Sünnerklaas warrt in Bremen un ümto de Hillige Nikolaus nömmt.
Up Nedderlannsch heet he Sinterklaas.
De Hillige Nikolaus vun Myra is boren twuschen 270 un 286 in Patara un sturben an'n 6. Dezember 326, 345 oder 351. So akraat weet een dat hüdigendags nich mehr. He warrt in de Röömsch-kathoolsche Kark ok Nikolaus vun Bari nömmt un heet in de Orthodoxe Kark Nikolaus de Wunnermann. In de eerste Hälft vun dat 4. Johrhunnert weer he Bischop in Myra in Lüttasien. Dat liggt vundagen in de Törkie. Öber dat Leben vun de histoorsche Person weet een hüdigendags meist gor nix mehr, man allerhand Legenden öber em weert vertellt. He is vun de Kark to'n Hilligen maakt wurrn un weer denn de Schutzpatron öber de Höker un de Seefahrers. Dorüm is he ok vun de Düütsche Hanse un vun veel Steder, de dor tohören döen, to'n Schutzhilligen nahmen wurrn. Veel Karken in düsse Steder hefft ehren Naam vun Nikolaus kregen un heet nu noch St. Nicolai.
In anner Länner hett de Sünnerklaas ok anner Naams: Klass, Sint Nicolaas, Sveti Nikola (Serbien), Sinterklaas, Samichlaus (Swiez) oder Kleeschen (Luxemburg). Father Christmas (Irland un England), Saint Nicolas (Frankriek), Noel Baba (Törkei), Santa Claus (Noord-Amerika), Papai Noel (Brasilien) un Sinta kaamt ok vun'n Sünnerklaas her, man weert eerst Wiehnachten fiert.
In Bremen is dat noch hüdigendags ganz begäng, datt de lüttjen Kinner an'n Sünnerklaasabend (6. Dezember) dör de Straten loopt un vun Döör to Döör loopt. Dor kloppt se an un singt jem ehr Leeder. Dor kriegt se denn meist een beten Snöökerkraams för. Dat bekanntest Leed is düt:
Dor kaamt denn noch de Strophen to:
Oder ok:
Hüdigendags weert düsse Riemels meist up Hoochdüütsch sungen. Fröher hefft sik de Kinner ok jümmers as Sünnerklaas anplünnt, man hüüt gaht se ok as Cowboy, Indianer oder ganz normalweg mit een groden Plastikbüdel in'e Hand.
This article uses material from the Wikipedia Plattdüütsch article Sünnerklaas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.