Агуу үзмэрч бол 2012 оны өмнөд солонгосын түүхэн телевизийн цуврал юм.
Дүрүүдэд Чи Сон, Жи Жин Хи, Сун Чан Ыи, Ким Су Ён, И Юүн Жи нар тоглосон. Курёгийн үймээн самуун уналтын үед мэргэ төлөгчдийн хүч чадал улс орны хувь заяанд хэрхэн нөлөөлж буй тухай өгүүлдэг. SBS телеизээр 2012 оны 10-р сарын 10-аас 2013 оны 2-р сарын 7 хүртэл Лхагва, Пүрэв гараг бүрийн 21:55 цагаас 35 анги цацагдсан.
Үйл явдал Гонмин хааны хаанчлалын үеэс хэлдэг. Хэдийгээр энэ драма нь үзмэрч, мэргэ төлөгчдийн тухай өгүүлдэг мэт боловч уран зөгнөл багатай харин мэргэ төлгөөрөө дамжуулан хүч чадлыг олж авч улс төрийг хөдөлгөж хаадуудад зөвлөж улмаар тэдэнд хяналт тавих чадвартай хүмүүсийн тухай илүүтэйгээр өгүүлдэг. И Сон Ге бол Курё улсыг түлхэн унагасан генерал ба Чусон улсыг үүсгэн байгуулж анхны хаан нь болсон.
Муг Жи Сан бол авьяаслаг үзмэрч/төлөгч ба хүмүүсийн өнгөрсөн болон ирээдүйг харах чадвартай төрсөн. Түүнийг сүнсэнд автсан, хар шидийн хүчтэй гэж хүмүүс буруугаар итгэдэг.
Тэрээр Курёгийн улсын сүүл үеэр нас бие гүйцсэн үедээ мэргэ төлгийн эрдэмтэн болж газар зүй болон хүмүүсийн царайг уншиж бас хэр их азтай эсэхийг нь хэлдэг болжээ. Тухайн цагтаа тэр хавийнхаа хамгийн нөлөө бүхий хүн болжээ. Тэрбээр эцэст нь И Сон Ге генералийг дэмжиж солонгоын ирээдүйг бодитойгоор тодорхойлж Курё улсыг түлхэн унагааж Чусоныг босгох улс төрийн томоохон өөрчлөлт хийх түлхүүрийг атгаж буй "хааныг бүтээгч" болж хувирдаг.
И Жун Гын бол И Сон Ге генералийн бас нэгэн зөвлөх бөгөөд Жи Санийн өрсөлдөгч юм.
Хэ Ин бол эмч бөгөөд И Сон Ге жанжинтай хувь заяагаа холбосон ч үзмэрчид дурладаг.
Бан Яа бол залуу насандаа дууч эм болж зарагдсан боловч Гонмин хааны зөвлөхийн татвар эм болж хүү төрүүлж өгсөн эмэгтэй юм.
Гонмин хаан хүүг авч өөрийн хүүгээ болгож тэр хүү нь Курёгийн хаан болдог. Гэвч И Сон Ге төрийн эргэлт хийж түүнийг хаан ширээнээс нь буулгадаг.
This article uses material from the Wikipedia Монгол article Агуу үзмэрч, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.