မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး (အင်္ဂလိပ်: All Burma Students' Democratic Front; အတိုကောက် ABSDF; မ၊ က၊ ဒ၊ တ) သည် မြန်မာနိုင်ငံ နယ်စပ်တလျောက် အခြေစိုက်ထားသည့် အင်အားအကြီးမားဆုံး လူငယ်၊ ကျောင်းသား အဖွဲ့အစည်း ဖြစ်သည်။ ၁၉၈၈ နိုဝင်ဘာလ ၁ ရက်နေ့တွင် တည်ထောင်သည်။ မြန်မာနိုင်ငံ ဒီမိုကရေစီ နှင့် လူ့အခွင့်အရေး အတွက် တိုင်းရင်းသားလူမျိုးစု လက်နက်ကိုင် အဖွဲ့အစည်းများ နှင့်အတူ တိုက်ပွဲဝင်နေသော အတိုက်အခံ အဖွဲ့အစည်း ဖြစ်သည်။ မြန်မာ စစ်အစိုးရအား လက်နက်ကိုင် တိုက်ခိုက်နေသော အဖွဲ့အစည်းတရပ်ဖြစ်ပြီး လက်နက်ကိုင် တိုက်ပွဲ အတွက် ၁၉၈၈ ကတည်းက ကျောင်းသားတပ်မတော် ကို ဖွဲ့စည်းခဲ့သည်။
ဤဆောင်းပါးကို ဝီကီစံနှင့် ကိုက်ညီစေရန် ပြင်ဆင်တည်းဖြတ်ရန် လိုအပ်နေသည်။ အကယ်၍သင်ပြင်ဆင်နိုင်ပါက ဤဆောင်းပါးအား တိုးတက်စေရန် ကျေးဇူးပြု၍ ပြင်ဆင်ပေးပါ။ ဆွေးနွေးချက် စာမျက်နှာတွင် အကြံပေးမှုများ ပါဝင်လိမ့်မည်။ |
မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး | |
---|---|
မြန်မာနိုင်ငံလုံးဆိုင်ရာ ကျောင်းသားများဒီမိုကရက်တစ်တပ်ဦး ညီလာခံတစ်ခု (မတ် ၂၀၁၄) | |
လှုပ်ရှား | ၁ နိုဝင်ဘာ ၁၉၈၈ | –လက်ရှိ
ခံယူချက် | Liberal democracy Political freedom Antimilitarism |
ဦးဆောင်သူများ | ဦးသံခဲ ဦးမျိုးဝင်း Sonny Mahinder |
ဌာနချုပ် | Mobile headquarters |
လှုပ်ရှားသည့် ဧရိယာ | မြန်မာ-ထိုင်း နယ်စပ်; မြန်မာ-တရုတ် နယ်စပ် |
အင်အား | ၆၀၀–၁,၀၀၀ |
မဟာမိတ် | ကချင်လွတ်မြောက်ရေးတပ်မတော် |
ပြိုင်ဘက် | မြန်မာနိုင်ငံအစိုးရ ပြည်ထောင်စုမြန်မာနိုင်ငံ (၂၀၁၁ အထိ) |
အလံ | |
Insignia |
၁၉၉၁ တတိယအကြိမ် ညီလာခံတွင် မိုးသီးဇွန် ဦးဆောင်သော အဖွဲ့ နှင့် Dr. နိုင်အောင် ဦးဆောင်သောအဖွဲ့ နှစ်ဖွဲ့ ကွဲသွားခဲ့သည်။ ၁၉၉၆ စက်တင်ဘာ လ ၅ ရက်တွင် ပြန်လည်ပေါင်းစည်းခဲ့သည်။
၂၀၁၅ ခုနှစ် အောက်တိုဘာလ ၁၂ ရက်နေ့တွင် မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦးအား မတရားအသင်းအဖြစ်မှ ပယ်ဖျက်ကြောင်း ပြည်ထဲရေး ဝန်ကြီးဌာန ကြေညာခဲ့သည်။
ကော်မတီစနစ် ဦးဆောင်မှု အဆင့်ဆင့်ကို ညီလာခံများမှ ရွေးချယ်သည်။ ၁၉၈၈ ခုနှစ်မှ ၂၀၁၄ အထိ ညီလာခံ ၁၀ ကြိမ် ခေါ်ယူကျင်းပခဲ့သည်။
တစ်နိုင်ငံလုံးပစ်ခတ်တိုက်ခိုက်မှုစာချုပ်ပါ သဘောတူညီချက်များအရ တစ်နိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် အကောင်အထည်ဖော်မှုဆိုင်ရာ ညှိနှိုင်းအစည်းအဝေး (JICM) ကို ကျင်းပခဲ့ပြီး ထိုအစည်းအဝေးမှ ပစ်ခတ်တိုက်ခိုက်မှုရပ်စဲရေးဆိုင်ရာ ပူးတွဲစောင့်ကြည့်ရေးကော်မတီ (JMC) နှင့် ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ (UPDJC) တို့ကို ဖွဲ့စည်းရာတွင် အဆင့်မြင့်တာဝန်ရှိသူများ ပါဝင် ပူးပေါင်း ဆောင်ရွက်လျက်ရှိသည်။
မြန်မာနိုင်ငံနယ်စပ်အသီးသီးတွင် ဖြန့်ကျက်တည်ရှိသည်။ ထိုင်း-မြန်မာ နယ်စပ်ဒေသအခြေပြုအဖွဲ့များအပြင် အိန္ဒိယ နယ်စပ် အခြေစိုက် အဖွဲ့များအား မကဒတ(အနောက်ပိုင်း)၊ တရုတ်နယ်စပ် အခြေစိုက် အဖွဲ့များအား မကဒတ(မြောက်ပိုင်း) နယ်မြေများဖြင့် ဖွဲ့စည်းထားသည်။
၂၀၀၁ ခုနှစ် နိုဝင်ဘာ ၁၁ ကမ္ဘာ့ကုန်သွယ်ရေးအဆောက်အဦး တိုက်ခိုက်ခံရမှုနောက်ပိုင်း မှ ၂၀၁၀ ဒီဇင်ဘာ ၁၀ ရက်နေ့အထိ အမေရိကန်အစိုးရ၏ အကြမ်းဖက်အဖွဲ့အစည်းစာရင်းတွင် ထည့်သွင်းခံခဲ့ရသည်။
This article uses material from the Wikipedia မြန်မာဘာသာ article မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.