Gemeen Snevern Stimbeck: Oort in’n Landkreis Heidkreis, Neddersassen

Wapen/Flagg	Koort
Basisdaten
Bundsland: Neddersassen Landkreis: Heidkreis Gemeen: Snevern
Inwahners:
Postleettall:	29640
Vörwahl:	05193
Geograafsche Laag:	53° 6′ N, 9° 47′ O

Stimbeck (hoochdüütsch Steinbeck) is en lütten Oort in de Gemeen Snevern in’n Landkreis Heidkreis, Neddersassen. Binnen de Gemeen höört de Oort to de polietsche Oortschop Schüllern.

De Oort liggt in de Lümbörger Heid dicht bi de Veers.

De Naveröörd sünd Snevern mit’n fröheren Meyerhoff un Gallhoorn in’n Noordoosten, Dannhost un Wieckhost in’n Süüdoosten, Vorwark in’n Süden, Schüllern un Schüllernbrookhoff in’n Süüdwesten, Hasselhoff un Vöden in’n Westen un Zoarn in’n Noordwesten.

In Stimbeck hett dat en Tegelee geven, de bet 1981 in Bedriev weer.

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Snevern in’n Kanton Soltau höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Neenkerken in’n Kanton Wasra.

De Oort hett vör 1852 to de Amtsvaagdie Snevern in dat Amt Rodenborg tohöört, von 1852 bet 1859 to dat Amt Snevern un denn von 1859 bet 1885 to dat Amt Soltau. Na 1885 weer dat in’n Kreis Soltau/Landkreis Soltau, de 1977 mit’n Landkreis Fambossel to’n Landkreis Soltau-Fambossel tohoopgahn is. De wedder hett 2011 den Naam Landkreis Heidkreis annahmen.

De Oort höört al von öllers to de Buurschop un later de Gemeen Schüllern to. De Gemeen Schüllern is an’n 1. März 1974 mit de Gemeenreform in Neddersassen Deel von de Gemeen Snevern worrn. Sietdem höört de Oort to de Oortschop Schüllern, de en egen Oortsvörsteiher hett.

Inwahnertall

Religion

Stimbeck is evangeelsch-luthersch präägt un höört to dat Kaspel von de Peter-un-Paul-Kark in Snevern.

För de Kathoolschen is de St.-Ansgar-Kark in Snevern tostännig, de siet 1. November 2006 to de St.-Maria-Karkengemeen in Soltau tohöört. De St.-Ansgar-Kark is 1963 boot un an’n 1. Januar 1964 egenstännige Karkengemeen worrn. Vörher is dat Rebeed ok al von de St.-Maria-Kark in Soltau betreut worrn.

För Stimbeck is de freewillige Füürwehr Schüllern mit tostännig.

Verkehr

Dör Stimbeck löppt de Landsstraat 171, de in’n Noordoosten na Snevern geiht un in’n Süüdwesten över Schüllern un Sprengel na Neenkerken.

De nächste Autobahn is de Autobahn 7 (Afsnidd Hamborg–Hannover). De Opfohrt 43a Snevern liggt so 15 Kilometer in’n Oosten von Stimbeck an de B 3.

De nächste Bahnhoff is so bi twee Kilometer wied weg in’n Noordoosten de Bahnhoff Snevern an de Heidbahn.