Преторија — град кој се наоѓа во северниот дел на провинцијата Гаутенг во Јужноафриканската Република.
Тој е еден од главните градови на земјата, односно административен главен град; другите два глави града се Кејптаун и Блумфонтејн, легислативна и судска престолнина, соодветно. Преторија е дел од метрополитенската општина Тшване, како една од неколкуте поранешни администрации (заедно со Сентурион и Сошангуве), па затоа понекогаш погрешно се именува како Тшване.
Преторија има околу еден милион жители (или два милиони, доколку се вклучи и целата Тшване метрополитенска општина). Главни јазици кои се зборуваат во Преторија се цвана, ндебеле, африканс и англиски.
Преторија е важен индустриски центар, со тешка индустрија која вклучува преработка на железо и челик, како и производство на автомобили, железнички шини и машинерија. Градот учествува со околу 8,55% од вкупниот БДП на земјата, правејќи го притоа третиот најголем придонесувач за развојот на економијата, по Јоханесбург и Кејптаун.
This article uses material from the Wikipedia Македонски article Преторија, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.