगीत | (1815 – 1910) |
| २०गु शताब्दी | (1900 – 2000) |
| वर्तमान युरोपेली शास्त्रीय संगीत | (1975 – present) |
लिधंसा
| विकिमिडिया मंका य् थ्व विषय नाप स्वापु दुगु मिडिया दु: Classical music |
This article uses material from the Wikipedia नेपाल भाषा article युरोपेली शास्त्रीय संगीत, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाल भाषा (DUHOCTRUNGQUOC.VN) is an independent company and has no affiliation with Wiki Foundation.