Simone Greiner-Petter-Memm
Simone Greiner-Petter-Memm (* 15.
September 1967 in Jena as Simone Greiner-Petter) is en ehmalge düütsch Biathletin. Se is verheiraadt mit den ehmalgen Kombinierer Silvio Memm un hett een Kind.
Simone Greiner-Petter-Memm fung as so völ Biathleten as Langlöpersche an. Hör eerst internatschonaler Spood weer de Sülvermedaille över 15 km bi de Nordisch Nordische Junioren-Skiweltmeeisterschapen 1987 in Asiago För de DDR is se bi de Olympisch Winterspelen 1988 in Calgary an den Start gahn un wurr mit de Staffel Fievte. Hör Eenzelstarts weern meester weniger spoodriek. Hör letzte Sieg as Langlöpersche fier Simone Greiner-Petter-Memm bi den Skiweltcup in dat italieensch Toblach in' Januar 1988. 1990 truck se sück vun den Leistungssport torüch. Nah de Gebort vun hör Kind keem se 1991 as Biathletin torüch to'n Leistungssport un is 1992, noch ünner de Naam Simone Greiner-Petter, eerstmals in' Weltcup start.
To en tragisch Figur wurr Greiner-Petter-Memm bi dat olympisch Staffelrennen 1994 in Lillehammer. De düütsch Staffel leeg in utsichtsriek Positschoon, se weer nah Uschi Disl un Antje Harvey de darte Löperin. Bi twee Scheetinlagen kunn se mit de maximale Antall vun 16 Patronen blots veer Mal drapen un muss sowohl nah dat Liggend- as ok nah dat Stahndscheeten jewiels dree Straafrunnen loopen. Liekers reck de düütsch Staffel mit de Slusslöpersche Petra Schaaf an’ Enn’ noch de Sülvermedaille, harr aber en Rückstand vun meester veer Minüüt up de winnen russisch Staffel.
Bi de Biathlon-Weltmeesterschapen wunn se tüschen 1995 un 1999 all tosommen veer Mal Gold mit de düütsch Staffel. In’ Weltcup hett se veer Siege un 10 wiedere Podiumsplätze schafft.
Wat se schafft hett
- Olympisch Winterspelen:
- 1994: 1x Sülver (Staffel)
- Weltmeesterschapen:
- 1995: 1x Gold (Staffel), 1x Sülver (Mannschap)
- 1996: 2x Gold (Staffel, Mannschap)
- 1997: 1x Gold (Staffel)
- 1999: 1x Gold (Staffel)
- Gesamtweltcup:
- 1x Platz 6 (1993/94)
- 1x Platz 3 (1996/97)
- Weltcupsiege:
- 1x Langoop
- 4x Biathlon
Weblenken
Enkeld Nahwiesen
This article uses material from the Wikipedia Plattdüütsch article Simone Greiner-Petter-Memm, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.