റില, ബൾഗേറിയ: ബൾഗേറിയയിലെ മലനിരകൾ

ബൾഗേറിയയിലേയും ബാൾക്കൻറിലേയും ഏറ്റവും ഉയരം കൂടിയ പർവ്വതനിരയായ ഇതിന്റെ ഏറ്റവും ഉയരമുള്ള കൊടുമുടിയായ മൂസലായുടെ ഉയരം 2,925 മീറ്ററാണ്. ഈ പർവ്വതനിരയുടെ മൂന്നിലൊന്ന് റില ദേശീയോദ്യാനം ഉൾക്കൊള്ളുന്നു. ബാക്കി ഭാഗം റില മോണാസ്റ്ററി പ്രകൃതി പാർക്കാണ്.

റില
ബൾഗേറിയൻ: Рила
The Dreadful Lake
ഉയരം കൂടിയ പർവതം
Elevation	2,925 m (9,596 ft)
Coordinates	42°06′00″N 23°33′00″E / 42.10000°N 23.55000°E / 42.10000; 23.55000

ഇതേ പേരിലുള്ള നദിയുടെ നാമത്തിൽനിന്നാണ് ഈ പർവതത്തിന് റില എന്ന പേരുലഭിച്ചത് എന്ന് വിശ്വസിക്കപ്പെടുന്നു. കുഴിക്കുക എന്നർത്ഥമുള്ള പഴയ ബൾഗേറിയൻ ക്രിയയായ "рыти" എന്ന വാക്കിൽനിന്നാണ് ഇത് ഉൽഭവിച്ചത്.

ബൾഗേറിയയിലെ ഏറ്റവും വലിയ ദേശീയോദ്യാനമായ റില ദേശീയോദ്യാനം സോഫിയയുടെ തെക്ക് 100 കിലോമീറ്റർ അകലെയാണ് സ്ഥിതിചെയ്യുന്നത്.

റിലയിലെ സസ്യജാലത്തിൽ മൂന്ന് ലോക്കൽ എൻഡിമികൾ ഉണ്ട്. അവ ഈ മലകളിൽ മാത്രമേ കാണപ്പെടുന്നുള്ളൂ.

റിലയിൽ വസിക്കുന്ന മൃഗങ്ങളിൽ ചിലത് വംശനാശഭീഷണി നേരിടുന്നവയാണ്. 24 ഇനം മൃഗങ്ങൾ ഐ.യു.സി.എൻ ഭീഷണി നേരിടുന്ന ജീവികളുടെ പട്ടികയിൽ പെടുന്നവയാണ്.