Nazareth
Dit Woort hett noch annere Bedüden: kiek dorför ünner Nazareth (Mehrdüdig Begreep).
Nazareth oder Nazaret (hebrääsch נצרת; araabsch: الناصرة, DMG an-Nāṣira) is en Stadt in den Noordbezirk vun Israel. Dat liggt dor in de histoorsche Landschop Galiläa. Vun dat Middelöller af an hefft in de Stadt mehrstendeels Araabsche Christenlüde wahnt.
Tohopen mit ehre Susterstadt Nazrat-Illit (נצרת עילית Natzrat Illit, „Böver-Nazareth“) leevt in de beiden Städer üm un bi 120.000 Inwahners (2005). 55.000 vun jem sund in Nazrat-Illit tohuse, in Nazareth sülms sünd dat bi 65.000 Inwahners. Nazareth is en bannig ole Stadt. Hüdigendags leevt dor Muslimen un Christenminschen. Nazrat-Illit is nu avers en bannig moderne Stadt un dor leevt Joden.
Bit up den hüdigen Dag is Nazareth sunnerlich wichtig, vunwegen dat de Christen glöövt, dat de Geboort vun den Herrn dor kunnig maakt wurrn is. In de Stadt is Jesus vun Nazaret upwussen un, so seht dat tominnst de Historikers, ok boren.
This article uses material from the Wikipedia Plattdüütsch article Nazareth, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Der Inhalt ist verfügbar unter CC BY-SA 4.0, sofern nicht anders angegeben. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Plattdüütsch (DUHOCTRUNGQUOC.VN) is an independent company and has no affiliation with Wiki Foundation.