Диего Улиси (италијански: Diego Ulissi; р.
15 јули 1989 во Чечина) — италијански професионален друмски велосипедист, кој вози за UCI World Tour екипата ОАЕ Тим Емирати.
Улиси на Гран при де Монтреал 2012 | |||
Лични податоци | |||
---|---|---|---|
Цело име | Диего Улиси | ||
Роден | 15 јули 1989 Чечина, Италија | ||
Висина | 1,75 м | ||
Маса | 61 кг | ||
Податоци за клубот | |||
Мом. клуб | ОАЕ Тим Емирати | ||
Дисциплина | друмски велосипедизам | ||
Улога | возач | ||
Вид на возач | универзален возач | ||
Аматерски клубови | |||
2008 2009 | Сеано Ванги-Молино ди Феро Хопла-Сеано-Белисима | ||
Професионални клубови | |||
2010– | Лампре-Фарнезе Вини | ||
Значајни победи | |||
| |||
Последна промена 31 август 2020 |
Тој победил на јуниорската друмска трка на Светските првенства во 2006 и 2007. Тој е втор велосипедист некогаш - по Џузепе Палумбо – кој успеал да победи на две јуниорски светски првенства по ред. Тој победил на етапата 17 на Џиро д’Италија 2011, откако резултатот на Џовани Висконти бил повлечен поради несоодветен спринт.
Улиси подоцна ја освоил кралската етапа и генералниот пласман на Трката околу Словенија.
Во сезоната 2012, Улици повторно настапил на Џиро д’Италија, завршувајќи четврти во пласманот за млад возач.
Улиси ја освоил втората победа во Светската турнеја во текот на првата етапа на Трката околу Полска 2013, претекнувајќи ги Дарвин Атапума и Рафал Мајка од групата на бегството од 15 возачи. Подоцна, наесен освоил три италијански класици. На Милано-Торино, Илиси нападнал од мала група на фаворити, вклучувајќи го бранителот на титулата Алберто Контадор, на последното искачување за победа. Го освоил спринтот на нагорнина на Копа Сабатини една недела подоцна. На крај, Улиси повторно се одвоил од водечката група пред целта на Џиро дел’Емилија за победа.
Улиси освоил повеќе етапи во 2014 година и покрај недоволната форма на пролетните класици. Ја освоил втората етапа на Тур Даун Андер, започнувајќи ран спринт за да го порази етапниот фаворит Сајмон Геранс. Освоил две етапи на Џиро д’Италија. На петтата етапа отпочнал доцен напад против групата на фаворити и тесно ги поразил фаворитите на целта на првата поголема планинска етапа.
Откако ја завршил суспензијата поради допинг-тестот во март 2015 година, Улиси се вратил со победа на седмата етапа на Џиро д’Италија.
ВО 2016 година, Улиси се вратил на Џиро д’Италија, каде освоил две етапи. На четвртата етапа, Улиси се одвоил од водечката група и го поразил Том Димулен за пет секунди. На етапата 11 го претекнал предводникот Боб Јунгелс во завршните метри на етапата. Улиси го освоил својот прв поединечен хронометар во неговата кариера на втората етапа на Трката околу Словенија, победувајќи го крајниот победник на трката Реин Тарамае на кратката ридска патека. Во август, Улиси ја освоил третата етапа и крајниот пласман на Трката околу Чешка.
Во јуни 2017 година бил именуван во почетниот состав за Тур де Франс 2017. Ги претекнал Хесус Ерада и Том-Јелте Слагтер за победа на ГП Монтреал, негова прва победа во Светската турнеја во сезоната 2017. Улиси ја освоил Трката околу Турција, негова прва етапна трка. На трката ја преземал водечката маичка со соло-напад на четвртата етапа.
Улиси ја освоил петтата етапа на Тур де Свис 2018, поразувајќи го Енрик Мас во завршниот спринт.
Во 2019 година, Улиси го освоил Гран Премио ди Лугано во Швајцарија. Исто така, ја освоил третата етапа и генералниот пласман на Трката околу Словенија и тест-трката за друмската трка на Летните олимписки игри 2020 во Токио.
Во јуни 2014 година било објавено дека Улиси имал позитивни резултати на допинг-тестот во текот на Џиро д’Италија 2014, каде освоил две етапи. Бил позитивен на лекот за астма салбутамол.
Улиси имал дозвола да го користи лекот, меѓутоа тестот покажал ниво, кое било скоро двапати поголемо. Исто така добил парацетамол од докторот на трката откако бил вклучен во пад на етапата.
Улиси и самиот доктор на екипата негирале дека го користеле инхалаторот за да се здобио со натпреварувачка предност, тврдејќи дека Улиси имал само две вдишувања пред почетокот на етапата. Екипата и предводникот на италијанската репрезентација, Давиде Касани, изразиле поддршка за Улиси. Сепак, бил привремено суспендиран од екипата и не можел да тренира со репрезентацијата.
Улиси се жалел до Меѓународниот велосипедистички сојуз (UCI) бидејќи се соочувал со двегодишна суспензија. По некое одложување, UCI го предале случајот на швајцарската федерација (поради живеалиштето на Улиси во Лугано) за да се отпочне дисциплинско сослушување. Улиси тврдел дека падот на етапата 11 на Џиро можела да предизвика повисоко ниво на салбутамол.
Швајцарскиот олимписки комитет се сложил со одбраната на Улиси дека го користал несоодветно салбутамолот и не со намера да мами. Затоа добил намалена деветмесечна суспензија, која завршила во март 2015 година.
Голема трка | 2011 | 2012 | 2013 | 2014 | 2015 | 2016 | 2017 | 2018 | 2019 |
---|---|---|---|---|---|---|---|---|---|
Џиро | 41 | 21 | — | СО | 64 | 21 | — | 28 | 42 |
Тур | — | — | — | — | — | — | 39 | — | — |
Вуелта | — | — | 32 | — | — | — | — | — | — |
Монумент | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
---|---|---|---|---|---|---|---|---|---|---|---|
Милано-Санремо | — | 140 | СО | СО | СО | — | 58 | 40 | 103 | 72 | |
Трка околу Фландрија | — | — | — | — | — | — | — | — | — | — | |
Париз-Рубе | — | — | — | — | — | — | — | — | — | — | |
Лиеж-Бастоњ-Лиеж | — | 76 | 78 | 20 | 66 | СО | 55 | 30 | 28 | — | |
Џиро ди Ломбардија | СО | СО | 41 | 28 | — | 74 | 22 | 21 | — | 60 | 8 |
Класични трки | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 | 2020 |
Амстел Голд Рејс | — | СО | СО | 25 | 34 | 49 | 7 | 27 | 50 | 22 | |
Флеш Валон | — | СО | 9 | 13 | 17 | 50 | 8 | 10 | 14 | 3 | |
Гран при Квебек | 70 | — | 6 | — | — | 5 | 7 | 11 | 11 | 4 | НСО |
Гран при Монтреал | 58 | — | 67 | — | — | СО | 3 | 1 | 7 | 2 | НСО |
СО = се откажал; — = не учествувал; НСО = не се одржала
„Диего Улиси“ на Ризницата ? |
This article uses material from the Wikipedia Македонски article Диего Улиси, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.