Филм Девет
Девет (англиски: Nine) е американски драма мјузикл – филм од 2009 год.
Филмот е режиран и продуциран од веќе докажаниот мајстор за спој на музика и филм Роб Маршал, кој веќе доби доста признанија а и Оскар за најдобар филм за својот претходен мјузикл Чикаго. Сценариото е од Мајкл Толкин и Ентони Мингела и е заснован на книгата на Артур Копит според која беше направен и мјузикл на Бродвеј во 1982, а со тоа доби и Tony награда за најдобар мјузикл на годината. Но генерално, овој филм е римејк на италијанскиот филм 8½, кој беше режиран од Федерико Фелини.
| „Девет (Nine)“ | |
|---|---|
 Официјален постер | |
| Режисер | Роб Маршал |
| Продуцент | Роб Маршал |
| Сценарист | Ентони Мингела Мајкл Толкин |
| Главни улоги | Даниел Деј-Луис Марион Котијар Пенелопе Круз Софија Лорен |
| Жанр | драма мјузикл |
| Музика | Саундтрак: Андреа Гера Песни: Маури Јестон |
| Дистрибутер | The Weinstein Company |
| Премиера | 25 декември 2009 |
| Времетраење | 118 мин. |
| Земја |  САД |
| Јазик | англиски |
| Буџет | $80,000,000 |
Филмот својата американска премиера ја имаше на 18 декември 2009, во Њујорк и Лос Анџелес, додека пак својата светска премиера ќе ја има на 25 декември 2009.
Во главните улоги се појавуваат глумците наградени со Оскар, Даниел Деј-Луис, Џуди Денч, Никол Кидман, Марион Котијар, Пенелопе Круз, Софија Лорен, глумицата номинарана за Оскар, Кејт Хадсон и добитничката на Греми Награди, Ферџи.
Кратка содржина
Поминувајќи ги и педесеттите години од својот живот, филмскиот режисер Гидо Контини (Даниел Деј-Луис) е зафатен од средноживотната криза по што ја губи својата креативност и го носи кон различни комплицирани романтични врски. Обидувајќи се да го заврши својот последен филм, тој е присилен да биде опкружен во друштво на неколку жени од неговиот живот, вклучувајќи ја неговата жена, Луиза (Марион Котијар); неговата љубовница, Карла (Пенелопе Круз); неговата муза од филмот, Клаудија (Никол Кидман); неговиот советник и костимограф, Лили (Џуди Денч); Американската модна новинарка, Стефани (Кејт Хадсон); проститутка од неговата младост, Сараџина (Ферџи); и неговата мајка (Софија Лорен).
Улоги
- Даниел Деј-Луис - Гидо Контини
- Марион Котијар - Луиза Контини
- Пенелопе Круз - Карла Албанесе
- Џуди Денч - Лили
- Софија Лорен - Мама
- Никол Кидман - Клаудија Џенсен
- Кејт Хадсон - Стефани Некрофурос
- Ферџи - Сараџина
Белешки
Надворешни врски
- Официјално мрежно место Архивирано на 29 октомври 2009 г.
- Семрежна филмска база на податоци
- Бокс Офис Мојо
This article uses material from the Wikipedia Македонски article Девет (филм), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.