Counter-Strike (исто така позната како Half-Life: Counter-Strike, Counter-Strike 1.6, или едноставно CS) е тактичко пукачка видеоигра од прво лице изработена од Valve Corporation која потекнува од Half-Life модификацијата од Мин Гусмен Ле и Џес Клиф Клиф.
Counter-Strike |
---|
Играта е проширена во серија од нејзината оригинална верзија, што во моментов ги вклучува Counter-strike: Condition Zero, Counter-Strike: Source, Counter-strike: Anthology и Counter-Strike за Xbox. Во играта избирате тим во кој сакате да учествувате. Изборот е помеѓу терористи (Terrorists) или специјалци (Counter Terrorists).
Играчот може да бира еден од осум различни карактери на двете страни , т.е по четири во специјалци и по четири во терористите. Пред почетокот на рундата на играчите им се дава неколку секунди во зоната за купување познато помеѓу кантеристите како (freeze time), и за време на тоа нема активно движење ниту пак пукање од страна на играчите. На некои мапи е дозволено играчот повторно да се врати во зоната за купување или позната како (spawn) и одново да купи опрема или оружје.Откако завршува рундата играчите кој преживеале можат повторно да го користат оружјето кое не го изгубиле во рундатаа , додека пак оние играчи кој загинале почнуваат со стандардното оружје односно пиштол.
На таблата за резултати се покажани бодовите за секој играч посебно и тоа неговото име , убиства , убиен и неговиот пинг. Исто така на истата е покажано дали играчот е жив или мртов , дали ја носи бомбата (на мапите на кој има бомба) или пак дали е ВИП (на мапите за атентат).
Убиените играчи преминуваат како набљудувачи (spectator) до крајот на рундата , тие не можат да им пишуваат ниту пак да зборуваат со живите играчи , не можат да го променат своето име до почетокот на наредната рунда.Набљудувачите во главно можат да го набљудуваат остатокот од рундата.
Самата игра Counter-Strike по себе е еден вид на мод бидејќи има свои развивачи и пишувачи на скрипти и модови. Некои модови дозволуваат игра со ботови т.е (играчи од самата игра со вештачка интелегенција).Исто така постојат и други модови за играта како што се на пример GunGame , Surf , Deathmatch , Deathrun , Public ,Zombie како и најпопуларното Clan Wars , секој од овие модови си има соодветни "плугинзи".Исто така може да се менува и интерфејсот на играта со тоа што на играчите им е дозволено по нивни вкус да си ги менуваат моделите , текстурата , звучните ефекти , позадината на играта .
Уште од самото излегување Counter Strike стана жртва на така-наречени измамници или уште познати како читери кој користат хакови со цел да постигнат подобар скор во играта на рангираните опслужувачи.
Valve разви систем за анти-чит кој е познат како (VAC) Valve Anti-Cheat.Доколку играчот игра со чит на таков опслужувач , ризикува со негово перманентно отстранување од истите опслужувачи.
Кога излезе Counter-Strike публикувана од Sierra Entertainment/Vivendi Universal Games, таа доаѓаше во комплет со Team Fortress Classic, Opposing Force онлајн, и Wanted, Half-Life: Absolute Redemption и Firearms mods."
На 19 јуни 1999 г. изглегла првата бета-верзија од Counter-Strike. Верзиите кои не се бета се следниве:
Забелешка: Верзијата 1.6 на играта се совпадна со излегувањето на Valve Software's Steam content delivery system на 12 септември 2003. Сите понатамошни надградби и фиксови на играта играчите ги добиваа автоматски преку Steam. Кратенката 1.6 се користи најчесто за играта да се разликува од нејзините следбеници како што се Condition Zero, Source, Global Offensive, Counter-Strike 2.
Counter-Strike има огромна промена во нејзината технологија на први Ноември 2004 кога излезе верзијата Counter-Strike: Source, која беше целосно обновена со нов Valve's Source game engine за подобар графички приказ како и подобрен звучен ефект на играта. Како и да е овој нов дел од играта никогаш не го надмина успехот на првата и легендарна верзија иако во тој период сите сакаа да пробаат нешто ново .
Counter-Strike Online е достапна во Јужна Кореја, Таjван, Јапонија, Сингапур и Индонезија и е целосно онлајн верзија. Развиена е од страна на Nexon Corporation со соодветна лиценца од Valve Corporation, направена е со цел да се прошири и во Азија .
На 12 август 2011 година беше потврдено дека на повидок е нова Counter Strike која е развивана од страна на Valve Software и Hidden Path Entertainment, и нејзиниот наслов е Global Offensive. Откако излезе играта беше достапна за различни платформи како Xbox 360, PS3 и секако компјутер. Играта беше развиена со цел достојно да биде во конкуренција со големите наслови на познатите Call of Duty како и Battlefield. Првата бета верзија излезе на 30 Ноември 2011 само за оние кој имаа соодветни кодови од "Penny Arcade Expo" и Eurogamer. Бета кодови достапни беа за сите околу Јули 2012 година , а играта излезе во оригинална верзија на 21 Август 2012 .
This article uses material from the Wikipedia Македонски article Кантер страјк, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.