Црвени Евреи (германски: Rote Juden), легендарен еврејски народ, се појавува во народни извори на територијата на денешна Германија, во средновековниот период од 13 до 15 век.
Овие текстови ги прикажуваат Црвените Евреи како епохална закана за христијанскиот свет, кој ќе ја нападне Европа за време на неволјите што водат до крајот на светот.
Ендрју Гау ги проучувал изворните текстови на германски јазик и заклучил дека легендата за Црвените Евреи спојува три посебни традиции: библиските пророчки наводи за Гог и Магог, Десетте изгубени племиња од Израел и епизода од „Александрида“ (3 век н.е.), во која Александар Велики заградува раса на незнабошци зад голем ѕид на Кавказот. Овие традиции веќе имале одредено преклопување; Гог и Магог се меѓу народите заробени зад ѕидот во „Александрида“, и единствените именувани во верзијата на приказната што се појавува во Сура ал-Каф (Пештерата) 18:89 во Куранот, додека делото од 14 век Патувања на Сер Џон Мендевил експлицитно ги поврзува затворените народи со Десетте изгубени племиња.
Многу памфлети кружеле толкувајќи такви настани како подемот на османлиската моќ во контекст на легендарните Црвени Евреи. И Мартин Буцер и Филип Меланхтон (1497-1560), на пример, тврделе дека муслиманите се Црвените Евреи.
This article uses material from the Wikipedia Македонски article Црвени Евреи, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.