„Последната лудост на Клер Дарлинг“ (француски: La Dernière Folie de Claire Darling) – филм на режисерката Жили Бертучели (Julie Bertuccelli) од 2018 година.
Режисерката е авторка и на сценариото, заедно со Марион Дусо (Marion Doussot) и со Мариет Десер (Mariette Désert). Филмот е снимен според романот „Последната гаражна распродажба на Фејт Бејс Дарлинг“. Главните улоги ги играат: Катрин Денев (Catherine Deneuve), Алис Таљони (Alice Taglioni) и Кјара Мастројани (Chiara Mastroianni).
Едно утро, Клер (ја игра Денев) се буди со чувството дека тоа е нејзиниот последен ден во животот, па решава да го продаде целиот вреден имот. Кога толпата љубопитни соседи ќе започне да се бори за нејзините антиквитети, Клер наеднаш се присетува на својот трагичен и несреден живот. Во меѓувреме, една стара пријателка на Клер ја предупредува нејзината ќерка Мари дека мајка ѝ ги распродава своите работи. Иако веќе долго време не одржува контакти со мајка си, Мари се враќа за да ја запре распродажбата и да ја открие причината за мајчината одлука...
This article uses material from the Wikipedia Македонски article Последната лудост на Клер Дарлинг, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.