မဟာစေတီတော် (အင်္ဂလိပ်: Ruwanwelisaya) သည် သီရိလင်္ကာနိုင်ငံတွင် တည်ရှိပြီး သူတော်စင်တို့၏ ဓာတ်တော်များ ဌာပနာကာ တည်ထားသည်။ ကမ္ဘာလုံး အခြမ်းပုံသဏ္ဌာန် ဖြစ်သည်။ ကမ္ဘာတစ်ဝန်းရှိ ဗုဒ္ဓဘာသာဝင်များ အလေးအမြတ်ထားကြသည့် စေတီဖြစ်သည်။ ၁၄၀ ဘီစီတွင် စေတီတော်ကို ဒုဋ္ဌဂါမဏိမင်းကြီး က တည်ခဲ့သည်။ မင်းကြီးသည် သာသနာ၏ ရန်သူ ဧဠာရကျေးလူမျိုးတို့ကို သုတ်သင်ချမှုန်းသည့် စစ်ပွဲကြီး ပြီးဆုံးပြီးနောက် သီရိလင်္ကာရှိ နိုင်ငံသူ/သား အပေါင်းတို့၏ အရှင်သခင် ဖြစ်လာခဲ့သည်။ စေတီတော်အား Mahathup, Swarnamali Chaitya, Suvarnamali Mahaceti (ပါဠိ) Rathnamali Dagaba ဟူ၍လည်း လူအများ သိကြသည်။
မဟာစေတီတော် | |
---|---|
රුවන්වැලිසෑය | |
မဟာစေတီတော် | |
သီရိလင်္ကာနိုင်ငံရှိ တည်နေရာ | |
အချက်အလက်များ | |
ကိုဩဒိနိတ် | 8°21′0″N 80°23′47″E / 8.35000°N 80.39639°E 80°23′47″E / 8.35000°N 80.39639°E |
ဘာသာရေး နှီးနွယ်မှု | ထေရဝါဒ ဗုဒ္ဓဘာသာ |
နိုင်ငံ | သီရိလင်္ကာနိုင်ငံ |
ဗိသုကာ | |
တည်ထောင်သူ | ဒုဋ္ဌဂါမဏိမင်းကြီး |
ပြီးစီး | circa 140 BC |
စေတီတော်သည် အရိုသေပေး အလေးမြတ်ထားသည့် နေရာ ၁၆ ခုတွင် ပါဝင်သည်။ ထို့ပြင် ရှေးဟောင်းအနုရာဓမြို့၏ အဓိကနေရာ ၈ နေရာထဲမှ တစ်ခုလည်း ဖြစ်သည်။ စေတီတော်သည် ကမ္ဘာ့အရှည်ဆုံး အဆောက်အအုံ များထဲမှ တစ်ခုလည်း ဖြစ်၏။ ၁၀၃ မီတာ (၃၃၈ ပေ) မြင့်သည်။ အဝန်းသည် ၂၉၀ မီတာ (၅၉၁ ပေ) ရှိသည်။ မြန်မာနိုင်ငံ၊ စစ်ကိုင်းမြို့ရှိ ကောင်းမှုတော်စေတီသည် ဤမဟာစေတီကို ပုံစံတုကာ တည်ထားသည်။
စေတီတော်သည် ၁၉ ရာစုတွင် ထိခိုက်ပျက်စီးမှုတို့ ဖြစ်ခဲ့သည်။ Sinhalesebhikkhu က အလှူရန်ပုံငွေ ရှာပြီးနောက် စေတီတော်ကို ၂၀ ရာစု အစောပိုင်းတွင် ပြုပြင်မွမ်းမံခဲ့သည်။ စေတီတော် ပြုပြင်ထိန်းသိမ်းရေး အဖွဲ့ကို ၁၉၀၂ ခုနှစ်တွင် ဖွဲ့စည်းခဲ့သည်။ စေတီတော်၏ နောက်ဆုံး သရဖူကို ၁၉၄၀ ခုနှစ်၊ ဇွန်လ ၁၇ ရက်နေ့တွင် ကပ်လှူပူဇော်ခဲ့သည်။
This article uses material from the Wikipedia မြန်မာဘာသာ article မဟာစေတီတော် (သီရိလင်္ကာ), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.