वाडा तालुका हा भारताच्या महाराष्ट्र राज्यातील पालघर जिल्ह्याचा एक तालुका आहे.
तालुक्याचे मुख्यालय असलेल्या वाडा शहरात नगरपंचायत आहे.
?वाडा तालुका महाराष्ट्र • भारत | |
— तालुका — | |
प्रमाणवेळ | भाप्रवे (यूटीसी+५:३०) |
भाषा | मराठी |
आमदार | दौलत दरोडा |
तहसील | वाडा तालुका |
पंचायत समिती | वाडा तालुका |
कोड • पिन कोड • दूरध्वनी • आरटीओ कोड | • 421303 • +०२५२६ • MH48 |
(१). हा तालुका पालघर जिल्ह्याचे भाताचे कोठार म्हणून गणला जातो.
(२). तालुक्यात पिकणारा वाडाकोलम 'हा तांदूळ महाराष्ट्रभर आपला दर्जा टिकवून आहे.
(३). येथे भात कापणीनंतर वाफशावर' काशाळ' नावाच्या तिळाची लागवड केली जाते.
(४). येथील शेतकरी उडीद, तूर, मूग, वाल, पावटा, राई, करडई, हरभरा इत्यादी कडधान्ये मोठ्या प्रमाणात घेतात.
(५). वाडा तालुक्याच्या बाजूला तानसा, भातसा, लोअर, मध्य व अप्पर वैतरणा ही मुंबई, ठाणे शहरांसाठी पाणीपुरवठा करणारी महत्त्वाची धरणे आहेत.
(६). या तालुक्याच्या जवळील पिंजाळ नदीवर गारगाई धरणाचे काम प्रगतिपथावर आहे.
(७). महाराष्ट्रातील फटाक्यांसाठी सर्वात मोठी घाऊक बाजारपेठ वाडा येथे आहे.
(८). तालुक्यातील कुडूस येथे १०० वर्षांची परंपरा असणारा (उरूस) वार्षिक बाजार भरतो.
(९). या तालुक्यात इ. स.च्या पाचव्या व सहाव्या शतकात ६० फूटX२७ फूट लांबीरुंदीचे कोरीव काम असलेले खंडेश्वर मंदिराचे पुरातन अवशेष होते. तसाच असणारा शिलालेख मुंबईतील म्युझियममध्ये आहे.
(१०). तालुक्यातील मांगरूळ गावी बिटिशकालीन सैनिकी तळाचे अवशेष मिळाले आहेत.
(११). 'साखरशेत 'हे तालुक्यातील थंड हवेचे ठिकाण आहे.
(१२). कोलीम सरोवर हा या गावाजवळील डोंगरावर असणारा तलाव आहे.
(१३). 'घोडमाळ 'या गावी घोडे बांधण्याचा तळ (माळ) होता. ज्याचे अवषेश आजही शेतकऱ्यांना दिसतात.
(१४). तालुक्यातील कोहोज किल्ला, तिळसेश्वर मंदिर, परशुराम मंदिर - गुंज, हातोबा देवस्थान यांचा प्रेक्षणीय स्थळांमध्ये उल्लेख करता येतो.
(१५). तालुक्याच्या बाजूला तानसा धरण व अभयारण्य, वजेश्र्वरी माता मंदिर व गणेशपुरी - श्री. नित्यानंद महाराज आश्रम, गरम पाणी कुंड ही ठाणे जिल्ह्यात येणारी पर्यटन स्थळे आहे.
( १६ ) तालुक्यात अंबिस्ते गावी नागनाथ तीर्थ क्षेत्र आहे. तिथे शंकराच पुरातन मंदिर आहे..महाशिवरात्रीच्या दिवशी तिथे खूप मोठी यात्रा भरते.
हा लेख/विभाग स्वत:च्या शब्दात विस्तार करण्यास मदत करा. |
https://www.census2011.co.in/data/subdistrict/4163-palghar-thane-maharashtra.html
पालघर जिल्ह्यातील तालुके |
---|
वसई तालुका | वाडा तालुका | जव्हार तालुका | मोखाडा तालुका | पालघर तालुका | डहाणू तालुका | तलासरी तालुका | विक्रमगड तालुका |
This article uses material from the Wikipedia मराठी article वाडा तालुका, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). इतर काही नोंद केली नसल्यास,येथील मजकूर CC BY-SA 4.0च्या अंतर्गत उपलब्ध आहे. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki मराठी (DUHOCTRUNGQUOC.VN) is an independent company and has no affiliation with Wiki Foundation.