Пјер-Емерик Обамејанг

Пјер-Емерик Обамејанг
Лични податоци
Полно име	Пјер-Емерик Емилиано Франсоа ; Обамејанг
Роден на	18 јуни 1989 (34 г.)
Роден во	Лавал, Франција
Држава	Франција; Габон (од 2009)
Висина	1,86 м
Позиција	напаѓач
Клупски податоци
Сегашен клуб	Челси
Број	9
Младинска кариера
2007-2008	Милан
Кариера*
Репрезентација ‡
	*Настапи и голови само на првенствени натпревари, според податок од 3 јули 2012; ‡ Настапи и голови за репрезентација, според податок од 3 јули 2012

Тој е син на поранешниот фудбалер Пјер Обамејанг и помал брат на Катилина и Вили, кои биле исто така фудбалери.

Кариерата ја започнал во Милан, кој го позајмувал на четири француски клубови пред да потпише постојан договор со Сент Етјен во 2011 година. После две сезони во Сент Етјен, се преселил во Борусија Дортмунд за 13 милиони евра. Со Борусија Дортмунд тој освоил еден Куп и два Суперкупа на Германија. Во јануари 2018 се преселил во англискиот Арсенал за клупски рекорд од 56 милиони фунти. И покрај тоа што што направил еден настап за младата репрезетнација под 21 година на Франција, Обамејанг дебитирал на сениорско репрезентативно ниво за селекцијата на Габон во 2009 година со која настапил четири пати на Африканскиот куп на нации (во 2010, 2012, 2015 и 2017) и Олимпискиот фудбалски турнир во 2012.

Во 2015 година Обамејанг бил избран за Африкански фудбалер на годината, станувајќи првиот Габонец кој ја освоил наградата. Во декември 2016, тој бил именуван од The Guardian за деветти најдобар фудбалер во светот.

Клупска кариера

Почетоците со Милан и позајмиците во Франција

Обамејанг се приклучил на Примавера составот на Милан во јануари 2007. Во август истата година тој бил дел од тимот кои учествувал на првото издание на Младинскиот куп на шампиони кој се одржал во Малезија, каде што бил најдобар стрелец на турнирот со 7 гола во 6 натпревари и освојувајќи го "Трофејот Роберто Бетега".

Во сезоната 2008-2009 бил позајмен на Дижон, со цел редовно да игра во првиот тим. Своето деби во Лига 2 го направил на 1 август 2008 во натпреварот Ленс-Дижон 3-1, а својот прв погдок меѓу професионалците го постигнал на 22 август, во победата со 2-1 над Тур.

На 23 мај 2009, по завршувањето на сезоната со Дижон, отишол на заем на една година со право на откуп во Лил. Дебитирал во дресот на Лил на 6 август 2009 во натпреварот од Лигата на Европа против Севојно, влегувајќи на местото на Ларсен Туре во 64-тата минута. Само три дена подоцна го имал својот прв настап во Лига 1 во натпреварот против Лорјан, влегувајќи одново како резерва на местото на Франк Берија во 59-тата минута. На 13 декември 2009 година го постигнал својот прв гол како играч на Лил во првенствениот натпревар против Монако, поставувајќи го конечниот резултат 4-0.

По завршувањето на сезоната, Лил одлучил да не го користи правото на откуп и играчот се вратил во Милан, клубот сопственик на неговиот договор. На 7 јули 2010, Обамејанг бил проследен на уште една позајмица со право на откуп во Франција, овојпат во Монако. Своето деби со Монако го имал на 7 август 2010 во натпреварот од првото коло на Лига 1 2010-2011 против Олимпик Лион што завршил без голови 0-0. На 21 август 2010, тој го постигнал својот прв гол за Монако на гостувањето кај Ленс, а подоцна истиот месец ја погодил и мрежата на Осер во победата со 2–0 на Луј II. Неговиот период на заем во Монако бил прекинат порано од предвиденото и траел само шест месеци, во кој Обамејанг одиграл 23 натпревари во сите натпреварувања и постигнал два гола (двата во лигата).

Сент Етјен

На 31 јануари 2011 бил официјализиран неговиот премин во Сент Етјен, до крајот на сезоната 2010-2011, на позајмица со право на откуп. Своето деби со Сент Етјен го имал на 5 февруари 2011 против Монпелје, влегувајќи од клупата на местото на Алехандро Алонсо во 62-рата минута од натпреварот.

На 9 април 2011 година во натпреварот против Осер го постигнал првиот гол во зелениот дрес. На крајот на сезоната, Обамејанг запишал 14 натпревари и 2 гола, а Милан и Сент Етјен се согласиле да ја продолжат позајмицата на играчот во францускиот клуб за уште една година. Откако Обамејанг одиграл одлична полусезона постигнувајќи 6 првенствени гола, на 22 декември 2011 година, Сент Етјен објавил дека го откупил габонскиот напаѓач од Милан за цена од еден милион евра, потпишувајќи договор со играчот до 2016.

На 22 февруари 2012, во 22-рото коло од француската Лига 1 за сезоната 2011-2012 Обамејанг го постигнал својот прв хет-трик во кариерата во победата со 4-2 над Лорјан. Сезоната ја завршил со 18 гола во 38 натпревари (во сите натпреваувања), од кои 16 во Лига 1, што е рекорд за постигнати голови во една сезона во француската прва лига од играч на Сент Етјен, изедначен со Бафетимби Гоми.

Следната сезона тој го подобрил овој рекорд успевајќи да постигне 19 гола во 37 првенствени натпревари, завршувајќи како втор најдобар стрелец во Лига 1 2012-2013 зад Златан Ибрахимовиќ. Тој додал уште 4 гола во Купот на Франција а покрај тоа, исто така, помогнал за освојувањето на Лига купот на Франција (го одиграл целиот натпревар во финалето), прв во историјата на клубот од Лоара.

Вкупно за две и пол сезони поминати во дресот на Сен Етјен тој одиграл 97 натпревари и постигнал 41 гол.

Борусија Дортмунд

На 4 јули 2013, Борусија Дортмунд го комплетирала трансферот на Обамејанг кој потпишал 5 годишен договор со германскиот клуб. Трансферот на играчот ги чинел милионерите 13 милиони евра плус 2 милиони бонуси во зависност од неговите перформанси.

Дебитирал за Борусија на 27 јули, во натпревар од Суперкупот на Германија, во кој Борусија Дортмунд го победила Бајерн Минхен, влегувајќи од клупата за резерви на местото на Јакуб Блашчиковски на 18-минути до крајот и асистирал за последниот погодок на Марко Ројс со кој биле поставени конечните 4-2. На 10 август 2013 година, дебитирал во Бундеслигата, постигнувајќи хет-трик во победата со 4-0 на гости против Аугусбург. Во тој натпревар исто така станал првиот габонец кој се појавил во некој натпревар од Бундеслигата. На 27 ноември, тој го постигнал својот прв гол во Лигата на шампионите во победата со 3-1 против Наполи во групна фазa.

Арсенал

Во јануари 2018, Обамејанг потпишал за англискиот Арсенал за клупски рекорд од 56 милиони фунти. Тој одбрал да го носи дресот со број 14, кој некогаш го носел легендарниот фудбалер на топџиите Тјери Анри, а останал слободен по заминувањето на Тио Волкот во Евертон десеттина дена претходно.

Барселона

На 2 февруари 2022, Обамејанг потпишал за Барселона.

Репрезентативна кариера

Обамејанг бил повикан да игра за репрезентацијата на Италија под 19 години по добрата сезона со Дижон, но тој дебитирал за репрезентацијата на Франција под 21 година во февруари 2009 година во пријателски натпревар против Тунис.

На 25 март 2009 година, Обамејанг го добил првиот повик за настап во габонската репрезентација и го направил своето деби во победата со 2-0 над Мароко, постигнувајќи го притоа и својот прв репрезентативен погодок.

Клупска статистика

Статистиката е последно ажурирана на 17 декември 2016.

Сезона	Клуб	Првенство			Национален куп			Континентален куп			Останати купови			Вкупно
Сезона	Клуб	Лига	Наст	Гол	Лига	Наст	Гол	Лига	Наст	Гол	Лига	Наст	Гол	Наст	Гол
2008-2009	Дижон	Л2	34	8	КФ+ЛКФ	2+1	0	-	-	-	-	-	-	37	8
2009-2010	Лил	Л1	14	2	КФ+ЛКФ	0+1	0	ЛЕ	7	0	-	-	-	24	2
2010-јан. 2011	Монако	Л1	19	2	КФ+ЛКФ	1+3	0	-	-	-	-	-	-	23	2
јан.-јун. 2011	Сент Етјен	Л1	14	2	КФ+ЛКФ	-	-	-	-	-	-	-	-	14	2
2011-2012		Л1	36	16	КФ+ЛКФ	0+2	0+2	-	-	-	-	-	-	38	18
2012-2013		Л1	37	19	КФ+ЛКФ	4+4	2+0	-	-	-	-	-	-	45	21
Вкупно Сент Етјен			87	37		10	4							97	41
2013-2014	Борусија Дортмунд	БЛ	32	13	КГ	6	2	ЛШ	9	1	СГ	1	0	48	16
2014-2015		БЛ	33	16	КГ	4	5	ЛШ	8	3	СГ	1	1	46	25
2015-2016		БЛ	31	25	КГ	4	3	ЛЕ	14	11	-	-	-	49	39
2016-2017		БЛ	14	16	КГ	1	0	ЛШ	5	4	СГ	1	0	21	20
Вкупно Борусија Дортмунд			110	70		15	13		36	19		3	1	164	100
Вкупно во кариерата			264	119		35	17		43	19		3	1	345	153

Хет-трикови

4. гола

Хамбургер v

Борусија Дортмунд

5 ноември 2016 Бундеслига	Хамбургер	2 – 5	Борусија Дортмунд	Фолкспаркштадион, Хамбург
15:30 ЦЕВ	Милер 55', 81'	Извештај	Обамејанг 4', 23', 27', 48' Дембеле 76'	Судија: Саша Стегеман

3. гола

Сент Етјен v

Лорјан

22 февруари 2012 Лига 1	Сент Етјен	4 – 2	Лорјан	Стад Жофроа Гишар, Сент Етјен
18:30 ЦЕВ	Обамејанг 56', 68', 90' Екуеле Манга 53' (а.г.)	Извештај	Мвуемба 49' (пен..) Отре 75'	Судија: Беноа Бастиен

Габон v

Нигер

15 јуни 2013 Лига 1	Габон	4 – 1	Нигер	Стад де Порт Жантил, Порт Жантил
17:00 ЦЕВ	Обамејанг 43' (пен..), 87' (пен..), 90+8' (пен..) Екуеле Манга 90+7'	Извештај	Али 14'	Судија: Семуел Чиринда

Аугсбург v

Борусија Дортмунд

10 август 2013 Бундеслига	Аугсбург	0 – 4	Борусија Дортмунд	ВВК Арена, Аугсбург
15:30 ЦЕВ		Извештај	Обамејанг 24', 66', 79' Левандовски 86'	Судија: Кнут Кирхер

Габала v

Борусија Дортмунд

22 октомври 2015 Лига Европа	Габала	1 – 3	Борусија Дортмунд	Бакџел Арена, Баку
17:00 ЦЕВ	Додо 90+3'	Извештај	Обамејанг 31', 38', 72'	Судија: Иван Бебек

Борусија Дортмунд v

Аугсбург

25 октомври 2016 Бундеслига	Борусија Дортмунд	5 – 1	Аугсбург	Сигнал Идуна Парк, Дортмунд
15:30 ЦЕВ	Обамејанг 18', 85', 90' Ројс 21', 34'	Извештај	Бобадилја 49'	Судија: Мануел Грефе