၂၀၂၂ အာဆီယံမသန်စွမ်းအားကစားပြိုင်ပွဲ (အင်္ဂလိပ်: 2022 ASEAN Para Games) သည် အင်ဒိုနီးရှားနိုင်ငံ၊ ဆူရတ်ခါတာမြို့တွင် ဇူလိုင်လ (၃၀)ရက်နေ့မှ ဩဂုတ်လ (၆)ရက်နေ့အထိ ကျင်းပခဲ့သောာ (၁၁)ကြိမ်မြောက် အာဆီယံ မသန်စွမ်း အားကစားပြိုင်ပွဲဖြစ်သည်။အင်ဒိုနီးရှားနိုင်ငံသည် အာဆီယံမသန်စွမ်းအားကစားပြိုင်ပွဲကို ဒုတိယအကြိမ် လက်ခံကျင်းပခြင်းဖြစ်ကာ ၂၀၁၁ပွဲတော် ကို အိမ်ရှင်အဖြစ် လက်ခံကျင်းပခဲ့သည်။
ကျင်းပရာမြို့ | ဆူရတ်ခါတာ | ||
---|---|---|---|
ပါဝင်သော နိုင်ငံများ | ၁၁ | ||
ပါဝင်ဆင်နွဲသော အားကစားသမားများ | ၁၂၄၈ | ||
ကစားပွဲအမျိုးအစား | ၄၅၅ (၁၄မျိုး) | ||
ဖွင့်ပွဲအခမ်းအနား | ၃၀ ဇူလိုင် ၂၀၂၂ | ||
ပိတ်ပွဲအခမ်းအနား | ၆ ဩဂုတ် ၂၀၂၂ | ||
တရားဝင်ဖွင့်လှစ်ပေးခဲ့သူ | ဂျိုကို ဝီဒိုဒို သမ္မတ | ||
အခမ်းအနားကျင်းပရာ အားကစားကွင်း | မနာဟန် အားကစားကွင်း | ||
|
ကိုရိုနာဗိုင်းရပ်စ်ရောဂါဖြစ်ပွားမှုကြောင့် (၁၀)ကြိမ်မြောက် မသန်စွမ်းအားကစားပြိုင်ပွဲကို မကျင်းပနိုင်ခဲ့ပေ။ မူလက ၂၀၂၁ အရှေ့တောင်အာရှ အားကစားပြိုင်ပွဲ ကို လက်ခံကျင်းပမည့် ဗီယက်နမ်နိုင်ငံ ဟနွိုင်းမြို့တွင် ကျင်းပရန် စီစဉ်ခဲ့သော်လည်း ဗီယက်နမ်နိုင်ငံက ပြိုင်ပွဲကို ဖျက်သိမ်းရန် စီစဉ်ခဲ့ပြန်သည်။ အာဆီယံမသန်စွမ်းအားကစားအဖွဲ့ချုပ်က အိမ်ရှင်အဖြစ် လက်ခံနိုင်မည့် နိုင်ငံကို ရှာဖွေခဲ့ရာ အင်ဒိုနီးရှားနိုင်ငံက လက်ခံကျင်းပခဲ့ခြင်းဖြစ်သည်။
၂၀၂၀ပြည့်နှစ်မှစ၍ ကိုရိုနာဗိုင်းရပ်စ်ရောဂါ ဖြစ်ပွားမှုများကြောင့် အားကစားပြိုင်ပွဲများကို ဖျက်သိမ်းခြင်း၊ ရွှေ့ဆိုင်းခြင်းများ ပြုလုပ်ခဲ့ရသည်။ ၂၀၂၀ပြည့်နှစ်တွင် ကျင်းပမည့် (၁၀)ကြိမ်မြောက် အာဆီယံမသန်စွမ်းအားကစားပြိုင်ပွဲကိုလည်း ဖိလစ်ပိုင်နိုင်ငံက ဖျက်သိမ်းခဲ့သည်။ ၂၀၂၁ခုနှစ်တွင် ဗီယက်နမ်နိုင်ငံက လက်ခံကျင်းပမည့် အရှေ့တောင်အာရှ အားကစားပြိုင်ပွဲနှင့် အာဆီယံမသန်စွမ်း အားကစားပြိုင်ပွဲတို့ကိုလည်း ၂၀၂၂ခုနှစ်သို့ ရွှေ့ဆိုင်းခဲ့ရသည်။ ဗီယက်နမ်နိုင်ငံအနေဖြင့် အရှေ့တောင်အာရှ အားကစားပြိုင်ပွဲကိုသာ လက်ခံကျင်းပရန် ဆုံးဖြတ်ခဲ့ပြီး အာဆီယံမသန်စွမ်း အားကစားပြိုင်ပွဲကို ဖျက်သိမ်းခဲ့သည်။
အာဆီယံ မသန်စွမ်းအားကစားအဖွဲ့ချုပ်အနေဖြင့် အားကစားပြိုင်ပွဲကို (၂)ကြိမ်ဆက် ဖျက်သိမ်းလိုခြင်း မရှိသဖြင့် အခြားနိုင်ငံများမှ အိမ်ရှင်အဖြစ် ကျင်းပရန် ဆန္ဒရှိသည့် နိုင်ငံကို တောင်းခံခဲ့သည်။ မလေးရှားနှင့် အင်ဒိုနီးရှားတို့က လက်ခံကျင်းပလိုခဲ့ပြီး ၂၀၂၂ခုနှစ် ဇန်နဝါရီလတွင် အင်ဒိုနီးရှားနိုင်ငံမှ လက်ခံကျင်းပခွင့် ရရှိခဲ့သည်။ သို့သော် ကမ္ဘာ့တားမြစ်ဆေးတိုက်ဖျက်ရေးအဖွဲ့၏ အင်ဒိုနီးရှားနိုင်ငံအပေါ် ချမှတ်ထားသော အရေးယူမှုများကြောင့် ပြိုင်ပွဲကို လက်ခံကျင်းပခွင့် ချက်ချင်းမပေးအပ်ဘဲ ၂၀၂၂ခုနှစ် ဖေဖော်ဝါရီလတွင်မှသာ အရေးယူမှုပယ်ဖျက်ခြင်းကြောင့် တရားဝင်ရရှိခဲ့သည်။။
အာဆီယံမသန်စွမ်း အားကစားအဖွဲ့ချုပ် အဖွဲ့ဝင်နိုင်ငံများ ပါဝင်ယှဉ်ပြိုင်ခဲ့ကြသည်။
IPC | နိုင်ငံ | အားကစားသမားဦးရေ |
---|---|---|
BRU | ဘရူနိုင်း | ၁၅ |
CAM | ကမ္ဘောဒီးယား | ၁၁၃ |
INA | အင်ဒိုနီးရှား | ၃၂၁ |
LAO | လာအို | ၃၇ |
MAS | မလေးရှား | ၇၃ |
MYA | မြန်မာ | ၆၉ |
PHI | ဖိလစ်ပိုင် | ၁၄၄ |
SGP | စင်ကာပူ | ၄၄ |
THA | ထိုင်း | ၃၁၀ |
TLS | အရှေ့တီမော | ၁၅ |
VIE | ဗီယက်နမ် | ၁၂၀ |
* အိမ်ရှင်နိုင်ငံ
အဆင့် | NPC | ရွှေ | ငွေ | ကြေး | စုစုပေါင်း |
---|---|---|---|---|---|
၁ | အင်ဒိုနီးရှား* | ၁၇၅ | ၁၄၄ | ၁၀၇ | ၄၂၆ |
၂ | ထိုင်း | ၁၁၇ | ၁၁၃ | ၈၈ | ၃၁၈ |
၃ | ဗီယက်နမ် | ၆၅ | ၆၂ | ၅၅ | ၁၈၂ |
၄ | မလေးရှား | ၃၆ | ၂၀ | ၁၃ | ၆၉ |
၅ | ဖိလစ်ပိုင် | ၂၈ | ၃၀ | ၄၆ | ၁၀၄ |
၆ | မြန်မာ | ၁၄ | ၁၂ | ၁၇ | ၄၃ |
၇ | ကမ္ဘောဒီးယား | ၇ | ၁၀ | ၁၁ | ၂၈ |
၈ | စင်ကာပူ | ၇ | ၉ | ၁၁ | ၂၇ |
၉ | အရှေ့တီမော | ၅ | ၂ | ၅ | ၁၂ |
၁၀ | ဘရူနိုင်း | ၁ | ၀ | ၃ | ၄ |
၁၁ | လာအို | ၀ | ၂ | ၇ | ၉ |
Total (11 NPCs) | ၄၅၅ | ၄၀၄ | ၃၆၃ | ၁၂၂၂ |
This article uses material from the Wikipedia မြန်မာဘာသာ article ၂၀၂၂ အာဆီယံမသန်စွမ်း အားကစားပြိုင်ပွဲ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.