ကျာ်မုဟ်တင် (Mawtinzun Pagoda) (ဗၟာ: မော်တင်စွန်းဘုရား), နကဵုယၟုပေင်ပေင်မ္ဂး မဟာကုဋရံသဳ ကျာ်ဓါတ်သော် မုဟ်တင်) (ဗၟာ: မဟာမကုဋရံသီဆံတော်ရှင် မြတ်မော်တင်စေတီတော်) ဂှ် ဒှ်ကျာ်စေတဳ မနွံပ္ဍဲမုဟ်ၜဳ ဍုင်ငပုတော၊ ခရိုင်ဖာသီ၊ ရးဇမၞော်ဨရာဝတဳ၊ ရးနိဂီုပံင်ကောံဗၟာရ။ ကျာ်ဂှ် နွံပ္ဍဲၜဳမုတ္တမ မ္ၚးသ္ၚောဲသ္ၚောဲ ကုမုဟ်တင်သြင်ၜဳရ။ ပြင်ၜဳမအာကဵုကျာ်ဂှ် ကၠိုဟ်မွဲသၞာံ ဗၠိုက်ဒၟံင်ဍာ်၊ ဆပ္ဍဲအခိင် ဂိတုဖဝ်ရဂိုန် အခိင်မကၠောန်သဘင်ကျာ်ဟေင် ဂၠံင်ပံက်အာကဵုကျာ်ဂွံရ။ သဘင်ကျာ်မုဟ်တင်ဂှ် ကၠောန်ဗဒှ် နူဂိတုဖဝ်ရဂိုန်။အတိုင်ဝင်ကျာ် မချူဗၟံက်ထ္ၜးလဝ်ဂှ်မ္ဂး ပ္ဍဲကဵု မဟာသက္ကရာဇ် ၁၀၃ သၟာဗၞိက်မန်ၜါ ကော ကဵု ဒေအ် တပေါ ကဵု တဗဝ် အခိင်မကလိဂွံနင် ဓါတ်သော်ကျာ် ပ္ဍဲအခိင်မတတ် မုဟ်တင်နာဂရ မဒှ်ဒၞာဲသၟိင်နာ် ဇေယျသေန မပကင်ရင်ဒၟံင်ဂှ် သၟိင်နာ်က္ညဏာ ဓါတ်သော်ၜါတၞုင်တုဲ အာပ္တန်လဝ် ကဵု မုဟ်တင်ဂှ်ရ။ ကျာ်စေတဳဝွံ ဒှ်ကျာ်ခေတ်တြေံမွဲတုဲ သၟိင်ဍုင်ဗုကာံလေဝ် ကေင်ပလေဝ်လဟဵုပတိုန်လဝ်ကီုရ။
ကျာ်မုဟ်တင် Mawtinzun Pagoda | |
---|---|
မဟာမကုဋရံသီဆံတော်ရှင် မြတ်မော်တင်စေတီတော် | |
တင်ဂၞင်ဂမၠိုင် | |
ဒတန် | ငပုတော၊ ဨရာဝတဳ |
ဒတန်ဒၞး | 15°57′18″N 94°14′37″E / 15.954885°N 94.243595°E 94°14′37″E / 15.954885°N 94.243595°E |
မဆေင်စပ် ကုဘာသာ | ဗုဒ္ဓဘာသာ |
ယၟုမ္ဂး မုဟ်တင် ဂှ် ဒှ်အရေဝ်မန် မဂွံအဓိပ္ပါယ် တၞုင်မုဟ်မဒှ်ဒၟံင် ညံင်ဗီုတင်တဲ။ ယၟုဗၟာ မော်တင်စွန်း ဂှ် မော်တင်ဂှ် ဒှ်ယၟုမန်တုဲ စွန်း ဂှ် ဒှ်ဗီုဗၟာ မထပ်စုတ် ဗွဲကြဴဏအ်ရ။
အတိုင်ဝင်ကျာ်မ္ဂး မဟာသက္ကရာဇ် ၁၀၃ တပေါ ကဵု တဗဝ် ကောန်ဗၞိက် ကောဒေအ်ၜါတၠ ကလိဂွံဓါတ်သောက် နူဗုဒ္ဓဂါယာတုဲ အဃောမစဴကၠုင် ပ္ဍဲတရဴဍာ်ဂှ် ဒးတတ်မုဟ်တင်နဂရ မဒှ်ဒၞာဲ သၟိင်နာ်ဇေယျသေန မပကင်ရင်ဒၟံင်တုဲ သၟိင်နာ် က္ညနိမန်ဏာ ဓါတ်သောက်ၜါတၞုင်တုဲ သၠိုင်ဒက်လဝ် စေတဳဝွံရ။ နူဂှ် သၟိင်မပတိုန် တတိယသံဃာယန သဳရိဓမ္မာသောကဂှ် ကလေင်လဟဵုပတိုန်မွဲဝါ၊ ပ္ဍဲသက္ကရာဇ်သာသနာ ၂၃၆ ဂှ် မှာထေရ်မဟာမောဂလ္လိတိဿ ကေုာံ မှာထေရ်ဥတ္တရ ညးၜါ ကေုာံ သၟိင်ဍုင် ကလေင်လဟဵုပတိုန်မွဲဝါ၊ သက္ကရာဇ်ဍုင် ၄၅၇ ဂှ် သၟိင်ဍုင်ဗုကာံ အလံင်စဳသူ နကဵုဖံင်စိုပ်ကၠုင်ဒၞာဲဂှ်တုဲ ကလေင်ဇၞော်လဟဵုပတိုန် စဵုကဵု ၄၀ ဟတ်။ စတမ်နူဂှ်တုဲ ဇၟာပ်မစိုပ် ဂိတုဖဝ်ရဂိုန်ပေင်မ္ဂး ကၠောန်သဘင်ပူဇနိယကျာ်ရ။
သဘင်ကျာ်ဂှ် စကၠောန် နူစ ဖဝ်ရဂိုန်မွဲမံက် စဵုကဵု ဂိတုပေင် ပွိုင် ၁၅ တ္ၚဲပေင်င်ရ။ ပ္ဍဲအခိင်ဂှ်မ္ဂး ဍာ်ၜဳဇတ်စှ်ေနူကဵု သြင်ကွာ်အာ ဇရေင်ကျာ်ဂွံရ။ အခိင်တၞဟ်မ္ဂး ဍာ်ဗၠိုက်ဒၟံင် ကၠိုဟ်မွဲသၞာံရ။ အရာဏအ်ဂှ်လေဝ် ဒှ်အရာတၟေင်မွဲကီုဂှ် ညးဒေသတအ် စၟတ်သမ္တီလဝ်ရ။ တုဲပၠန် ညးမကၠုင်လ္ၚောဝ်ကျာ်တအ်ဂှ် ပူဇဴသၟိင်နာ်တုဲ ရာဒနာတဴ အတိုင်ပၟိက်ဆန္ဒဇကုအိုတ်ရ။
[[Category:]] [[Category:]]
This article uses material from the Wikipedia မန် article မုဟ်တင်၊ ကျာ်စေတဳ ခရိုင်ဖာသီ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ပရောပရာတၚ်လညာတ်တၞဟ်ယဝ်ရဟွံမွဲတှ်ေပ္ဍဲ CC BY-SA 4.0 မဒုၚ်ကေတ်မာန်ရ။ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki မန် (DUHOCTRUNGQUOC.VN) is an independent company and has no affiliation with Wiki Foundation.