മുരുകൻ കാട്ടാക്കട: ഇന്ത്യൻ രചയിതാവ്
ഒരു മലയാളകവിയാണ് മുരുകൻ കാട്ടാക്കട.
മുരുകൻ കാട്ടാക്കട | |
|---|---|
 മുരുകൻ കാട്ടാക്കട | |
| ജനനം | മുരുകൻ കാട്ടാക്കട മേയ് 25, 1967 |
| ദേശീയത | ഇന്ത്യൻ |
| പൗരത്വം | ഇന്ത്യൻ |
| തൊഴിൽ | മലയാളകവി |
അറിയപ്പെടുന്ന കൃതി | കണ്ണട, രേണുക തുടങ്ങിയവ |
| കുട്ടികൾ | അദ്വൈത് |
തിരുവനന്തപുരം ജില്ലയിലെ കാട്ടാക്കടയിൽ കുച്ചപ്പുറം എന്ന ഗ്രാമത്തിൽ ബി. രാമൻ പിള്ളയുടേയും ജി. കാർത്യായനിയുടേയും മകനായി ജനിച്ചു. കണ്ണട എന്ന കവിതയിലൂടെ ശ്രദ്ധേയനായി.
ദീർഘകാലം തിരുവനന്തപുരം എസ് എം വി ഹയർ സെക്കണ്ടറി സ്കൂളിൽ അധ്യാപകനായിരുന്നു. തുടർന്ന് എസ് എം വി സ്കൂൾ,ഗവണ്മെന്റ് എച് എസ് എസ് ആര്യനാട് തുടങ്ങിയ സ്കൂളുകളിൽ പ്രിൻസിപ്പലായിരുന്നു.
കേരളം സർക്കാർ വിക്‌ടേഴ്‌സ് വിദ്യാഭ്യാസ ചാനലിന്റെ മേധാവിയായി പ്രവർത്തിച്ചു. പൊതു വിദ്യാഭ്യാസ സംരക്ഷണ യജ്‌ഞത്തിന്റെ സംസ്ഥാന അക്കാദമിക് കോർഡിനേറ്റർ ആയിരുന്നു. ദൂരദർശൻ ചാനലിൽ എല്ലാരും ചൊല്ലണ് എന്ന പരിപാടിയുടെ അവതാരകനായും കൈരളി ചാനൽ മാമ്പഴം കവിത റിയാലിറ്റി ഷോയുടെ വിധികർത്താവായും പ്രവർത്തിച്ചിരുന്നു.
കവിതയുടെ ദൃശ്യ-ശ്രാവ്യ സാധ്യതകളെ കണ്ടെത്തി രണ്ടര മണിക്കൂർ ദൈർഖ്യമുള്ള മലയാളത്തിലെ ആദ്യത്തെ "മെഗാ പോയട്രി സ്റ്റേജ്ഷോ " അവതരിപ്പിച്ചു വരുന്നു.
മുല്ലനേഴി പുരസ്കാരം, കുവൈറ്റ് കലാ പുരസ്കാരം, വയലാർ സാംസ്കാരികവേദി പുരസ്കാരം,ഇ വി കൃഷ്ണപിള്ള പുരസ്കാരം തുടങ്ങിയവ ലഭിച്ചിട്ടുണ്ട്. മികച്ച ഗാനരചയിതാവിനുള്ള ഏഷ്യാനെറ്റ് അവാർഡ്,സൂര്യ ടി വി അവാർഡ്, ബ്രഹ്മാനന്ദൻ പുരസ്കാരം , ജെ സി പുരസ്കാരം എന്നിവയും ലഭിച്ചിട്ടുണ്ട്.
കവിതയുടെ ജനകീയ പ്രചാരണത്തിന് നൽകിയ സംഭാവനയെ മാനിച്ച് യു എ ഇ ഗവണ്മെന്റ് ഗോൾഡൻ വിസ നൽകി ആദരിച്ചു. മലയാള സാഹിത്യത്തിലെ ആദ്യ ഗോൾഡൻ വിസ ആണ് ഇത്.
ഇപ്പോൾ സാംസ്‌കാരിക വകുപ്പ് മലയാളം മിഷൻ ഡയറക്ടർ ആയി സേവനം അനുഷ്ഠിക്കുന്നു.
കുടുംബം
ഭാര്യ:ലേഖ മകൻ:അദ്വൈത്.
കവിതകൾ
- കണ്ണട
- ബാഗ്ദാദ്
- ഒരു കർഷകന്റെ ആത്മഹത്യാക്കുറിപ്പ്
- രേണുക
- മനുഷ്യനാകണം
- കനൽപൊട്ട്
- പ്രവാസദുഖം
- ഒരു നാത്തൂൻ പാട്ട്
- രക്തസാക്ഷി
- ഉണരാത്ത പദ്മതീർത്ഥങ്ങൾ
- പക
- കാത്തിരുപ്പ്
- കളഞ്ഞുപോയ സുഹൃത്ത്
- ഇടം
- ഒരു ഭടന്റെ ഓർമ്മയ്ക്ക്
- കൊഴിയുന്ന ഇലകൾ പറഞ്ഞത്‌
- ഓണം
- തിരികെ യാത്ര
- ഓർമ മഴക്കാറ്
- നെല്ലിക്ക
- ദുസ്വപ്ന ദേവത
- കടം, കടമ, കടമ്മനിട്ട
- നിരാലംബൻ
- ഒൻപതാം പാടം
- ഉണർത്തുപാട്ട്
- കാഴ്ച
- നീ കരയാതിരിക്കുക
- സൂര്യകാന്തിനോവ്
- അഗ്നിശലഭങ്ങൾ
- ചെറുത്
- പറയാൻ മറന്നത്
- ചിത്രത്തിലെ ക്രിസ്തു
- പൊട്ടിയ മുട്ടകൾ
- കവിതകാപ്സൂൾ
- കടം
- രാജ്ഘട്ടിൽ കയറിയ നായ
- ശേഷിപ്പ്
- വെയിൽ പറക്കുന്ന നിഴൽക്കഷണങ്ങൾ
- ഉത്തരം
- പാട്ട് വരുന്ന വഴി
- ചിന്തഭ്രമം
ചലച്ചിത്രഗാനരചന
- പുലിമുരുകൻ
- ഒരു നാൾ വരും
- പറയാൻ മറന്നത്
- ഭഗവാൻ
- ചട്ടമ്പിനാട്
- രതിനിർവേദം
- മല്ലു സിംഗ്
- കസിൻസ്
- നൈറ്റ് ഡ്രൈവ്
- കായ്പോള
- മധുരരാജ
- തത്സമയം ഒരു പെൺകുട്ടി
- പറങ്കിമല (2014)
- ചട്ടക്കാരി (2012)
- ദൈവത്തിന്റെ സ്വന്തം ക്ളീറ്റസ്
- നായാട്ട്
- ഭയ്യാ ഭയ്യാ
- പിക്കറ്റ് 43
- കർമ്മയോദ്ധ
നാടക ഗാനരചന
- അമ്മക്കിളി
പുരസ്കാരങ്ങൾ
- മികച്ച ഗാനരചയിതാവിനുള്ള ഏഷ്യാനെറ്റ് ടി.വി. അവാർഡ്
- മികച്ച ഗാനരചയിതാവിനുള്ള സൂര്യ ടി വി അവാർഡ്
- ബ്രഹ്മാനന്ദൻ പുരസ്കാരം
- ജെ സി പുരസ്കാരം
അവലംബം
 | ജീവചരിത്രവുമായി ബന്ധപ്പെട്ട ഈ ലേഖനം അപൂർണ്ണമാണ്‌. ഇതു വികസിപ്പിക്കുവാൻ സഹായിക്കുക. |
This article uses material from the Wikipedia മലയാളം article മുരുകൻ കാട്ടാക്കട, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.