ആൻറണി ബർക്കിലി കോക്സ് (ജീവിതകാലം : 5 ജൂലൈ 1893 – 9 മാർച്ച് 1971) ഒരു ഇംഗ്ലീഷ് കുറ്റാന്വേഷണ നോവൽ എഴുത്തുകാരനായിരുന്നു.
ഫ്രാൻസിസ് ഇലെസ്, ആൻറണി ബർക്കിലി, എ. മോൺമൌത്ത് പ്ലാറ്റ്സ് എന്നിങ്ങനെ വിവിധ തൂലികാനാമങ്ങളിൽ അദ്ദേഹം ഗ്രന്ഥരചന നിർവ്വഹിച്ചിരുന്നു.
Anthony Berkeley Cox | |
---|---|
ജനനം | Watford, England | 5 ജൂലൈ 1893
മരണം | 9 മാർച്ച് 1971 | (പ്രായം 77)
മറ്റ് പേരുകൾ | Francis Iles, Anthony Berkeley and A. Monmouth Platts |
തൊഴിൽ | crime writer |
ആൻറണി ബർക്കിലി കോക്സ് 1893 ൽ വാറ്റ്ഫോർഡിൽ ജനിച്ചു. ഷെർബോൺ സ്കൂളിലും ഒൿസ്ഫോർഡിലെ യൂണിവേഴ്സിറ്റി കോളജിലുമാണ് അദ്ദേഹം വിദ്യാഭ്യാസം ചെയ്തത്. ഒന്നാം ലോകമഹായുദ്ധകാലത്ത്. ബ്രിട്ടീഷ് കരസേനയിൽ സൈനികസേവനം ചെയ്തതിനുശേഷം പത്രപ്രവർത്തകനായി "Punch" "The Humorist" തുടങ്ങിയ മാഗസിനുകളിൽ അനേകവർഷങ്ങൾ ജോലി ചെയ്തിരുന്നു. അദ്ദേഹത്തിൻറെ ആദ്യനോവലായ "The Layton Court Mystery", 1925 ൽ പേരില്ലാതെ പ്രസിദ്ധീകരിക്കപ്പെട്ടു. ഈ നോവലിലൂടെ റോജർ ഷെറിങ്ഹാം എന്ന പ്രഗല്ഭനായ കുറ്റാന്വേഷകനെ അവതരിപ്പിക്കുകയും "Poisoned Chocolates Case" എന്ന ക്ലാസിക് നോവലിലുൾപ്പെടെ ഗ്രന്ഥകർത്താവിൻറെ നിരവധി നോവലുകളിൽ ഈ കഥാപാത്രം പ്രത്യക്ഷപ്പെടുകയും ചെയ്തിരുന്നു. സമകാലികരായ കുറ്റാന്വേഷണനോവലെഴുത്തുകാരായിരുന്ന അഗതാ ക്രിസ്റ്റി, ഫ്രീമാൻ വിൽസ് ക്രോഫ്റ്റ്സ് മറ്റു പ്രശസ്ത കുറ്റാന്വേഷണ നോവലിസ്റ്റുകൾ എന്നിവരുമായി ചേർന്ന് ബർക്കിലി ലണ്ടനിൽ ലെജൻററി ഡിറ്റക്ഷൻ ക്ലബ്ബ് സ്ഥാപിച്ചിരുന്നു.
അദ്ദേഹത്തിൻറെ 1932 ലെ നോവലായ (ഫ്രാൻസിസ് ഇലെസ് എന്ന തൂലികാനാമത്തിൽ) Before the Fact നെ ആസ്പദമാക്കി 1941 ൽ ആൽഫ്രഡ് ഹിച്ച്കോക്ക് സംവിധാനം ചെയ്ത് കാരി ഗ്രാൻറ്, ജോവാൻ ഫോണ്ടെയിൻ എന്നിവരഭിനയിച്ച ചലച്ചിത്രം Suspicion എന്ന പേരിൽ പുറത്തിറങ്ങിയിരുന്നു. അതുപോലെതന്നെ "Trial and Error" എന്ന നോവലിനെ ആസ്പദമാക്കി 1941 ൽ "Flight From Destiny" എന്ന ചലച്ചിത്രവും പുറത്തിറങ്ങിയിരുന്നു.
The books listed thus far are the ones featuring amateur detective Roger Sheringham.
This article uses material from the Wikipedia മലയാളം article ആൻറണി ബർക്കിലി കോക്സ്, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). പ്രത്യേകം പറയാത്ത പക്ഷം ഉള്ളടക്കം CC BY-SA 4.0 പ്രകാരം ലഭ്യം. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki മലയാളം (DUHOCTRUNGQUOC.VN) is an independent company and has no affiliation with Wiki Foundation.