Хенри Vii

Роден е како Хенри Тјудор, и ја основал династијата на Тјудорите. Тој бил единствениот син на Едмунд Тјудор и Маргарeт Бофорт. Во 1486 година се оженил за Елизабета Јоршка од која имал четири деца: Артур, Хенри, Маргарита и Марија. Починал во 1509 година.

Хенри VII
Портрет на Хенри VII
Крал на Англија
На престол	22 август 1485 – 21 април 1509
Крунисување	30 октомври 1485
Претходник	Ричард III
Наследник	Хенри VIII
Ерл од Ричмонд (спорен)
Претходник	Едмунд Тјудор
Почивалиште	Вестминстерска палата, Лондон
Сопруга	Елизабета од Јорк (починала во февруари 1503)
Деца	Артур Маргарита Хенри VIII Марија Тјудор
Династија	Династија Тјудор
Татко	Едмунд Тјудор, 1. ерл од Ричмонд
Мајка	Маргарита Бофорт
Потпис

Хенри е роден во дворецот Пемброук, во велшкото семејство Тјудори. Неговите родители биле наследници на династија Ланкастер. Неговиот татко, Едмонд Тјудор, починал 3 месеци пред Хенри да се роди. Кога престолот во Кралство Англија го презела династијата Јорк на чело со Едвард IV од Англија, бил под закана да заврши во лондонската Кула како претедент на престолот, во 1461 година бил принуден да побегне во Бретанија заедно со неколку свои приврзаници каде се задржал до својата осумнаесетгодишна возраст.

По смртта на Хенри VI и неговиот син Едвард, тој станал главен кандидат од династија Ланкастер кој претендирал за англискиот престол. Во времето кога на престолот се наоѓал Ричард III, Хенри се обидел да го симне од власт со помош на Франсоа II, војвода од Бретанија но во тоа не успеал. Ричард III успеал да склучи договор со Франсоа па така тој бил присилен да побегне во Франција. Со помош на француската војска, тој тргнал кон втора инвазија во Англија. Тој успеал со армија од 5.000 војници да се префрли во Англија и да му нанесе тежок пораз на Ричард III, а на самото бојно поле бил убиен и кралот. По ова Хенри се прогласил за крал под името Хенри VII од Англија. Во 1486 година се оженил со ќерката на Едвард IV, Елизабета Јоршка. По ова голем дел од приврзаниците на династија Јорк преминале на страната на новиот крал. Овој настан го означил обединувањето на двете династии. Двете рози, белата и црвената биле споени во т.н. Тјудорска роза. Во историјата на Англија бил започнал нов период, познат како Тјудорски период.

По стабилизирање на неговата власт, тој започнал да води една многу лукава и итра политика. Тој се заложил да ги зацврсти англиските граници. По договорот со Шпанија, тој договорил брак на својот најстар син Артур со Катерина Арагонска. Маргарита ја омажил за шкотскиот крал Јаков IV, а склучил сојуз и со светиот римски цар Максимилијан I како и со папата Инокентиј VIII.

Сојузот со Шпанија бил на стаклени нозе кога во 1502 година по само неколку месеци брак со шпанската инфанта Катерина Арагонска, починал неговиот син Артур, наследникот на престолот. Хенри VII, во обид да ја спаси својата врска со Шпанија, набрзо го жени својот помлад син наредниот англиски крал, Хенри VIII за Катерина Арагонска.