Педри

Тој игра како централен играч од средниот ред за клубот од Ла Лига Барселона. Тој исто така игра и за репрезентацијата на Шпанија. Во 2021 година, тој ја освоил наградата, Златно момче и го добил трофејот Копа, доделен од страна на ФИФА за време на церемонијата за доделување на Златната топка во 2021 година.

Педри е роден во Бајамар, Тенерифе, Канарските Острови. Семејството на Педри се преселило во Тегеште, блискиот град, кога тој имал само 3 години. Лопес (Педри)се приклучил на УД Тегеште, почнувајќи како централен бек. На свои 12 години, Педри потпишал договор за ЦФ Хувентуд Лагуна, каде играл до 2018 година.

Лас Палмас

Педри станал дел од младинската постава на Лас Палмас во 2018 година од Хувентуд Лагуна. На 15 јули 2019 година, на само 16 години, тој потпишал професионален четиригодишен договор со клубот, промовиран во првиот тим од менаџерот Пепе Мел.

Тој го направил своето професионално деби на 18 август 2019 година, на возраст од само 16 години,започнувајќи во поразот на неговиот домашен терен со 0-1 против Уеска во Сегунда дивизион. Тој го постигнал својот прв професионален гол на 19 септември, со единствениот гол на натпреварот, кој придонел победа на домашен терен против Спортинг Хихон и станал најмладиот стрелец во историјата на Лас Палмас со 16 години, 9 месеци и 23 дена.

Барселона

На 2 септември 2019 година, Барселона постигнале договор со Лас Палмас за трансферот на Педри во Барселона, кој ќе важи од 1 јули 2020 година. Педри се согласи на двегодишен договор со каталонскиот клуб, кој плати 5 милиони евра за договорот, кој би се зголемил бидејќи исполнувал различни клаузули во неговиот договор. Педри, достигнал да игра во главниот тим за сезоната 2020-21, со дресот со број 16, тој го имаше своето деби на 27 септември, заменувајќи го Филипе Кутињо во победата од 4-0 на домашен терен против Вила Реал во Ла Лига. Својот прв старт бил на 17 октомври во поразот со 0-1 на гости против Хетафе. На 20 октомври, Педри го постигнал својот прв гол за клубот на своето деби во Лигата на шампионите во УЕФА, во победата со 5–1 над Ференцварош во групната фаза, откако влегол како замена во 61. минута за Ансу Фати. На 7 ноември, во победата од 5–2 на домашен терен над Реал Бетис, тој го постигнал својот прв гол во Ла Лига по асистенција од Серхи Роберто.

На 6 јануари 2021 година, Педро постигнал гол со глава против Атлетик Билбао и го асистирал вториот гол на Барселона во победата од 3–2 на теренот на Сан Мамес. На 17 април, Педри го освоил првиот трофеј во својата сениорска кариера откако Барселона го победила Атлетик со 4-0 во финалето на Купот на Кралот. На 8 мај, со 18 години и 164 дена, Педри го направи својот 50-ти настап за Барселона во сите натпреварувања кога започна со нерешениот резултат 0-0 против Атлетико Мадрид на Камп Ноу, со што стана вториот најмлад играч кој стигнал до оваа пресвртница по Бојан. Кркиќ, кој имал 18 години и 3 дена кога постигнал 50 настапи. Во октомври 2021 година, Лопес го обнови договорот нов со Барселона кој содржел рекордна клаузула за ослободување од 1 милијарда евра (1,57 милијарди долари).

Педри успеал да ја освоии наградата Златно момче што ја доделува Tuttosport за најдобар играч во европскиот фудбал до 21-годишна возраст. Следната недела, тој го освоии трофејот Копа за 2021 година, доделен од страна на Франс Фудбал, за најдобар играч во светскиот фудбал до 21 година.

Тој го постигнал најбрзиот гол на Дерби на Барселона во 21 век на 22 Номеври 2021 година, постигнувајќи 75 секунди во изедначеност 2-2 против Еспањол.

На 14 април 2022 година, Педри се здоби со повреда на тетивата за време на вториот четвртфинален натпревар на Барселона во Лигата на Европа на утакмицата со Франкфурт, во кој каталонскиот клуб беа елиминирани. Последователно, беше објавено дека Педри би го пропуштило остатокот од сезоната.

Својот 100-ти настап, Лопес го одбележа на 28 Јануари 2023 година. Неговиот 100-ти настап зема место во натпревар од Ла Лига против Жирона. Тој влегол во игра во 26. минута во замена за повредениот Усман Дембеле и го постигнал единствениот гол на натпреварот.

Младинска кариера и рана сениорска кариера

Во 2020 година на 21 август, Педри бил повикан да игра за репрезентацијата на Шпанија до 21 година; тој подоцна го направил своето деби на 3 септември во победата на утакмицата со 1–0 на гостински терен над Македонија во квалификацискиот натпревар за Европското првенство за играчи до 21 година на УЕФА 2021 година.

Лопес го доби својот прв повик во сениорскиот тим на Шпанија од селекторот Луис Енрике пред групната фаза од квалификациите за Светското првенство во ФИФА 2022 година. Тој го одигра своето деби на 25 март на натпреварот против Грција.

Евро 2020

Во 2021 година на 24 мај, тој бил вклучен во 24-члениот тим на Луис Енрике за УЕФА Евро 2020. На 14 јуни, момчето кое игра за каталонскиот клубот Барселона станал најмладиот играч што некогаш ја добил шансата да ја претставувал Шпанија на Европското првенство, кога започнал со нерешениот резултат 0-0 против Шведска на возраст од 18 години, 6 месеци и 18 дена, соборувајќи го претходниот рекорд поставен од страна на Мигел Тендиљо на Евро 1980 година. Педри Лопес станал најмладиот играч кој некогаш настапил во елминациските натпревари на Европското првенство кога започнал во осминафиналето против Хрватска, на возраст од само 18 години и 215 дена. Тој си постигнал не намерен автогол кога голманот на Шпанија, Унаи Симон не успелал да го контролира својот долг заден пас. Шпанија на крајот го победи натпреварот со 5-3 во продолжението. Тој ги одигра сите, освен само една минута од шесте натпревари на Шпанија, и имаше големо влијание врз Шпанија до полуфиналето, каде што за жал беа поразени со 4-2, на пенали од евентуалниот победник Италија, по ремито 1-1 по продолженијата; за време на последниот натпревар, тој направил 65 од 66 додавања што ги испроба. За неговите феноменални изведби, тој бил избран за млад играч на турнирот, и бил единствениот шпански играч на турнирот кој бил именуван во Тимот на турнирот.

Летни олимписки игри 2020 година

Педри добил повик од страна на репрезентацијата на Шпанија за Летните олимписки игри 2020 година. Потегот да се вклучи Педри во олимпискиот тим на Шпанија привлекло голем број на критики од Барселона, при што менаџерот Роналд Куман одлуката да го повика Педри на два меѓународни турнири во истото лето ја означи како „премногу“. На 22 јули, тој ги одиграл цели 90 минути во отварањето 0–0 на Шпанија против репрезентацијата на Египет. Натпреварот бил 66-ти за Педри во таа сезона. Во финалето, 73-тиот натпревар на Педри во сезоната, Шпанија претрпе минимален пораз од Бразил со 2-1 во продолжението.

Светско првенство во ФИФА 2022 година

Педри бил именуван во тимот на Шпанија за Светското првенство во ФИФА 2022 година кое било одржано во Катар. Тој започнал во сите четири натпревари на Шпанија, а подоцна биле исфрлени од репрезентацијата на Мароко во осминафиналето на пенали.

Педри обично игра во средниот ред, што му овозможува да шета на теренот. Тој сака да ги зазема централните области и да работи меѓу линиите, иако е способен да се движи многу широко и да трча кон линијата на допир за да создаде шанси за соиграчите. Исто така знае многу да се жртвува за одбраната, паѓа длабоко во одбраната за да ја земе топката. Тој обично игра или на левото или на десното крило, па дури и со број 8. Првично играл како крилен напаѓач, но подоцна бил преместен да игра на позиција централен среден ред, иако може да игра и како офанзивен играч за врска, како и во неколку други офанзивни и среден ред. Лопес, повремено бил користен како дефанзивен играч, па дури и како центарфор.

Педри е многу брз, интелигентен, креативен и напорен играч, кој е многу познат по неговите одлични технички вештини, контрола на топката, додавање, свесност и визија, како и неговата огромна способност да управува во доста тесни простори, да ги искористи празнините и игра на последната топка или продорни додавања, што го прави ефикасен плејмејкер. Покрај тоа, тој исто така е високо ценет поради неговите вештини за дриблинг, неговата издржливост, неговата мирна смиреност под притисок и неговата способност да игра со двете нозе. Неговата улога била мецала во италијанските спортски медиуми. Неговата мала рамка, квалитети, позиција и стил на игра го наведоа да се спореди со поранешните играчи на Барселона како Чави, Андрес Иниеста, Михаел Лаудруп, и Лионел Меси.

Клуб

Обновено на натпревар одигран на 6 декември 2022 година

Меѓународен

Обновено на натпревар одигран на 6 декември 2022 година

• Копа дел Реј : 2020–21 година
• Суперкуп на Шпанија : 2022–23

Шпанија U23

• Летен олимписки сребрен медал: 2020 година

Индивидуален

• Пробив XI во Лигата на шампионите на УЕФА : 2020 година
• Европско првенство на УЕФА млад играч на турнирот : 2020 година
• Тим на турнирот на Европското првенство на УЕФА : 2020 година
• Трофео Алдо Ровира : 2020–21 година
• Златно момче : 2021 година
• Трофеј Копа : 2021 година
• IFFHS најдобар младински играч во светот (U20) : 2021 година
• Светски младински тим на IFFHS за мажи (U20) : 2021, 2022
• IFFHS машки младински (U20) тим на УЕФА: 2021, 2022
• Тим на сезоната во Ла Лига: 2021–22

Предлошка:FC Barcelona squad