Oortschop
De Oortschop (hoochdüütsch Ortschaft) is en Verwaltungseenheit ünnerhalv von de Gemeen.
Wat en Oortschop utmaakt, is binnen Düütschland un Öösterriek na Bundsland verscheden.
In de Swiez is de Oortschop en allgemenen Utdruck för Oort, ahn besünnere Definitschoon.
Düütschland
Bi de Kommunalreformen in de Bundslänner sünd veel Öörd to gröttere Gemenen tohoopleggt worrn. Dorüm sünd in en Reeg Bundslänner Oortschoppen inricht worrn, dat de Lüüd in de enkelten Öörd wieder direkt vör Oort polietsch partiziperen köönt.
Dat gifft Oortschoppen in de Bundslänner Baden-Württemberg, Neddersassen, Noordrhien-Westfalen, Sassen, Sassen-Anholt und Döringen.
Neddersassen
In Neddersassen sünd besünners na de Gemeenreform in de Johren 1970 veel grote Gemenen grünnt worrn. In Neddersassen dröfft Eenheitsgemenen Oortschoppen inrichten. Gemenen, de to en Samtgemeen tohöört, dröfft dat nich. En Oortschop hett en enkelten Oortsvörsteiher oder en Oortsraad mit Oortsbörgermeester, de bi de Kommunalwahlen nee wählt warrt. De Regeln sünd fastleggt in de Neddersassische Gemeenordnung in de Paragrafen 55e–i.
De Oortschoppen sünd in de Hauptsatzung von de Gemeen fastleggt.
En Oortschop besteiht nich jümmer ut een Oort. Besünners wenn Gemenen al vör de Gemeenreform in de Johren 1970 tohoopleggt worrn sünd, bestaht de Oortschoppen faken ut mehr as een Oort.
Hessen
In Hessen heet de Oortschop Oortsbezirk.
Rhienland-Palz
In Rhienland-Palz heet de Oortschop Oortsbezirk.
This article uses material from the Wikipedia Plattdüütsch article Oortschop, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.