Ловќен

Планината се издигнува од границите на Јадранско Море, ги затвора долгите заливи на Бока Которска и завршува во крајбрежниот град Котор. Највисоки врвови на Ловќен се Штировник (1,749 м) и Езерски Врв (1,657 м).

Ловќен
Националниот парк „Ловќен“
Највисока точка
Надм. вис.	1749 м
Координати	42°23′57″N 18°49′06″E / 42.3991° СГШ; 18.8184° ИГД / 42.3991; 18.8184
Географија
Ловќен на карта
Место	Црна Гора

Планинските предели се карпести, со бројни пукнатини, јами и длабоки депресии кои им даваат на пејзажите специфичен изглед. Ловќен се наоѓа на границата меѓу две сосема различни природни целини, морето и копното, и е под влијание на двата климатски типа. Специфичната поврзаност на условите за живот придонела за развој на различни биосистеми. Постојат 1.158 растителни видови на Ловќен, од кои четири се ендемски.

Националниот парк ги опфаќа централниот и највисокиот дел на планинскиот масив и зафаќа површина од 62,20 км². Прогласен е за национален парк во 1952 година. Покрај природните убавини, Ловќен има богато историско, културно и архитектонско наследство кое е заштитено и се наоѓа во националниот парк.

Областа има многу елементи на националната изградба. Автентични се старите куќи и селските гумна, како и летните населби на сточарите. Особено архитектонско наследство е патот, по нагорнината од Котор до селото Његуши, родното место на црногорското кралско семејство, и дом на династијата Петровиќ-Његош.

Најголемиот и најзначаен споменик на Ловќен е мавзолејот на Петар Петровиќ - Његош. Местото на неговиот гроб и мавзолејот на врвот на Езерски Врв бил избран од страна на самиот Његош како негова последна желба.

• „Гробот на Ловќен“ - песна на српскиот поет Бранко Миљковиќ.

•  
  Мавзолејот на Петар Петровиќ - Његош
•  
  Поглед на подножјето на планината
•  
  Поглед на мавзолејот и околината
•  
  Црногорски војници на Ловќен, октомври 1914.