စိုးမြင့်၊ သခင်

သခင် စိုးမြင့် သည် မြန်မာနိုင်ငံသား နိုင်ငံရေးသမားနှင့် အမျိုးသားဒီမိုကရေစီအဖွဲ့ချုပ်၏ ဗဟိုအလုပ်အမှုဆောင် ကော်မတီဝင်ဟောင်း တစ်ဦး ဖြစ်သည်။ ၁၉၂၃ ခုနှစ်တွင် ဧရာဝတီ မြစ်ဝကျွန်းပေါ်ဒေသတွင် မွေးဖွားခဲ့သည်။ မြောင်းမြမြို့နယ် ဒို့ဗမာ အစည်းအရုံးသို့ ဝင်ရောက်ခြင်းဖြင့် နိုင်ငံရေးလောကထဲတွင် စတင်ပါဝင်ခဲ့သည်။ သူသည် ပြည်သူ့အရေးတော်ပုံ ပါတီ၊ မြောင်းမြခရိုင်ဆိုရှယ်လစ်ပါတီ၊ ဖက်ဆစ်ဆန့်ကျင်ရေး ပြည်သူ့လွတ်လပ်ရေး အဖွဲ့ချုပ်၊ ဆိုရှယ်လစ်ပါတီ နှင့် ပြည်သူ့လူငယ်အဖွဲ့ အစရှိသော နိုင်ငံရေးပါတီများတွင် ပါဝင်ခဲ့သည်။ ၁၉၈၈ ခုနှစ် ရှစ်လေးလုံး အရေးအခင်းကာလတွင် အမျိုးသားဒီမိုကရေစီအဖွဲ့ချုပ်၏ ဗဟိုအလုပ်အမှုဆောင် ကော်မတီဝင်အဖြစ် ဆောင်ရွက်ခဲ့သည်။