Во сумерската митологија, Нинлил („Дамата на отворениот простор“ или „Дамата на воздухот“), на почеток наречена Суд, во Асирија наречена Мулиту, е божица сопруга на Енлил.
Нејзиното потекло е различно опишано. Најчесто ја нарекувале ќерка на Хаиа (богот на магацините) и Нунбарсегуну (или Нуншебаргуну (божицата на јачменот) или Нисаба). Некои извори ја нарекуваат ќерка на Ану и Наму.
Живеела во Дилмун со своето семејство. Силувана е од Енлил, кој подоцна ѝ станал сопруг. Енлил ја оплодил со вода, и таа го родила Син/Нана, идниот бог на месечината. За казна, Енлил е протеран во подземното кралство Ерешкигал, каде му се придружила Нинлил. Енлил повторно ја оплодил, и таа го родила Нергал, богот на смртта. Потоа го родила и Ниназу, богот на подземниот свет. Енлил преправен како човек од брод, ја оплодил и таа го родила Енбилулу, богот на реките и каналите.. Според некои текстови Нинлил е исто така и мајка на Нинурта.
Откако умрела, претворена е во божица на воздухот. Според приказните од Адапа, таа е божица на јужниот ветер, поради тоа што нејзиниот сопруг Енлил бил поврзуван со северните зимски бури.
This article uses material from the Wikipedia Македонски article Нинлил, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.