കമ്പ്യൂട്ടറുകളെ വൈറസുകളിൽ നിന്നും സംരക്ഷിക്കാൻ ഉപയോഗിക്കുന്ന സോഫ്റ്റ്വെയറുകളാണു ആന്റിവൈറസ്.
ഇവ ഉപയോഗിച്ച് കമ്പ്യൂട്ടറിലുള്ള വൈറസുകൾ കണ്ടുപിടിക്കാനും, അവയെ നീക്കംചെയ്യാനും പുതിയ വൈറസുകൾ പ്രവേശിക്കാതെ കാത്തുസൂക്ഷിക്കുവാനും സാധിക്കും. എന്നിരുന്നാലും, മറ്റ് തരത്തിലുള്ള മാൽവെയറുകളുടെ വ്യാപനത്തോടെ, ആന്റിവൈറസ് സോഫ്റ്റ്വെയർ മറ്റ് കമ്പ്യൂട്ടർ ഭീഷണികളിൽ നിന്ന് സംരക്ഷണം നൽകാൻ തുടങ്ങി. പ്രത്യേകിച്ചും, ആധുനിക ആന്റിവൈറസ് സോഫ്റ്റ്വെയർ ഉപയോഗിച്ച് സംശയകരമായ സോഫ്റ്റവെയറുകളിൽ നിന്ന് കമ്പ്യൂട്ടർ ഉപയോക്താക്കളെ പരിരക്ഷിക്കാൻ കഴിയും ഉദാ: മലിഷ്യസ് ബ്രൗസർ ഹെൽപ്പർ ഒബ്ജക്റ്റുകൾ (ബിഎച്ച്ഒകൾ), ബ്രൗസർ ഹൈജാക്കർമാർ, റാൻസംവെയർ, കീലോഗറുകൾ, ബാക്ക്ഡോർ, റൂട്ട്കിറ്റുകൾ, ട്രോജൻ ഹോഴ്സ്, വേമ്സ്, മലിഷ്യസ് എൽഎസ്പി, ഡയലറുകൾ, ഫ്രോഡ്ടൂൾസ്, ആഡ്വെയർ, സ്പൈവെയർ.ഇൻഫെറ്റഡായതും മലിഷ്യസായ യുആർഎല്ലുകൾ(URL), സ്പാം, സ്കാമുകൾ, ഫിഷിംഗ് ആക്രമണങ്ങൾ, ഓൺലൈൻ ഐഡന്റിറ്റി (സ്വകാര്യത), ഓൺലൈൻ ബാങ്കിംഗ് ആക്രമണങ്ങൾ, സോഷ്യൽ എഞ്ചിനീയറിംഗ് ടെക്നിക്കുകൾ, നൂതന പെർസിസ്റ്റന്റ് ഭീഷണി (APT), ബോട്ട്നെറ്റ് ഡിഡിഒഎസ്(DDoS) ആക്രമണങ്ങൾ എന്നിവയിൽ നിന്നുള്ള പരിരക്ഷയും ചില ഉൽപ്പന്നങ്ങൾ നൽകുന്നു.
ആന്റിവൈറസ്സുകൾ വൈറസ്സുകളെ കണ്ടുപിടിക്കാൻ രണ്ടു മാർഗ്ഗങ്ങളാണ് സാധാരണയായി ഉപയോഗിക്കാറുള്ളത്.
ഈ രീതിയിൽ , ആന്റിവൈറസ്സ് സോഫ്റ്റ്വെയർ സ്കാൻ ചെയ്യുന്ന ഫയലിനെ , ഡാറ്റബെയിസിൽ സൂക്ഷിച്ചിരിക്കുന്ന വൈറസ് അടയാളങ്ങളുമായി താരതമ്യപ്പെടുത്തി നോക്കുന്നു.ഫയലിലെ കോഡും വൈറസ് അടയാളവും തമ്മിൽ എന്തെങ്കിലും സാദൃശ്യമുണ്ടെങ്കിൽ ഉപയോക്താവിനെ അറിയിക്കുകയോ , ആ ഫയല് ഡിലീറ്റ് ചെയ്യുകയോ ,മാറ്റി വെയ്കുകയോ ചെയ്യും. സോഫ്റ്റ്വെയർ അപ്ഡേറ്റ് ചെയ്യുമ്പോൾ വൈറസുകളുടെ പട്ടികയിലേക്ക് പുതിയതായി കണ്ടെത്തിയ വൈറസ്സ്കളുടെ പേരും അടയാളങ്ങളും കൂട്ടിച്ചേർക്കുകയാണ് ചെയ്യുന്നത് .
ആന്റി വൈറസ് കമ്പ്യൂട്ടറിലെ പ്രവർത്തിക്കുന്ന പ്രോഗ്രാമുകളെ ഒക്കെ നിരീക്ഷിച്ചു കൊണ്ടിരിക്കുകയും , സംശയാസ്പദമായ പ്രവർത്തനങ്ങളെക്കുറിച്ച് ഉപഭോകതാവിനെ അറിയിക്കുകയും ചെയ്യുന്നു. വൈറസ് നിഘണ്ടുവിൽ ഇല്ലാത്ത വൈറസുകളെ പോലും കണ്ടുപിടിക്കുവാൻ സാധിക്കും എന്നതാണ് ഇതിന്റെ ഗുണം.
This article uses material from the Wikipedia മലയാളം article ആന്റിവൈറസ്, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.