ဗိုလ်ချုပ်မှူးကြီး
ဗိုလ်ချုပ်မှူးကြီး (အင်္ဂလိပ်: Senior General) အဆင့်သည် မြန်မာ့တပ်မတော်၏ သတ်မှတ်ထားသော အမြင့်ဆုံးတိုးမြှင့်နိုင်သည့် အဆင့်ဖြစ်သည်။ အနောက်တိုင်းအသုံးအနှုန်းတွင် ဖီးမာရှယ် (Field Marshal) သို့မဟုတ် General of the Army အဆင့်နှင့် တူညီသည်။ တစ်နည်းအားဖြင့် နေတိုးအဖွဲ့၏ အဆင့်စကေးအရ OF-10 အဆင့် သို့မဟုတ် ကြယ်ငါးပွင့်အဆင့်ဖြစ်သည်။ တပ်မတော်တွင် အမြင့်ဆုံးခန့်အပ်သည့် ရာထူးတာဝန်ဖြစ်သော တပ်မတော်ကာကွယ်ရေးဦးစီးချုပ်များ ရရှိသောအဆင့်ဖြစ်သည်။ ထူးခြားစွာဖြင့် ထိုရာထူး၏ဒုတိယအဆင့်မှာ ဒုတိယဗိုလ်ချုပ်မှူးကြီးဖြစ်လာသည်။
| ဗိုလ်ချုပ်မှူးကြီး Senior General | |
|---|---|
 ဗိုလ်ချုပ်မှူးကြီးပခုံးတံဆိပ် | |
| နိုင်ငံ |  မြန်မာ |
| တပ်ဖွဲ့ |  တပ်မတော် (ကြည်း) |
| အတိုကောက် | ဗခမက၊ Sr Gen |
| ရာထူးအုပ်စု | ခေါင်းဆောင်ပိုင်းအရာရှိ |
| အဆင့်အတန်း | ကြယ်ငါးပွင့်အဆင့် |
| နေတိုး အဆင့်အတန်းကုဒ် | OF-10 |
| နေတိုးမဟုတ်သော အဆင့်အတန်း | ကြယ်ငါးပွင့်အဆင့် |
| ဖန်တီး | ၁၈ မတ် ၁၉၉၀ |
| အောက်အဆင့်ရာထူး | ဒုတိယဗိုလ်ချုပ်မှူးကြီး/ဗိုလ်ချုပ်ကြီး |
အဆောင်ယောင်များ
ဗိုလ်ချုပ်မှူးကြီးရာထူးသည် တပ်မတော် (ကြည်း) ၌သာရှိသော်လည်း ထိုရာထူးကိုရရှိသောသူသည် တပ်မတော်ကာကွယ်ရေးဦးစီးချုပ် ဖြစ်နေသည့်အလျောက် ကြည်း၊ ရေ၊ လေ ယူနီဖောင်းသုံးမျိုးစလုံးကို ဝတ်ဆင်နိုင်သည်။
-
ရွှေပခုံးတံဆိပ် -
ဗိုလ်ချုပ်မှူးကြီးပခုံးတံဆိပ် (ရေတပ်အဝတ်) -
ဗိုလ်ချုပ်မှူးကြီးပခုံးတံဆိပ် (လေတပ်အဝတ်) -
ဆွဲပြား -
မော်တော်ကားနံပါတ်ပြား
သမိုင်းကြောင်း
၁၉၉၀ ပြည့်နှစ် တွင် တပ်မတော်ကို တိုးချဲ့ဖွဲ့စည်းမှုများ ပြုလုပ်ခဲ့ရာတွင် ရာထူးတာဝန်များပြင်ဆင်ဖွဲ့စည်းရာ ၁၉၉၀ မတ်လ ၁၈ ရက်နေ့တွင် ထိုစဉ်က ကာကွယ်ရေးဦးစီးချုပ် ဗိုလ်ချုပ်ကြီးစောမောင်သည် မိမိကိုယ်ကို ဗိုလ်ချုပ်ကြီးအဆင့်မှ ဗိုလ်ချုပ်မှူးကြီးအဆင့်သို့ ရာထူးတိုးမြှင့်ခဲ့သည်။ ထို့ကြောင့်သူသည် ဗိုလ်ချုပ်မှူးကြီးရာထူးရယူခဲ့သည့် ပထမဆုံးပုဂ္ဂိုလ်ဖြစ်လာခဲ့သည်။
ဗိုလ်ချုပ်မှူးကြီးအဆင့်ရရှိခဲ့သူများ
| စဉ် | ဓာတ်ပုံ | အမည် | စတင်ရက် | ပြီးဆုံးရက် | မှတ်ချက် |
|---|---|---|---|---|---|
| ၁ | ဗိုလ်ချုပ်မှူးကြီး စောမောင် | ၁၈ မတ် ၁၉၉၀ | ၂၄ ဧပြီ ၁၉၉၂ | ကျန်းမာရေးကြောင့်အနားယူခဲ့ရသည်။ | |
| ၂ |  | ဗိုလ်ချုပ်မှူးကြီး သန်းရွှေ | ၂၃ ဧပြီ ၁၉၉၃ | ၃၀ မတ် ၂၀၁၁ | |
| ၃ | .jpg) | ဗိုလ်ချုပ်မှူးကြီး မင်းအောင်လှိုင် | မတ် ၂၀၁၃ | လက်ရှိ | တပ်မတော်ကာကွယ်ရေးဦးစီးချုပ်ရာထူး ရရှိခါစတွင် ဗိုလ်ချုပ်ကြီးအဆင့်ဖြစ်သည်။ |
ဒုတိယဗိုလ်ချုပ်မှူးကြီး
ဒုတိယဗိုလ်ချုပ်မှူးကြီး (Vice Senior General) သည် ဗိုလ်ချုပ်ကြီးနှင့်ဗိုလ်ချုပ်မှူးကြီး အဆင့်တို့ကြား၌ဖြစ်၍ မြန်မာ့တပ်မတော်၌သာ ရှိသောရာထူးအသစ်ဖြစ်သည်။ လက်ရှိတပ်မတော်တွင်ထိုရာထူးကို ဒုတိယတပ်မတော်ကာကွယ်ရေးဦးစီးချုပ်နှင့် ကာကွယ်ရေးဦးစီးချုပ်(ကြည်း)တာဝန်တို့ကို ပူးတွဲတာဝန်ယူသောသူများကရရှိသည်။ ခြွင်းချက်အနေဖြင့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်သည် ကာကွယ်ရေးဦးစီးချုပ် ဖြစ်ခါစအချိန်တွင် ဗိုလ်ချုပ်ကြီး အဆင့်သာဖြစ်ပြီး ၂၀၁၂ ခုနှစ်တွင် ဒုတိယဗိုလ်ချုပ်မှူးကြီး၊ ၂၀၁၃ ခုနှစ်တွင် ဗိုလ်ချုပ်မှူးကြီး အဆင့်များ ရယူခဲ့သည်။
| စဉ် | ဓာတ်ပုံ | အမည် | စတင်ရက် | ပြီးဆုံးရက် | မှတ်ချက် |
|---|---|---|---|---|---|
| ၁ |  | ဒုတိယဗိုလ်ချုပ်မှူးကြီး မောင်အေး | ၂၀၀၂ | ၃၀ မတ် ၂၀၁၁ | ဒုတိယတပ်မတော်ကာကွယ်ရေးဦးစီးချုပ်ရာထူး ရရှိခါစတွင် ဒုတိယဗိုလ်ချုပ်ကြီးအဆင့်ဖြစ်သည်။ |
| ၂ |  | ဒုတိယဗိုလ်ချုပ်မှူးကြီး မင်းအောင်လှိုင် | မတ် ၂၀၁၂ | မတ် ၂၀၁၃ | နောင်တွင်ဗိုလ်ချုပ်မှူးကြီးဖြစ်လာသည်။ |
| ၃ |  | ဒုတိယဗိုလ်ချုပ်မှူးကြီး စိုးဝင်း | မတ် ၂၀၁၃ | လက်ရှိ | ဒုတိယတပ်မတော်ကာကွယ်ရေးဦးစီးချုပ်ရာထူး ရရှိခါစတွင် ဒုတိယဗိုလ်ချုပ်ကြီးအဆင့်ဖြစ်သည်။ |
ဆက်စပ်ကြည့်ရှုရန်
ကိုးကား
This article uses material from the Wikipedia မြန်မာဘာသာ article ဗိုလ်ချုပ်မှူးကြီး, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). အကြောင်းအရာများကို အခြားမှတ်ချက်မရှိပါက CC BY-SA 4.0 အောက်တွင် ရရှိနိုင်ပါသည်။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မြန်မာဘာသာ (DUHOCTRUNGQUOC.VN) is an independent company and has no affiliation with Wiki Foundation.