Нелли Блай
Нелли Блай (Англи: Nellie Bly) хэмээх уран бүтээлийн нэрээрээ алдаршсан Элизабет Кокран Симэн (Англи: Elizabeth Cochrane Seaman, төрөхдөө Элизабет Жейн Кокран (Англи: Elizabeth Jane Cochran, 1864 оны 5 сарын 5-нд төрж, 1922 оны 1 сарын 27-нд нас барсан) нь АНУ-ын аялагч, сэтгүүлч, зохион бүтээгч эмэгтэй.
Намтар
АНУ-ын Пеннсилвани муж улсын Питтсбург хотын захад орших Буррелл хотхоны Кокраны Миллс хэмээх хэсэгт худалдаачин, холбооны шүүгч ч хийдэг Майкл Кокраныд 1864 онд нэгэн охин төрсөн нь Элизабет Жейн Кокран байсан юм. Өсвөр наснаасаа боловсролтой иргэн болохыг хүссэн тул эцгийнхээ Кокран овгийг авч 1879 онд Индианагийн багшийн сургуульд (одоогийн Пеннсилванийн Индиана Их Сургууль) элсэн орсон боловч мөнгө санхүүгийн гачаалаас болоод нэг улирлын дараа орхижээ.
1890 оны 1 сарын 25-ны 15 цаг 51 минутад Нью Жерсийн галт тэрэгний буудалд нэгэн бүсгүй Нью Йорк Ворлд сонины эзэн алдарт Жозеф Пулитцерын тусгайлан хөлсөлсөн хувийн галт тэрэгнээс буусан нь дэлхийг 72 хоногт ганцаар тойрсон Америкийн сэтгүүлч, үйлдвэрлэгч, зохион бүтээгч, буяны ажилтан, эрэн сурвалжлах сэтгүүл зүйн анхдагчдын нэг хатагтай Нелли Блай /Nellie Bly/ урт аянаа төгсгөн гэртээ ирж байсан хэрэг юм.
Цахим холбоос
This article uses material from the Wikipedia Монгол article Нелли Блай, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Тусгай тайлбар байхгүй бол энэ агуулгыг CC BY-SA 4.0 лицензийн дагуу хэрэглэх боломжтой. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Монгол (DUHOCTRUNGQUOC.VN) is an independent company and has no affiliation with Wiki Foundation.