Jurássico
Na scala de tiempo geológico, l Jurássico ye l período de la era Mesozoica de l éon Fanerozoico.
Cobre 65,3 milhones d'anhos (zde l período Triássico, d'hai 201,3 milhones d'anhos, até al ampeço de l Cretáceo, hai 145 milhones d'anhos). Esto ye, l período Jurássico precede l Cretácico i sucede l Triássico, na era an que surgiu l Ouceano Atlántico.
Debede-se nas épocas Jurássica Anferior (ó Lias), Jurássica Média (ó Dogger) i Jurássica Superior (ó Maln), de la mais antiga pa la mais recente. L nome Jurássico ye debido a las muntanhas Jura, situadas ne ls Alpes, que cunténen grande cantidade de peinhas deste período.
Paleogeografie
Cul oumiento de l nible de ls ouceanos, tierras baixas fúrun ancobiertas pul mar, l que debediu Pangeia an dous cuntinentes: Laurásia, al norte, i Gondwana, al sul. Essa debison tamien permitiu que l'umidade benida de l mar atingisse regiones qu'antes nun atingie (por stáren ne l'anterior de Pangeia), l que tornou l clima mais úmido.
Flora
Durante l Jurássico, l clima caliente i úmido fizo cun que las florestas se proliferassen, l que fizo la dibersidade de plantas se tornar mui maior que la de l Triássico. Las plantas predominantes son: cicadáceas, ginkgos i cuníferas gigantescas (sequoias). Tamien ye neste período que surge las purmeiras plantas cun flores.
Fauna
La fauna de l Jurássico ye marcada pula heigemonia de ls réteis an todos ls ambientes: dinossauros na tierra, terossauros ne l'aire i plesiossauros ne l mar. L período tamien ye marcado pul surgimiento de las purmeiras abes i de ls purmeiros mamíferos berdadeiros. Ne ls ouceanos, para alhá de ls plesiossauros, tamien eisisten crocodilos marinos, tubarones yá mui parecidos culs atuales (s.: Hybodus) i outros réteis marinos (s.: itiossauros). Ampeçórun a aparecer dinossauros mais eiboluídos i anteligentes, que éran superiores als primitibos réteis de l Triássico.
An Pertual son coincidos muitos dinossauros i mamíferos desta eidade, subretodo de la region de la Lhourinhana i Guimarota, respetibamente.
Galerie
-
Brontossauro (Apatosaurus eicelsus), un dinossauro saurópodo -
Pterodactylus antiquus, un terossauro -
Compsognathus longipes, un pequeinho dinossauro terópode -
Diplodocus, atigindo l cumprimiento de 30 m, era un saurópode quemun ne l final de l Jurássico. -
L dinossauro terópode Allosaurus era un de ls maiores predadores de l período Jurassico. -
Stegosaurus bibeu durante l Jurassico tardio. -
Scutellosaurus, pequeinho dinossauro heirbíboro de l Jurássico -
Chaoyangsaurus, pequeinho dinossauro heirbíboro de l Jurássico -
Agilisaurus, pequeinho dinossauro heirbíboro de l Jurássico -
Archaeopteryx, ua abe primitiba. -
Pelagosaurus, un crocodeliano -
Neptunidraco, un crocodeliano totalmente adatado la bida ne ls mares -
Hybodus, un peixe -
Un Pliosaurus (dreita) perseguindo l peixe Ledsichthys nun mar Jurássico. -
L itiossauro Ophthalmosaurus de l Jurassico apersentaba un cuorpo similar la dun golfino, eisemplo de eiboluçon cumbergente. -
Plesiosauros cumo l Muraenosaurus bagában puls ouceanos Jurássicos. -
Juramaia, un mamífero primitibo -
Volaticotherium, un mamífero planador de l Jurássico -
Castorocauda, un mamífero semi-aquático de l Jurássico -
Fruitafossor, un mamífero d'hábitos scabadores de l Jurássico
Refréncias
Ber tamien
- Geologie
- Paleontologie
- Jurassic Park (filme)
This article uses material from the Wikipedia Mirandés article Jurássico, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.