Muammar Al-Gaddafi

Juni">19. Juni 1942 in Sirte, Libyen; nah anner Angaven in Qasr Abu Hadi bi Sirte; † 20. Oktober 2011 ok dor), ok bekannt as Oberst Gaddafi, weer siet en unblöödigen Militärputsch van’ 1. September 1969 bit 1979 dat Staatsböverhoopt vun Libyen. As Revolutschoonsführer hett he denn van 1979 bit 2011 diktatorisch de Politik vun Libyen bestimmt. Siet den 22. August 2011 gell he as afsett un wurr vun de nee Regeeren polizeilich söcht. An’ 20. Oktober 2011 is Gaddafi in de Stadt Sirte ünner bither nich kläärt Ümstännen storven.

Gaddafi weer de an längsten regeerend Herrscher in Libyen un en vun an längsten herrschenden Machthaber buterhalv vun Monarkien överhoopt, sodat etwa 80 Prozent vun de hüüdig (2011) Libyer ünner sien Herrschap boren wurrn. Gaddafi hett sien Macht ok dör en rentenökonomisches, up den Exporterlösen vun Eerdööl un -gas beruhend Verdeelenssystem nah binnen afsekert. 2008 wurr he vun över 200 afrikaansch Königen un traditschonellen Stammesherrschern as König vun de Könige vun Afrika utroopen.

In’ Februar 2011 keem dat to’n Börgerkrieg in Libyen un tgen Enn’ vun de Maand verlor Gaddafi de Kontroll över wiet Deelen vun den libyschen Oosten an Rebellen. In’ März fungen nah de UN-Resolution 1973 de USA, Kanada un mehrere westeuropäische Staaten mit Luftangreep up Libyen an mit dat Teel, en Floogvebotszoon dörtosetten. Siet den 27. Juni 2011 wurr Gaddafi as mootmaatlich Kriegsverbreker un wegen Verbreken tegen de Minschlichkeit weltwiet mit Haftbefehl söcht.

• Renate Poßarnig: Gaddafi. Enfant terrible der Weltpolitik. Hoffmann und Campe, Hamburg 1983, ISBN 3-455-08696-9.
• Harry Gregory: Gaddafi. Aus dem Amerikanischen von Albert Knierim. Mit einem Postcriptum von Karl Ossiek. Bastei Lübbe Verlag, Bergisch Gladbach 1987, ISBN 3-404-61103-9.
• Angelo Del Boca: Gheddafi. Una sfida dal deserto. Editori Laterza, 1998, ISBN 88-420-5462-3.
• Hassan Sadek: Gaddafi. Diederichs, 2005, ISBN 3-7205-2645-3.

  Muammar al-Gaddafi. Mehr Biller, Videos oder Audiodateien to’t Thema gifft dat bi Wiki Commons.

• DNB-Katalog
• Eine Bilanz von Gaddafis politischer Karriere dasdossier.de, 20.10.2011
• Arabischer Frühling: Dossier Libyen up Qantara.de
• LookLex Encyclopaedia (Encyclopedy of the Orient): Artikel över Mu'ammar Gadhafi
• Offizielle Homepage Muamar al-Gaddafi (via Wayback Machine, Stand van 23. Juni 2011)