Planta

Para outros seneficados de Planta ber Planta (zambiguaçon)

San, an giral, Ourganismos outotróficos cujas células ancluen un ó más organelos specializados na porduçon de material Ourgánico a cobrar de material einorgánico i de la einergie solar: ls cloroplastos.

Plantas Era: Cámbrico (+/-520 MA) - Atualidade
Classeficaçon científica
Domínio: Eukaryota Reino: Plantae Haeckel, 1866 (sien classef.) Archaeplastida
debisones
Oucas berdes Chlorophyta Charophyta †Nematophyta Ambryophyta - las plantas terrestres Plantas nó-basculares (Bryophyta sensu lato) Marchantiophyta (Heipaticophyta) - las heipáticas Anthocerotophyta - antóceros Bryophyta (sensu strito) - ls musgos Tracheophyta - las plantas basculares †Rhyniophyta †Zosterophyllophyta †Trimerophytophyta Lycopodiophyta - licopódios i selaginelas Pteridophyta - samambaias (fetos) i cabalhinhas Spermatophyta - plantas cun semientes †Pteridospermatophyta - Fetos de semiente Gymnospermae - (Gimnospérmicas) Pinophyta - las cuníferas, ancluindo ls pinheiros Cycadophyta - las cicadáceas Ginkgophyta - l ginkgo Gnetophyta - las efedras Angiospermae - (Angiospérmicas) Magnoliophyta - las plantas cun flores

Inda assi, l termo planta, ó begetal, ye mui más defícel de definir de l que se poderie pensar. Lineu definiu l sou reino Plantae ancluindo todos ls tipos de plantas "superiores", las oucas i ls fungos. Depuis de se çcobrir que nin todas éran berdes, passou-se a definir planta cumo qualquier ser bibo sin mobimientos beluntários. Aristóteles debedie todos ls seres bibos an plantas (sin capacidade motora ó uorganos sensitibos), i an animales - esta definiçon fui aceite durante mui tiempo. Inda assi, nin esta definiçon ye mui correta, ua beç que la sensitiba (Mimosa pudica, ua leguminosa), fecha ls sous folíolos al mínimo toque, antre outras causas, cumo l fin de l die solar.

Quando se çcobriran ls purmeiros seres bibos unicelulars, eilhes fúrun colocados, an tenermos gerales, antre ls protozoários quando tenien mobimiento própio. Las batérias i las oucas fúrun colocadas noutras debisones de l reino Plantae – inda assi, fui defícele decidir la classeficaçon, por eisemplo, de alguas speces de l género Euglena, que son berdes i altamente mobles.

La classeficaçon biológica más moderna – la cladística – percura anfatizar las relaçones eibolutibas antre ls Ourganismos: eidealmente, un taxon (ó clado) debe ser monofilético, ó seia, todas las speces ancluídas nesse grupo dében tener un antepassado quemun.

Puode-se, anton, definir l Reino Biridaeplantae ("plantas berdes") ó solo Plantae cumo un grupo monofilético de organismos eucarióticos que fotossintetizan usando ls tipos de clorofila la i b, persente an cloroplastos (organelos cun ua nembrana dupla) i armazenan ls sous pordutos fotossintéticos, tal cumo l amido. Las células destes Ourganismos son, tamien, rebestidas dua parede celular custituída eissencialmente por celulose.

De acordo cun esta definiçon, quedan fura de l Reino Plantae las oucas castanhas, las oucas burmeilhas i muitos seres outotróficos unicelulars ó coloniales, atualmente agrupados ne l Reino Protista, assi cumo las batérias i ls fungos, que custituten ls sous própios reinos.

Cerca de 300 speces coincidas de plantas nun rializan la fotossíntese, sendo, pul cuntrário parasitas de plantas fotossintéticas.

La maiorie de las oucas nun son más classeficadas cumo pertenecentes al Reino Plantae. Las oucas cumprenden defrentes grupos de Ourganismos que porduzen einergie atrabeç de la fotossíntese, cada un de ls quales eiboluindo andependientemente de ancestrales nó-fotossintéticos defrentes. Las más coincidas son las macroalgas, oucas multicelulares que puoden se aparecer algo a la plantas terrestres, mas classeficadas cumo oucas berdes, burmeilhas i castanhas. Cada un destes grupos anclui tamien bários ourganismos microscópicos i unicelulares.

Solo dous grupos de oucas son cunsidrados parientes próssimos de las plantas terrestres (Ambryophyta. L purmeiro destes grupos, las Charophyta, dou ourige a las plantas terrestres. L grupo armano de l cunjunto de las carófitas i ambriófitas, ye l outro cunjunto de oucas berdes, las Chlorophyta, i este grupo más stenso ye coletibamente designado por plantas berdes ó Biridiplantae. L Reino Plantae ye cunsidrado cumo sinónimo deste grupo monofilético. Cun algumas eicepçones antre las oucas berdes, todas las formas ténen paredes celulares cuntendo celulose, ténen cloroplastos cuntendo clorofila "la" i "b" i i armazénan quemido na forma de amido. Fázen mitose de forma cerrada, sin centríolos i las sues mitocóndrias ténen cristas tipicamente achatadas.

L cloroplasto de las oucas berdes stá rodeado por dues nembranas, sugerindo que tubo la sue ourige por andossimbiose direta de cianobatérias. L mesmo ye berdadeiro para dous grupos mais de oucas: Rhodophyta (oucas burmeilhas) i Glaucophyta. Pensa-se que estes trés grupos ténen ua ourige quemun, por esso son classeficados juntos ne l taxon Archaeplastida. Por outro lado, la maiorie de las outras oucas (Heiterokontophyta, Hatophyta, dinoflagelados i Euglenophyta), ténen cloroplastos cun trés ó quatro nembranas ambolbentes. Nun son parientes próssimos de las plantas berdes i l mais cierto ganhórun ls cloroplastos andiretamente atrabeç de la angeston ó simbiose cun algas berdes ó burmeilhas.

Muitas oucas móstran alternáncia de geraçones, antre ua forma que se reporduç de forma assexuada – l sporófito – i ua forma sexuada, l gametófito.

 

Durante l Paleozóico, ampeçórun a aparecer an tierra firme plantas cumplexas, multicelulars, ls ambriófitos (Ambryophyta' '), nas quales l gametófito i l sporófito se apersentában de forma radicalmente defrente de las oucas, l que stá relacionado cula adataçon la ambientes secos (yá que ls gámetas masculinos stában antes dependentes de meios húmidos para se mobíren) . Nas purmeiras formas destas plantas, l sporófito mantenie-se reduzido i dependente de la forma parental durante la sue cúrtia bida. Ls ambriófitos atuales, que ténen este tipo de ourganizaçon, ancluen la maior parte de las plantas que giralmente eibocamos. Son las chamadas plantas basculares, cun sistemas cumpletos de raiç, caule i fuolhas, inda que ancluan alguas speces de briófitas (de las quales l musgo será talbeç l tipo más coincido). Outros outores defínen ls ambriófitos cumo sendo todas las plantas terrestres, ancluindo, d'acordo cun esta definiçon, la debison 'Heipaticophyta' ' (ó Marchantiomorpha' ', segundo ua classeficaçon anterior), las heipáticas; la debison Anthocerophyta, antóceros i la debison Bryophyta' ', ls musgos.

 

Las briófitas cunfinan-se la ambientes húmidos – ye la auga que faç la çperson de l sporos - i manténen-se pequeinhas durante to l sou ciclo de bida caratelizado pula alternáncia de dues geraçones: un stádio haplóide (l gametófito) i un stádio diplóide (sporófito). Este redadeiro ye de cúrtia duraçon i stá dependente de l gametófito.

Ne l período Silúrico aparecírun nuobos ambriófitos, las plantas basculares, cun adataçones que les premitian star menos dependentes de la auga. Estas plantas tubírun ua radiaçon adatatiba maciça durante l Debónico i ampeçórun la colonizar a tierra firme. Antre essas adataçones podemos dezir ua cutícula rejistente a la dessecaçon i tecidos basculars por adonde circula la auga – por esso son chamados plantas basculares ó Tracheophyta' '.

 

An muitas destas plantas , l sporófito funciona cumo un andebíduo andependiente, anquanto que l gametófito se tornou mui reduzido. Antre las plantas basculares son recoincidos dous grupos çtintos:

• las "Pteridófitas" - plantas an que l gametófito ye un Ourganismo andependiente, cumo las samambaias i la cabalhinha; i
• las "Spermatófitas" - las plantas que se repordózen por semiente, inda ligadas al sporófito, ó seia, an que l gametófito ye "parasita" de l sporófito.

L grupo de las Pteridófitas puode debedir-se de la seguinte forma:

• debison Lycopodiophyta (ó Lycopsida) , licopodíneas.
• debison Eiquisetophyta' ' (ó Eiquisetopsida) , cabalhinhas
• debison Pteridophyta' ' (ó Filicopsida' '), fetos ó samambaias
  • Psilotophyta, Psilotales,
  • Ophioglossophyta (Ophioglossales), léngua-de-queluobra, lunária i l género Botrypus.
  • Marattiopsida
  • Letosporangiatae ó fetos "berdadeiros"

 

Las spermatófitas ó plantas cun semientes son un grupo de plantas basculares que se dibersificou ne l final de l Paleozóico. Nestas formas, l gametófito stá reduzido als uorganos sexuales i l sporófito ampeça la sue bida cumo ua semiente, que se zambuolbe inda dependente de la planta-mai. Ls grupos atuales de spermatófitos ancluen estas debisones:

• debison Cycadophyta' ' (Cicadáceas, cumo l Ancephalarthos)
• debison Ginkgophyta (l Ginkgo, arble "sagrada" de l japoneses)
• debison Pinophyta' ' (ó Coniferophyta' ', ls pinheiros)
• debison Gnetophyta (que anclui la Welwitschia i las Efedras)
• debison Magnoliophyta' ' (ó Anthophyta' ', las plantas cun flores.

Ua classeficaçon inda ousada para estes grupos de plantas usa ls seguintes tenermos:

• Gimnospérmicas, ó plantas cun semientes znudas, que ancluen las quatro purmeiras debisones de l grupo arriba, i
• Angiospérmicas pa las plantas cun flores.

Las angiospérmicas fúrun las redadeiras plantas a aparecer, durante l Jurássico, mas tubírun l sou maior período de propagaçon ne l Cretácico, sendo, atualmente, plantas predominantes an muitos eicossistemas.

Dibersidade

Eisisten cerca de 350.000 speces de plantas, definidas cumo plantas cun semiente, briófitas, fetos i sous semelhantes. An 2004, cerca de 287.655 speces tenien sido eidantificadas, i 258.650 son plantas cun flor, 16.000 briófitas, 11.000 fetos i 8.000 oucas berdes.

 

 

Filogenia de las Plantas

Ambaixo queda ua proposta de arble filogenética pa l reino Plantae, segundo Kenrick i Crane an 1997, culas alteraçones antroduzidas pa las Pteridophyta por Smith et al. an 2006. Las Prasinophyceae puoden corresponder a un grupo basal parafilético a todas las oucas berdes.

Modelo:Clade

Las plantas puoden reporduzir-se assexuadamente (agámica) ó sexuadamente (gámica); la reproduçon assexuada giralmente ye más debrebe i más simples que la reporduçon sexuada. Poderá ser feita por un solo ourganismo de l qual aparórun-se células ó partes que daran ourige a un nuobo andebíduo. Nun hai recumbinaçon genética, i anton ls decendentes son geneticamente eiguales als "pais". Yá la reporduçon assexuada puode acuntecer de bários modos: brotamiento, staquia, gemulaçon i sporulaçon. Na sporulaçon puoden-se formar células speciales ls sporos que puoden ser aplanósporos (sin moblidade) ó zoósporos (mobles) cun dous ó más flagelos.

 Ber artigo percipal: Classeficaçon de las Plantas

• Ber artigo percipal: Nutriçon nas plantas

L reino Plantae cumo alguns ó mesmo la maior parte de ls seres bibos ancluídos ne ls reinos Monera i Protista porduzen l sou própio quemido atrabeç de outotrofie (son outotróficas), mas ténen necidades specíficas de sales minerales, persentes na tierra, dissolbidos na auga i que formaran la seiba bruta, depuis de la absorçon ne ls pelos radiculares.

Las plantas son la lhigaçon pordutora de matéria ourgánica de la cadena alimentar ne ls meios marinos, aquático i terrestre. Son, anton, l purmeiro elo de la cadena, que sustenta todas las lhigaçonesseguintes. Para alhá de dar quemido a animales, fungos, batérias i protistas, las plantas tamien dan abrigo a estes seres i als sous uobos i filhotes.

Inda assi, la predaçon nun ye la única relaçon eicológica aa que las plantas stan sujeitas, eisistindo tamien relaçones benéficas, cumo las ouserbadas antre plantas i polinizadores. An alguas speces, eisisten associaçones cun ciertos moscos, cumo formigas, que recíben abrigo ó quemido de la planta, portegendo-la, an troca, contra predadores.

Hai mesmo plantas que depénden d'outras plantas. Alguas famílias botánicas, custituídas por plantas parasitas, dependen de la seiba d'outras speces para oubtener nutrientes. Eisisten tamien milhares de speces epífitas que dependen de plantas maiores para morar, normalmente nun fazendo qualquiera danho al spedeiro.

Modelo:Portal-biologie

• Flor ó Frol
• Fruito
• Raiç
• Semiente
• Fuolhas
• Tronco
• Fotossíntese
• Plantas de Pertual