Кокре: село во Општина Прилеп

Во XIX век селото се наоѓа во Прилепската каза, Мариовска нахија во Отоманското Царство.

Според статистиката на Васил К’нчов („Македонија, Етнографија и статистика“) од 1900 година, во Кокре живееле 466 жители, сите Македонци. Според егзархискиот секретар Димитар Мишев, („La Macédoine et sa Population Chrétienne“) во 1905 година во Кокре имало 400 Македонци, под врховенството на Бугарската егзархија.

На Етнографската карта на Битолскиот Вилает од 1901 г. Кокре се води како чисто македонско село во Прилепската каза на Битолскиот санџак со 74 куќи.

Според германска карта издадена во 1941 година, а заснована на пописот на Кралството Југославија од 1931 година, селото имало 200 Македонци.

Според пописот од 2002 година, во Кокре живееле само 7 жители, сите Македонци.

Според последниот попис од 2021 година, во селото немало жители.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Избирачко место

Во селото постои избирачкото место бр. 1522 според Државната изборна комисија, сместени во просториите на основното училиште.

На претседателските избори во 2019 година, на ова избирачко место биле запишани вкупно 3 гласачи.

Цркви

• Црква „Св. Архангел Михаил“ — главната селска црква;
• Црква „Вознесение Христово“ — манастирска црква, обновена во октомври 1969 година;

Архелошки наоѓалишта

• Градиште — утврдена населба од доцноантичкото време;
• Грамаѓе — населба од доцноантичкото време;
• Корита — средновековна некропола;
• Спасица — светилиште од римското време;
• Црква Св. Архангел — средновековна некропола.

• Катерина Димеска (р. 11 мај 1963) — македонски политичар, пратеник на ВМРО-ДПМНЕ

Љубе Ристевски (15.08.1968) - Републички фудбалски судија, делегат и контролор во ФФМ.