Jacques Cartier (Saint-Malo (Franza), 31 'e dicembre do 1491 - 1 'e settembre do 1557) fuje nu sploratore franzese.
'O rre de Francia, Frangische I 'e Franza, 'o capetejaje pe ttruvà certaines îles et pays où l'on dit qu'il se doit trouver grande quantité d'or et autres riches choses ("cert'ìsule e tterre addò se dice ce stanno oro e àte recchezze a bottafascio"). Dint' 'o 1534 sarpaje 'n cerca 'e nu passaggio 'e punente pe ll'Asia. Isso spluraje na parte 'e chella ch'ogge è Terranova (a partire d"o 10 'e majo 'e chill'anno) e d"e Maritimes canadese e venne a ssapé 'e nu sciummo cchiù a ovest ('o sciummo San Lurenzo) ch'isso credette putesse èssere chillo passaggio a nord-ovest ca se cercava 'o tiempo. Durante sto viaggio sequestaje li duje figlie 'e Capo Donnacona, Domagaya e Taignoagny e s' 'e purtaje cu isso 'n Europa.
Cartier sarpaje pe nu secunno viaggio 'o 19 'e majo 'e ll'anno appriesso, cu 3 nave, 110 uommene e li guagliune rapute (che fujeno turnate ô pate). Acchianaje 'o sciummo nzino ê villagge Uroni 'e Stadacona (int' 'o punto addò ogge sorge Quebec City) e Hochelaga (Mundreale) addò arrivaje 'o 2 'e ottovre d"o 1535. Venne a sentì 'e na nazzione cchiù a nord, chiammata Saguenay, ca se diceva fosse chjena d'oro e ate tresore.
'O 23 'e majo d"o 1541 partette 'a Saint-Malo p' 'o tierzo viaggio sujo. Sta vota jeva cercanno Saguenay; comm'è gghiè, ancora na vota nun arriscette a gghì aroppo Hochelaga. Doppo nu vierno terrìbbele spennuto 'n Canada, turnaje 'n Franza l'anno appriesso. Cartier spennette 'o riésto d"a vita suja a Saint-Malo e dint' 'a tenuta soja vicina, murette int' 'o 1557.
'A rìggene 'e st'articulo è Uicchipedia Taliana:
This article uses material from the Wikipedia Nnapulitano article Jacques Cartier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenute suggiette a licienza 'e auso CC BY-SA 4.0 se nun fuje ritto atro. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nnapulitano (DUHOCTRUNGQUOC.VN) is an independent company and has no affiliation with Wiki Foundation.