Јонас Бјоркман

Тој е поранешен светски бр. 1 во двојки - парови, а исто така поранешен светски бр.4 во поединечна конкуренција. Бјоркман се повлекол од професионалниот тенис откако се натпреварувал на првенството во двојки на тенискиот Мастерс куп во 2008 година. Почнувајќи од 2019 година, тој е рангиран во првите 40 на сите времиња на листата на заработка на АТП со над 14,5 милиони долари.

На 20 ноември 2006 година, тој го заменил Дик Норман како најстар играч во топ 100 на АТП (поединечна конкуренција) кога Норман за последен пат испаднал од топ 100. На 9 јуни 2008 година, на возраст од 36 години и 2 месеци, Бјоркман бил на листата, но набрзо бил истиснат од Фабрис Санторо.

Бјоркман има долгорочни успешни партнерства во двојки (парови) со Јан Апел, Жако Елтинг, Никлас Култи, Макс Мирни, Патрик Рафтер, Кевин Улиет и Тод Вудбриџ. Тој има освоено во својата кариера вкупно 9 Грен слем турнири.

Синот на тенискиот тренер и поштар Ларс Бјоркман, Јонас почнал да игра тенис на шестгодишна возраст. На 18 години, тој го освоил шведското јуниорско првенство и бил меѓу топ 5 шведски јуниорски играчи. Тој се оженил со Петра на 2 декември 2000 година во Стокхолм, и заедно го имаат синот Макс (роден на 15 јануари 2003 година).

Тој игра тенис со десна рака и има особено добри резултати против играчите кои играат со левата рака. Јонас тврди дека тоа е затоа што неговиот татко игра со лева рака и му служи како спаринг-партнер за вежбање.

Тој станал професионалец во 1991 година. Во 1993 година, освоил три титули во поединечна конкуренција на Челинџер турнирите. Во 1994 година освоил седум титули во двојки, вклучувајќи го и Светското првенство на АТП турнирот во Џакарта (Индонезиоја). Во 1995 година, успеал да стигне до своето прво АТП финале во кариерата во Хонгконг. Во 1997 година, Бјоркман станал деветтиот шведски тенисер кој завршил во топ 10 на АТП и тоа на местото број 4. Таа година се пласирал во своето прво Гренд слем полуфинале и тоа на УС Опен, победувајќи ги Франциско Клавет, Тод Мартин, Густаво Куертен, Скот Дрејпер и во четврт-финалето Петр Корда пред да загуби од Грег Руседски. На Австралија Опен во 1998 година, ја освоил својата прва Грен слем титула во двојки во кариерата. Во 2000 година тој завршил во топ 50 во поединечна конкуренција и тоа по петти пат во последните седум години.

Во својата АТП кариера, Јонас освоил шест титули во поединечна конкуренција и 54 титули во двојки, од кои дури девет биле со Грен слем тежина.

Бјоркман го имал својот прв настап во Дејвис купот во 1994 година и оттогаш играл редовно за својата Шведска. Тој има постигнато рекорд во настапите од Дејвис купот од 21 настап и 14 победи во двојки и рекорд од 14 настапи и 9 победи во поединечна конкуренција. Тој бил член на шведските шампионски тимови во Дејвис купот во 1994, 1997 и 1998 година.

Во 2002 година, Бјоркман го освоил Нотингем Опен победувајќи го Вејн Артурс во финалето, меѓутоа, на Вимблдон, тој налетал на првиот носител Лејтон Хјуит во првото коло. Бјоркман бил поразен од Хјуит кој подоцна го има освоено турнирот во Вимблдон.

На Вимблдон 2006 година, тој неочекувано се пласирал во полуфиналето во поединечна конкуренција и тоа на 34-годишна возраст, што го прави најстариот играч што стигнал до таму на турнирот по легендата Џими Конорс во 1987 година. Тој успеал претходно само еднаш да влезе во четвртфиналето во поединечна конкуренција и тоа во 2003 година. Таа година бил победен од 14-тиот носител Радек Штепанек во натпревар кој вклучувал голема неизвесност. Претходно го победил својот партнер во двојки Макс Мирњи како и Томас Јохансон, Лукаш Длоухи и Даниеле Брачали. Во 2006 година во полуфиналето тој го налетал на светскиот рекет број 1 и бранител на титулата Роџер Федерер кој бил премногу добар и секако успеал да го победи Јонас со 6–2, 6–0, 6–2 во сетови. Кога Џон Мекинро го објавил своето официјално враќање на АТП про турнирите во 2006 година, тој се здружил со Бјоркман за да може да ја освои титулата во двојки на SAP Open во градот Сан Хосе.

За време на Вимблдон во 2008 година, Јонас објавил дека тој турнир ќе му биде последен Вимблдон бидејќи планира да се пензионира на крајот од сезоната. Иако тој бил исфрлен уште во првото коло во поединечна конкуренција, Бјоркман успеал заедно со Кевин Улиет да стигне до финалето каде биле поразени од вторите носители Даниел Нестор и Ненад Зимонјиќ. Тој по крајот на тоа финале добил огромни овации и пристојно збогување за неговата долга кариера на Вимблдон.

Бјоркман се повлекол од професионалниот тенис, откако со неговиот партнер Улиет не успеале да се квалификуваат за полуфиналето во двојки на тенискиот Мастерс куп во 2008 година.

На 2 октомври 2013 година, тој најавил враќање на турнирите и тоа за почеток „If Stockholm Open“, добивајќи вајлд-карта (слободна карта за настап) во пар со сонародникот Роберт Линдштет.

Бјоркман во 2015 година настапувал како танчер во Летс Денс 2015.

 

Енди Мареј го приклучил Бјоркман во неговиот тренерски штаб во март 2015 година за почеток на петнеделна проба за да помогне во периодот кога тренерката Амели Мауресмо била отсутна, бидејќи се согласила да работи со него за период од 25 недели. Сепак, на крајот на Австралија опен, Мауресмо го известила Мареј дека е бремена и тој објавил на крајот на април дека Бјоркман ќе биде негов главен тренер за целата сезона на трева и на целиот настап на американските тврди терени. Мауресмо би била присутна во тимот на Мареј само за турнирот во Вимблдон. Јонас Бјоркман му се приклучил на тимот на Мареј во април 2015 година, помагајќи му на Енди да победи на БМВ Опен во Минхен, неговата прва титула на земјени терени. Потоа, Мареј ја освоил својата прва титула на Мастерс 1000 на земјена подлога во Мадрид. Во јуни 2015 година, Бјоркман го тренирал Енди Мареј на Квинс каде што на крајот ја освоил својата четврта титула во Квинс Клубот на првенството во Аегон. Во средината на декември 2015 година, Мареј одлучил да не го продолжува договорот со Бјоркман. Швеѓанецот, кој се приклучил во тимот на светскиот рекет број 2 во 2015 година, ја презел тренерската функција во последните четири месеци од сезоната во отсуство на првиот тренер Амели Мауресмо, но потоа немало да биде дел од тимот.

Грен слем финалиња

Двојки: 15 натпревари (9 победи и 6 порази)

резултати	година	првенство	подлога	партнер во двојки	противници	резултат
Пораз	1994	Франција опен Ролан Гарос	Земја	Јан Апел	Бајрон Блек   Џонатан Старк	4–6, 6–7
Пораз	1997	САД опен	Тврда	Никлас Култи	Јевгени Кафелников   Даниел Вацек	6–7(8–10), 3–6
Победа	1998	Австралијаопен	Тврда	Јако Елтинг	Тод Вудбриџ   Марк Вудфорд	6–2, 5–7, 2–6, 6–4, 6–3
Победа	1999	Австралија опен (2)	Тврда	Патрик Рафтер	Маеш Бупати   Леандер Паес	6–3, 4–6, 6–4, 6–7(10–12), 6–4
Победа	2001	Австралија опен (3)	Тврда	Тод Вудбриџ	Бајрон Блек   Давид Приносил	6–1, 5–7, 6–4, 6–4
Победа	2002	Вимблдон	Трева	Тод Вудбриџ	Марк Кноулес   Даниел Нестор	6–1, 6–2, 6–7(7–9), 7–5
Победа	2003	Вимблдон (2)	Трева	Тод Вудбриџ	Маеш Бупати   Макс Мирни	3–6, 6–3, 7–6(7–4), 6–3
Победа	2003	САД опен	Тврда	Тод Вудбриџ	Боб Брајан   Мајк Брајан	5–7, 6–0, 7–5
Победа	2004	Вимблдон (3)	Трева	Тод Вудбриџ	Џулијан Кноули   Ненад Зимониќ	6–1, 6–4, 4–6, 6–4
Победа	2005	Франција опен	Земја	Макс Мирни	Боб Брајан   Мајк Брајан	2–6, 6–1, 6–4
Пораз	2005	САД опен (2)	Тврда	Макс Мирни	Боб Брајан   Мајк Брајан	1–6, 4–6
Победа	2006	Франција опен (2)	Земја	Макс Мирни	Боб Брајан   Мајк Брајан	6–7(5–7), 6–4, 7–5
Пораз	2006	САД опен (3)	Тврда	Макс Мирни	Мартин Дам   Леандер Паес	7–6(7–5), 4–6, 3–6
Пораз	2007	Австралија опен	Тврда	Макс Мирни	Боб Брајан   Мајк Брајан	5–7, 5–7
Пораз	2008	Вимблдон	Трева	Кевин Улјет	Даниел Нестор   Ненад Зимониќ	6–7(12–14), 7–6(7–3), 3–6, 3–6

Мешани двојки: 2 (2 второпласирани)

Резултат	година	првенство	Површина	Партнер	Противниците	Резултат
Загуба	1999 година	Вимблдон	Трева	Ана Курникова	Леандер Паес   Лиза Рејмонд	4–6, 6–3, 3–6
Загуба	2007 година	Вимблдон (2)	Трева	Алиша Молик	Џејми Мареј   Јелена Јанковиќ	4–6, 6–3, 1–6

Финале на Мастерс серијата

Сингл: 1 (1 второпласиран)

Резултат	година	првенство	Површина	Противник	Резултат
Загуба	1997 година	Мастерс во Париз	Тепих синтелон (i)	Пит Сампрас	3–6, 6–4, 3–6, 1–6

Сингл: 11 (6 победи и 5 порази)

Резултат	П–З	Датум	Турнир	Површина	Противник	Резултат
Загуба	0–1	април 1995	Хонгконг	Тврда	Мајкл Чанг	3–6, 1–6
Победи	1–1	јануари 1997	Окленд, Нов Зеланд	Тврда	Кенет Карлсен	7–6 (9–7), 6–0
Загуба	1–2	мај 1997	Корал Спрингс, САД	Земја	Џејсон Столтенберг	0–6, 6–2, 5–7
Победи	2–2	август 1997	Индијанаполис, САД	Тврда	Карлос Моја	6–3, 7–6 (7–3)
Загуба	2–3	октомври 1997	Париз, Франција	Тепих - синтелон (i)	Пит Сампрас	3–6, 6–4, 3–6, 1–6
Победи	3–3	ноември 1997	Стокхолм, Шведска	Тврда(i)	Јан Зимеринк	3–6, 7–6 (7–5), 6–2, 6–4
Победи	4–3	јуни 1998	Нотингем, Велика Британија	Трева	Бајрон Блек	6–3, 6–2
Победи	5–3	јуни 2002	Нотингем, Велика Британија	Трева	Вејн Артурс	6–2, 6–7, 6–2
Загуба	5–4	февруари 2003	Марсеј, Франција	Тврда (i)	Роџер Федерер	2–6, 6–7 (6–8)
Победи	6–4	септември 2005	Сити Хо Ши Мин, Виетнам	Тепих - синтелон(i)	Радек Штепанек	6–3, 7–6 (7–4)
Загуба	6–5	јуни 2006	Нотингем, Велика Британија	Трева	Ришар Гаске	4–6, 3–6

Двојки: 97 (54 победи и 43 порази)

Поединечна конкуренција

Двојки

• jonasbjorkman.com Архивирано на 12 јуни 2009 г. – официјална веб-страница
• Јонас Бјоркман Профил на мрежното место на АТП (англиски)  
• Јонас Бјоркман на официјалното мрежно место на Дејвис купот
• Историја на светското рангирање на Бјоркман Архивирано на 27 јануари 2021 г.