Грамматика
Грамматика мерить истямо тонадо, кона ёвтни кода тееви кортамось, лиякс меремс, кода теевить сынст валтнэ ды кода башка валтнэ сюлмавить кортамосонть.
Грамматикась явови кавто пельксэв: 1) вейке пельксэнть эйстэ мерить морфология. Сон ёвтни, кода теевить башка-башка валтнэ ды кода сынь полавтневить кортамсто. 2) Омбоце пельксэнть эйстэ мерить синтаксис. Те пельксэсь ёвтни, кода башка-башка валтнэ ды вал велетне (валрисьметне) сюлмавить вейкест-вейкест марто ды кода сынст эйстэ тееви кортамось.
Неть кавто пелькстнэнь тонавтнемадо икеле яла савкшны кортамс истямо тонадо, кода ёвтни вайгелькстнэде. Те тонанть лемезэ фонетика.
Кодамо тешкссэ сёрмадовить валтнэ ды кода башка-башка валтнэ веензавить сёрмадомсто, теде корты орфография сёрмадомань лув, лиякс меремс правилань коряс сёрмадома тона.
Козонь ды кодат лоткавтыця тешкст аравтомс сёрмадомсто, невти пунктуация. Лоткамо тешкстнэ истят: бот ".", ботпуло ",", кевкстема тешкс "?", сергедема тешкс "!" ды лият.
Сёрмадомань лувонь (орфографиянь) ды пунктуациянь тонавтнемась лезды вадрясто ловномантень ды сёрмадомантень, шождалгавты сёрмадозенть чарькодеманзо.
Лисьмапрят
- Рябов, Анатолий 1935: Эрзянь морфологиянь грамматика. Стенгазет, Саран ош.
This article uses material from the Wikipedia Эрзянь (Erzjanj Kelj) article Грамматика, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). CC BY-SA 4.0-сто муят мезе тесэ, бути лиякс апак ёвта. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Эрзянь (Erzjanj Kelj) (DUHOCTRUNGQUOC.VN) is an independent company and has no affiliation with Wiki Foundation.