Мирјана Карановиќ (српски: Мирјана Карановић) — српска и југословенска театарска и филмска глумица.
Дипломирала во 1984. година, на Факултетот за драмски уметности во Белград, со улогата во претставата „Големо и мало“ на Бото Штраус. За нејзиниот општествен ангажман била одликувана со наградата „Освојување на слободата“.
Својата прва филмска улога Мирјана Карановиќ ја остварила на возраст од 23 години, во филмот „Венецот на Петрија“. Паралелно со филмската кариера, таа настапувала на театарските сцени во повеќе театарски куќи, како: „Југословенско драмско позориште“, „Звездара театар“, „Београдско драмско позориште“, „Битеф театар“, „Атеље 212“, „Камерни театар 55“, „Центар за културну деконтаминацију“, итн. За остварените улоги, Карановиќ ги добила сите релевантни српски и југословенски награди за театар и за филм, а некои од нив и повеќапати. Исто така, таа е наградена и со „Златна мечка“ на Берлинскиот филмски фестивал, како и со Францускиот орден „Витез на културата и уметноста“.
This article uses material from the Wikipedia Македонски article Мирјана Карановиќ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.