Кино Татах Хүч
Татах хүч (Англи: Gravity) — 2013 оны Америк /Warner Bros./-Британы /Framestore/ хамтарсан гурван хэмжээст технотриллер кино юм.
Альфонсо Куарон зохиолыг бичиж (хүүгийн хамт), найруулсан юм. "Хоёр" дүртэй тус кинонд жүжигчин Сандра Буллок, Жорж Клуни нар сансрын тойрог замд "шаттл" хөлгийн хамт осолдож эх дэлхий рүү буцахын тулд тэмцэж буй сансрын нисгэгчид тоглосон юм.
| Татах хүч | |
|---|---|
 | |
| Найруулагч: | Альфонсо Куарон |
| Продюсер: | Дэвид Хейман |
| Зохиол: | Альфонсо Куарон Хонас Куарон Родриго Гарсиа |
| Дүрүүдэд: | Сандра Буллок Жорж Клуни |
| Хөгжмийн зохиолч: | Стивен Прайс |
| Зураглаач: | Эммануэль Любецки |
| Эвлүүлэгч: | Альфонсо Куарон Марк Сангер |
| Студи: | Ди Бонавентура Пикчерз |
| Компани | Уорнер Бразерз, Хейдей Филмз, Эсперанто Филмо |
| Нээлт: | 2013 оны 8 сарын 28 (Венец) 2013 оны 10 сарын 4 (АНУ) 2013 оны 11 сарын 8 (Нэгдсэн Вант Улс) |
| Хугацаа: | 91 мин |
| Улс: |  Их Британи Америкийн Нэгдсэн Улс |
| Хэл: | Англи |
| Төсөв: | $100 сая |
| Орлого: | $707,719,443 |
2013 оны наймдугаар сард Венецийн кино наадамд нээлтээ хийсэн Татах хүч Америкийн Кино академийн дээд шагналыг Шилдэг найруулагч, Шилдэг киноны ая зэрэг долоон төрлөөр (10 төрлөөс) хүртжээ. Түүнчлэн БАФТА болон Алтан бөмбөрцөг шагналыг зургаа зургаан төрөлд хүртсэн.
Дүрүүдэд
- Сандра Буллок — Райан Стоун
- Жорж Клуни — Мэтт Ковальски
- Эд Харрис — удирдлагын төвийн ахлах (хоолой)
Бүтэх үйл явц
Татах хүч гурван жил үргэлжилсэн тусгай эффектийн маш том төсөл юм. Зураг авалтыг Английн Суррей дэх жингүйдэл орчинтой Шеппертон студи болон Аризона дахь Пауэллын нуурын ойролцоо 2011 онд таваас долоодугаар сарын хооронд багтаан авчээ. Үлдсэн ажил нь уг бүтээлийн 60 хувь зонхилсон тусгай эффект. Аватар кинон дээр ажиллаж байсан Английн Framestore компани энэ ажлыг гарджээ. Эхлэл хэсэгт 17 минутын турш дэлхийн бөмбөрцөгийг харуулдаг хэсгийг туслах продюсер нь сэджээ. Программистууд Арнольд программыг түлхүү ашигласан. Сонирхуулахад шейдер болгоныг хийхийн тулд ашигласан мөрийн тоо 71,000.
Гол дүрд тоглосон жүжигчидийн тухайд, Холливудын нэртэй олон эмэгтэй жүжигчидтэй ярилцаж байсан ч Анжелина Жоли, Сандра Буллок нар найруулагч Куаронтай хамгийн ойр байв. Жоли татгалзаж Буллок тунасан. Мэттийн дүрд Роберт Дауни, Жорж Клүүни нар тоглохыг зөвшөөрсөн ч найруулагч Клүүниг сонгосон.
Шүүмж
IMDb буюу кино мэдээллийн нэгдсэн сангаас 9.1/10 гэсэн үнэлгээ авсан. "Яг л бодит хөлөг. Сансрын хогны эвдлэн сүйтгэл. Бүгд үнэнд онцгой ойртсон. Сэтгэл татам дүрслэл байлаа хэмээн" дүгнэжээ.
"Сансрын холбогдолтой кинонуудаас бүх цаг үеийн хамгийн шилдэг нь".Эх бичвэр (орос.)Я был потрясён и совершенно размазан. Считаю, в «Гравитации» лучшие космические съёмки, более того, это лучший фильм о космосе. Я жаждал увидеть подобное кино долгие годы. Интересен также человеческий аспект показанной истории.
Эшлэл
- Албан ёсны цахим хуудас
- Татах хүч — IMDb
This article uses material from the Wikipedia Монгол article Татах хүч (кино), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.