ആൻഡ്രൂ സൈമണ്ട്സ്

രണ്ട് തവണ ലോകകപ്പ് ജേതാക്കളായ ടീമിൽ അംഗമായിരുന്നു.

ആൻഡ്രൂ സൈമണ്ട്സ്

സൈമണ്ട്സ് 2008-ൽ ഇന്ത്യയ്ക്കെതിരെയുള്ള മത്സരത്തിൽ
വ്യക്തിഗത വിവരങ്ങൾ
മുഴുവൻ പേര്	ആൻഡ്രൂ സൈമണ്ട്സ്
ജനനം	(1975-06-09)9 ജൂൺ 1975 ബിർമിംഗ‌്ഹാം, West Midlands, ഇംഗ്ലണ്ട്
മരണം	14 മേയ് 2022(2022-05-14) (പ്രായം 46) Hervey Range, Queensland, Australia
വിളിപ്പേര്	റോയ്, സൈമോ
ഉയരം	187.5 cm (6 ft 1.8 in)
ബാറ്റിംഗ് രീതി	വലംകയ്യൻ
ബൗളിംഗ് രീതി	വലംകൈ ഓഫ് സ്പിൻ വലംകൈ മീഡിയം
റോൾ	ഓൾ റൗണ്ടർ
അന്താരാഷ്ട്ര തലത്തിൽ
ദേശീയ ടീം	Australia
ആദ്യ ടെസ്റ്റ് (ക്യാപ് 388)	8 March 2004 v Sri Lanka
അവസാന ടെസ്റ്റ്	26 December 2008 v ദക്ഷിണാഫ്രിക്ക
ആദ്യ ഏകദിനം (ക്യാപ് 139)	10 November 1998 v Pakistan
അവസാന ഏകദിനം	3 May 2009 v Pakistan
ഏകദിന ജെഴ്സി നം.	63
പ്രാദേശിക തലത്തിൽ
വർഷം	ടീം
1994 –	Queensland
1995 – 1996	Gloucestershire
1999 – 2004	Kent
2005	Lancashire
2008 –	Deccan Chargers
കരിയർ സ്ഥിതിവിവരങ്ങൾ
മത്സരങ്ങൾ Test ODI FC List A കളികൾ 26 198 227 424 നേടിയ റൺസ് 1,462 5,088 14,477 11,099 ബാറ്റിംഗ് ശരാശരി 40.61 39.75 42.20 34.04 100-കൾ/50-കൾ 2/10 6/30 40/65 9/64 ഉയർന്ന സ്കോർ 162* 156 254* 156 എറിഞ്ഞ പന്തുകൾ 2,094 5,935 17,633 11,713 വിക്കറ്റുകൾ 24 133 242 282 ബൗളിംഗ് ശരാശരി 37.33 37.25 36.00 33.25 ഇന്നിംഗ്സിൽ 5 വിക്കറ്റ് 0 1 2 4 മത്സരത്തിൽ 10 വിക്കറ്റ് 0 n/a 0 n/a മികച്ച ബൗളിംഗ് 3/50 5/18 6/105 6/14 ക്യാച്ചുകൾ/സ്റ്റം‌പിംഗ് 22/– 82/– 159/– 187/–
ഉറവിടം: CricketArchive, 21 November 2009

2008ന്റെ പകുതി മുതൽ അച്ചടക്ക ലംഘനത്തിന്റെയും മദ്യപാനത്തിന്റെയും പേരിൽ സൈമണ്ട്സ് ടീമിന്‌ പുറത്തായിരുന്നു. 2009 ജൂണിൽ ട്വന്റി 20 ലോകകപ്പ് ടീമിൽ നിന്നും അദ്ദേഹത്തെ നാട്ടിലേക്കു മടക്കി വിളിച്ചു, അത് സൈമണ്ട്സിന്റെ മൂന്നാമത്തെ സസ്പെൻഷനായിരുന്നു. പിന്നീടുള്ള ടീം തിരഞ്ഞെടുപ്പുകളിൽ സൈമണ്ട്സിനെ തികച്ചും ഒഴിവാക്കി. അദ്ദേഹവുമായുള്ള എല്ലാ കരാറുകളും ഓസ്ട്രേലിയൻ ക്രിക്കറ്റ് ബോർഡ് പിൻവലിച്ചു, സൈമണ്ട്സിന്റെ നടപടികൾ ഓസ്ട്രേലിയൻ ക്രിക്കറ്റ് അധികാരികൾക്ക് സഹിക്കാവുന്നതിനും മേലേയായിരുന്നു.

സൈമണ്ട്സിന്റെ പൂർവ്വികർ വെസ്റ്റ് ഇൻഡീസ് പശ്ചാത്തലമുള്ളവരായിരുന്നു.. സൈമണ്ട്സിന്‌ മൂന്ന് മാസം പ്രായമുള്ളപ്പോൾ അദ്ദേഹത്തെ കെന്നും ബാർബറയും ദത്തെടുത്ത് ഓസ്ട്രേലിയയാലേക്ക് കൊണ്ടുവന്നു. കുട്ടിക്കാലത്തിന്റെ തുടക്കം വടക്കൻ ക്യൂൻസ് ലാൻഡിലെ ചാർട്ടേഴ്സ് ടവറിലാണ്‌ ചിലവഴിച്ച സൈമണ്ട്സ് പ്രാഥമിക വിദ്യാഭ്യാസം നേടിയത് ആൾ സൗൾസ് സെന്റ് ഗബ്രിയേൽസ് സ്കൂളിൽ നിന്നാണ്‌.. കുട്ടിക്കാലം മുതൽ തന്നെ കായികരംഗത്ത് പ്രാഗൽഭ്യം പ്രകടിപ്പിച്ചിരുന്ന സൈമണ്ട്സ് ടൗൺസിവില്ലയിലെ വാൻഡേർസ് ക്ലബ്ബിനു വേണ്ടിയായിരുന്നു അക്കാലത്ത് കളിച്ചിരുന്നത്.

ചുറുചുറുക്കും നല്ല ശരീരപ്രകൃതിയുമുള്ള സൈമണ്ട്സ് അക്രമണോത്സുക വലംകൈയ്യൻ ബാറ്റ്സ്മാനും ഓഫ് സ്പിന്നറും മീഡിയം പേസറുമായ തികഞ്ഞ ഒരു ഓൾ റൗണ്ടറാണ്‌. അസാമാന്യനായ ഒരു ഫീൽഡർ‌ കൂടിയായ സൈമണ്ട്സിന്റെ ഏറുകൾക്ക് നല്ല കൃത്യതയാണുള്ളത്. റോയ് എന്ന വിളിപ്പേരിലാണ്‌ അറിയപ്പെടുന്നത്.