အာဖရိကတိုက်ရှိ နိုင်ငံ၃ဝ မှ နိုင်ငံအကြီးအကဲများသည် ၁၉၆၃ ခုနှစ် မေလ ၂၅ ရက်နေ့တွင် အီသီအိုးပီးယားနိုင်ငံ အဒစ်အဗားဗားမြို့တွင် အာဖရိကညီညွတ်ရေး အဖွဲ့ကိုဖွဲ့စည်းခဲ့ကြသည်။ ယင်းအဖွဲ့ကို အင်္ဂလိပ်ဘာသာဖြင့် အိုအေယူဟု အတိုကောက်ခေါ်လေသည်။ အာဖရိကညီညွတ်ရေးအဖွဲ့၏ ရည်ရွယ်ချက်များမှာ အာဖရိက နိုင်ငံများ သွေးစည်းညီညွတ်ရေး၊နိုင်ငံရေး၊ စီးပွားရေး၊ ကာကွယ်ရေး၊ ယဉ်ကျေးမှု၊ သိပ္ပံနှင့် ကျန်းမာရေးကိစ္စများတွင် အချင်းချင်းပူးပေါင်းဆောင် ရွက်ရေးနှင့် အပြန်အလှန် ကူညီရေး တို့ဖြစ်သည်။ ကိုလိုနီဝါဒချုပ်ငြိမ်းစေရေးနှင့် အဖွဲ့ဝင်နိုင်ငံများ၏ အချုပ်အခြာ အာဏာ ပိုင်ဆိုင်မှုနှင့်လွတ်လပ်ရေး ကို ကာကွယ်စောင့်ရှောက် ရေးတို့မှာ အာဖရိကညီညွတ်ရေးအဖွဲ့၏ အဓိက ရည်ရွယ်ချက် ဖြစ်လေသည်။ အာဖရိကညီညွတ်ရေးအဖွဲ့၏ အာဏာပိုင်အဖွဲ့အစည်းများမှာ နိုင်ငံအကြီးအကဲများညီလာခံ၊ နိုင်ငံခြား ရေးဝန်ကြီးကောင်စီ၊ အထွေထွေ အတွင်းရေးမှူးချုပ်ရုံးနှင့် ဖြန်ဖြေစေ့စပ်ရေး ကော်မ ရှင်တို့ဖြစ်သည်။ အာဖရိကညီညွတ်ရေးအဖွဲ့၏ အစည်းအဝေးများကိုကျင်းပရာတွင် နိုင်ငံခြားရေးဝန်ကြီးများ ကောင်စီ အစည်းအဝေးကို ပဏာမ ကျင်းပပြိးမှသာ နိုင်ငံအကြီးအကဲများ ညီလာခံကို ကျင်းပ လေ့ရှိ၏။ နိုင်ငံခြားရေး ဝန်ကြီးများကောင်စီ အစည်းအဝေး ၏ သုံးသပ်ချက်များကို နိုင်ငံအကြီးအကဲများ ညီလာခံတွင် ထပ်မံဆွေးနွေး သုံးသပ်ပြီး ဆုံးဖြတ်ချက်များ ချမှတ်လေ့ရှိ သည်။ ယခုအခါ အာဖရိကညီညွတ်ရေးအဖွဲ့တွင် အဖွဲ့ဝင် ၄၆ နိုင်ငံ ပါဝင်ပြီး အဖွဲ့၏ ဌာနချုပ်ကိုအီသီယိုးပီးယားနိုင်ငံ အဒစ်အ ဗားဗားမြို့တွင် ဖွင့်လှစ်ထားရှိသည်။
Organisation of African Unity Organisation de l'Unité Africaine | |
---|---|
အလံတော် | |
အာဖရိကညီညွတ်ရေးအဖွဲ့၏ တည်နေရာ (dark blue) – Africa အတွင်း (light blue နှင့် dark grey) | |
မြို့တော် | n/a a |
a Headquartered in en:Addis Ababa, en:Ethiopia |
This article uses material from the Wikipedia မြန်မာဘာသာ article အာဖရိကညီညွတ်ရေးအဖွဲ့, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.