Een Landkreis (afkört: Lk oder Lkr) - in Noordrhien-Westfalen un Sleswig-Holsteen en Kreis (afkött' Kr) - is en Gemeenverband un Rebeetsverband.
Landkreise hebbt dree Rechtssteden:
To’n Verwalten is in de „Kreisstadt“ en Behöörd (Landraadsamt, Kreisverwalten, Kreishuus etc.) inricht. Hier hett de Landraad sienen Deenstseet. För dat Verwalten vun de Finanzen warrt vun den Gemeenen in den Lankreis en Umlaag introcken.
De Landkreis föhrt Verwaltensgeschäfte, de de Liddmatengemenen (besünners för de lüttjeren) nich allen moken künnt, oder wenn ene eenheitliche Arbeid nödig is. Dat sünd:
All Landkreise in Düütschland hebbt en Reeg Gemeenen. De Tall is ganz verschieden un un reckt vun söss in’n Landkreis Ammerland (Neddersassen) bit to 235 Gemeenen (in söven Verbandsgemeenden un een Stadt) in’n Eifelkreis Bitburg-Prüm (Rhienland-Palz)
Welke Gemeenden künnt annere Naams föhren, meisttieds ut de Historie oder vun de Grött; Biespeele: Stadt, Markt, Flecken, Bargstadt usw. Düsse Naams sünd vun’t Recht ahn Bedüden.
En kreisfre’e Stadt höört to keen Landkreis, dat is en egen Stadtkreis.
Rebeden in en Grött vun Landkreisen hüüttodaags werrn in’n Middelöller de Groofschopen. Een Groof hett den Titel an de Kinner verarvt, wörr jümmers sülvstännig un foken bi Kriegen um dat Rebeet oder de Arvschopen. No dat 16. Johrhunnert gääv dat Riekskreise, de meist so groot as nu de Bunnslänner wörrn.
1753 sünd de eersten Landkreisen grünnt worrn, as wi se nu kennt, Altena und Hamm (Westfalen).
In’n 19. Johrhunnert bit no den Eersten Weltkrieg gääv dat in Düütschland so üm 1000 Landkreise. De Grött wöör so, dat de Landraad mit de Peerkutsch an en Dag no de Gemeen hin un torüch föhrn kunnt, da am wiedsten wech wör un dor noch Tied för siene Amtssoken hat hett.
Ok nu is dat bald noch so. Dat Landsverfatensgericht in Mekelnborg-Vörpommern hett in’n Jahr 2007 seggt, dat: Landkreise so schopen warrn mööt, dat Kreisdagsafordenten dat Ehrenamt richtig maken künnt. Dat Gericht glöövt nich, dat dat in de ne’e groten Landkreise mööglich wöör, ok in den wiedsten Ecken vun den Landkreis doröver to befinnen, ob dor en Stroot boot oder en School inricht warrn mutt.
This article uses material from the Wikipedia Plattdüütsch article Landkreis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.