Taluak Thailand

Taluak Thailand
Taluak Siam
Lokasi taluak
Lokasi	Asia Tenggara
Koordinat	09°30′N 102°00′E / 9.500°N 102.000°E / 9.500; 102.000 102°00′E / 9.500°N 102.000°E / 9.500; 102.000
Jinih badan aia	Taluak
Aliaran masuak utamo	Lauik Cino Selatan
Talatak di nagara	Thailand Kamboja Vietnam
Area pamukoan	320,000 km2 (120,000 sq mi)
Kadalaman rata-rata	58 m (190 ft)
Kadalaman maks.	85 m (279 ft)

Taluak Thailand, nan disabuik juo Taluak Siam, adolah ciek taluak dangka di sabalah baraik Lauik Cino Selatan, yaitu parairan lauik nan talatak di tapi barat Samudera Pasifik. Taluak iko mampunyoi panjang 800 km (497 mil) jo lebanyo 560 km (348 mi), laweh pamukoannyo 320,000 km2 (123,553 meter pasagi). Taluak iko babateh di utara, barat, jo barat daya jo Thailand sarato di timur lauik jo Kamboja jo Vietnam. Lauik Cino Selatan tabantang di sabalah tenggaranyo.

Namo moderen Taluak Thailand adolah Ao Thai (bahaso Thai: อ่าวไทย, [ʔàːw tʰāj] (  danga) "Taluak Thailand"), sarato namo Gulf of Thailand alah diambiak sabagai namo rasmi taluak ko dek Organisasi Hidrografi Internasional.^[bilo?] Namonyo dalam bahaso Malayu adolah Teluk Siam, dalam bahaso Khmer Khmer, Chhoung Samut Siem. Daulunyo dalam bahaso Thailand, taluak itu daulunyo disabuik juo jo namo Ao Sayam (bahaso Thai: อ่าวสยาม "Taluak Siam"). Dalam bahaso Vietnam, taluak ko disabuik jo namo Vịnh Thái Lan.

 

Taluak Thailand babateh jo pasisia nagara Kamboja, Thailand, jo Vietnam. Laweh area dasa lauik taluak ko mancapai 304.000 km2, sajak dari 6° LU inggo 13° 30' LU, sarato dari 99° BT inggo 104° BT.^:250 Bateh ujuang utara taluak ko adolah Taluak Bangkok nan barado di muaro Sungai Chao Phraya. Bateh selatan taluak ko dapek ditantuan barupo garih nan ditariak dari Tanjuang Bai Bung di Vietnam selatan (dakek sabalah selatan muaro Sungai Mekong) inggo ka Kota Bharu di pasisia Malaysia.

Taluak iko relatif dangka: kadalaman rato-rato adolah 58 meters (190 ft) jo kadalaman maksimumnyo anyo 85 meters (279 ft).^:250 Iko mambuek patukaran aia bajalan lambek, jo aliran aia nan dareh dari sungai mangurangi tingkek salinitas (kadar garam) di taluak (3,05–3,25 parsen) jo mampakayo sedimen. Anyo pado kadalaman nan labiah dalam lai, aia nan salinitasnyo labiah tinggi (3,4 parsen) mangalia ka taluak dari Lauik Cino Selatan. Aliran itu maisi depresi di tangah-tangah taluak di bawah kadalaman 50 meters (160 ft). Sungai utamo nan mangalia ka taluak adolah Sungai Chao Phraya, basarato anak-anak sungainyo yaitu Sungai Tha Chin, Sungai Mae Klong, jo Sungai Bang Pakong nan malalui Taluak Bangkok; sarato dalam tingkek nan agak kurang Sungai Tapi mangalia malalui Taluak Bandon di barat daya Taluak Thailand.

Organisasi Hidrografi Internasional mandefinisian bateh selatan taluak sabagai "garih nan mambantang dari ujuang barat Kamboja atau Tanjuang Ca Mau (8° 36' N) inggo ka tanjuang nan paliang utara di sisi timur muaro Sungai Kelantan (6°14′N 102°15′E / 6.233°N 102.250°E / 6.233; 102.250)".

Taluak

Thailand

• Taluak Bangkok
• Taluak Prachuap
• Taluak Manao
• Taluak Sattahip

Kamboja

• Taluak Kompong Som (Chhak Kompong Som)
• Taluak Veal Rinh
• Taluak Kep
• Taluak Koh Kong (Chhak Koh Kong)

Vietnam

• Taluak Tuan Ven (Vinh Tuan Ven)
• Taluak Ba Hon (Vinh Ba Hon)
• Taluak (Vinh Hon Chong)

Pulau

Pulau-pulau nan agak gadang di taluak ko antaro lain:

• Maritime boundary delimitation in the gulf of Thailand - Schofield, Clive Howard (1999)